اية رايكم في كيا سيراتو اوتوماتيك 2010

**a_tharwat** · 03-03-2010 05:29 PM

اختيار وكيل ولا خليجي محدش يقدر يحكم عليه غيرك انت. الضمان مهم ليك ولا لأ؟

مش حتعرف تاخد رأي واحد من الناس, اللي عاوز ضمان حيقولك اشتري من الوكيل, واللي مش فارق معاه حيقلك الخليجي مواصفاته اعلى.

وازن ما بين اهمية الضمان والكماليات اللي عجباك, واستخير ربنا وان شاء الله يوفقك.

**NoRmAl** · 03-03-2010 05:56 PM

المشاركة الأصلية كتبت بواسطة a_tharwat

حلوة قوي "زبالة" دي. الظاهر انها كانت كارو وعليها علامة كيا ولا ايه؟

هو العضو دا كل مايدخل يرمى زباله ويمشى

**ghost1900** · 03-03-2010 06:27 PM

كان فى احد الأعضاء مسافر وعارض عربيته وكيل للبيع فى اللينك ده:

http://www.nilemotors.net/Nile/128962-2010-sx.html

**SENNI55** · 04-03-2010 09:10 AM

ايو ............*دة عن تجربة مش هزار و انا بركب عربيات من زمان و عندى 32 سنة يعنى مش بهيس انا بقوت كدة للامانة انت بقة عايز تشتريها فتوكل على الله و قلت لك كلمنى و انا اقولك على كم المشاكل الى قابلتنى 0105061753

**Beeso** · 04-03-2010 09:20 AM

المشاركة الأصلية كتبت بواسطة SENNI55

ايو زبالةو دة عن تجربة مش هزار و انا بركب عربيات من زمان و عندى 32 سنة يعنى مش بهيس انا بقوت كدة للامانة انت بقة عايز تشتريها فتوكل على اللة و قلت لك كلمنى و انا اقولك على كم المشاكل الى قابلتنى 0105061753

أهلا بيك في وكالة حسن وحسني وحسنين ياريتك جتلنا يارجل قبل متبعها كنا عملنا شغل مع بعد ده عربية زبالة وحنا مكلفين من شركة كيا إننا نلم كل العربية الزبالة اللي في السوق عشان تروح المانيا تتصلح أصلها "Made in Germany "

ويريت لو تعرف حد عنده العربية الزبالة ده تقولنا عشان نلحقه

**mameen** · 04-03-2010 09:26 AM

يا ريت بلاش موضوع الزباله دي
لو عندك عيوب قولها
وبعدين والله يا جماعة في ناس بتشتكي من مرسيدس وبي ام ودة معناه ايه؟؟؟؟
انها عربيات زباله
اعتقد ان نظرة الناس لموضوع لزباله مختلف شوية

**morasystem** · 04-03-2010 09:50 AM

المشاركة الأصلية كتبت بواسطة ali357

طيب يا جماعة بتاعت الوكيل sx هل ممكن اطلبها بجنط 16 ولالا
ولو ينفع ممكن يكون التكلفة كام ازيد ام اقل

وبعدين ليه سؤال اخر : هل بتاعت الوكيل بتدحف شمال فعلا ومهالش حل الحدفة دى , وهل الحدفة دى مش موجودة فى الخليجى

وفى سؤال اخر : الضمان بتاع الخليجى اللى بيقولو عليه بيعطوه مقابل 2000 جنية هل الضمان ده فعلا ضمان ولا هتش وكلام فارغ ولو حصل حاجة بتدبس فى الليلة

وبعدين انا قدامى عربية خليجى ب116 فرش جلد وسمارت كى وفتحة سقف واعتقد ان مفهاش مرايات تعتيم , وهى سعودى فهل اغامر واجبها ولا اجيب بتاعت التوكيل , اصلى خايف من الجنط ال17 , وبعدين اللى فيها فتحتة سقف وسمارت كى غالية فى التوكيل بتعدى ال120 الف
ولاانتو ايه رايكم

ليه سؤال اخر بردوا : هل الاسمارت كى مفيد يعنى ولا حيكون مجرد كماليات وخلاص ومش فارق اذا كانت تدور بزورار او بمفتاح

انا مش عارف بصراحة دماغى بقة سلطة , وبعدين اهم حاجة عندى فتحة سقف وabs وعدادات رياضية وسيسنور بارك ولقيت كل ده موجود ومعاه سمارت كى كمان ب116 وجنط 16 فمش عارف اغامر ولا ايه رايكم ,
انا خايف ادفع المبلغ ده كله واتسوح
ولو حد قالى حط ضمان ب2000 جنية يبقا كدا انا قربت من بتاعت الوكيل
لا بجد التفكير بقا سلطة
وكمان حتى زمان مكنتش عارف اختار عربية
ولما اختار العربية مش عارف اختار الفئة
ولما اختار الفئة مش عارف اختار بين الخليجى والوكيل واتنازل عن ايه مقابل ايه
افيدونىىىىىىىىىىىىى

الضمان ملوش لازمة .... بس ممكن تعمل الصيانة فى التوكيل و تدفع 30% زيادة أو تعمل صيانة برة التوكيل فى مراكز كويسة برضه زى أمير و جوزيف أو National Motors

**morasystem** · 04-03-2010 09:50 AM

المشاركة الأصلية كتبت بواسطة ali357

طيب يا جماعة بتاعت الوكيل sx هل ممكن اطلبها بجنط 16 ولالا
ولو ينفع ممكن يكون التكلفة كام ازيد ام اقل

وبعدين ليه سؤال اخر : هل بتاعت الوكيل بتدحف شمال فعلا ومهالش حل الحدفة دى , وهل الحدفة دى مش موجودة فى الخليجى

وفى سؤال اخر : الضمان بتاع الخليجى اللى بيقولو عليه بيعطوه مقابل 2000 جنية هل الضمان ده فعلا ضمان ولا هتش وكلام فارغ ولو حصل حاجة بتدبس فى الليلة

وبعدين انا قدامى عربية خليجى ب116 فرش جلد وسمارت كى وفتحة سقف واعتقد ان مفهاش مرايات تعتيم , وهى سعودى فهل اغامر واجبها ولا اجيب بتاعت التوكيل , اصلى خايف من الجنط ال17 , وبعدين اللى فيها فتحتة سقف وسمارت كى غالية فى التوكيل بتعدى ال120 الف
ولاانتو ايه رايكم

ليه سؤال اخر بردوا : هل الاسمارت كى مفيد يعنى ولا حيكون مجرد كماليات وخلاص ومش فارق اذا كانت تدور بزورار او بمفتاح

انا مش عارف بصراحة دماغى بقة سلطة , وبعدين اهم حاجة عندى فتحة سقف وabs وعدادات رياضية وسيسنور بارك ولقيت كل ده موجود ومعاه سمارت كى كمان ب116 وجنط 16 فمش عارف اغامر ولا ايه رايكم ,
انا خايف ادفع المبلغ ده كله واتسوح
ولو حد قالى حط ضمان ب2000 جنية يبقا كدا انا قربت من بتاعت الوكيل
لا بجد التفكير بقا سلطة
وكمان حتى زمان مكنتش عارف اختار عربية
ولما اختار العربية مش عارف اختار الفئة
ولما اختار الفئة مش عارف اختار بين الخليجى والوكيل واتنازل عن ايه مقابل ايه
افيدونىىىىىىىىىىىىى

بص يا باشا هجيبلك من الأخر

العربية دى بسم الله ما شاء الله زى الفل .... و لو هتجيب وكيل أو خليجى مش فارقة .... نصيحة صغنونة قد كدة "متخافش من الخليجى" لأن محدش اشتكى منها الحمد لله حتى الان ولا شكوى صغيرة .... و كل اللى اشتكوا و عددهم كان قليل جدا جدا كانوا من الوكيل... فيه ناس قالوا مقصات و ناس قالوا عفشة و ناس قالوا سخونة كونسول .... بس العفشة بتطرى مع الوقت و بتبقى حاجة تانية خالص بشهادة الكل .... و السخونة بتاع الكونسول كانت فى بعض العربيات اللى كانت نازلة من كوريا بدون عازل فوق الشكمان و هى حتة صفيحة كدة و بيركبوهالك فى التوكيل مجانا لو مش راكبة .... أما بالنسبة للحدفة و المقصات ف فيه ناس فعلا كان عندها حدفة و ناس الشيطان وسوسلها فى دماغها و قالهم انتوا عربياتكوا فيها حدفة .... لكن حضرتك هتجرب العربية قبل ما تدفع و هتشوف بنفسك فيها حدفة ولا لأ

و نصيحة بلاش الجنط 17 .... على الرغم إنه أحلى شكل لكنه أسوأ وزن و مقاس .... انا اللى عندى 15 و حلو أوى ... برضه فيه اللى جربوا ال 16 قالوا حلو أوى ... فلو حضرتك عايز السيراتو اللى فيها ABS و ال 6 Airbag يبقى هات ال SX اللى قبل الهاى لاين .... و بالنسبة للفرش الجلد هو مش فاخر للدرجة اللى تكيف يعنى معقول بس الفرش العادى بتاعها حلو

**Ahmed.TV** · 04-03-2010 03:09 PM

المشاركة الأصلية كتبت بواسطة morasystem

بص يا باشا هجيبلك من الأخر

العربية دى بسم الله ما شاء الله زى الفل .... و لو هتجيب وكيل أو خليجى مش فارقة .... نصيحة صغنونة قد كدة "متخافش من الخليجى" لأن محدش اشتكى منها الحمد لله حتى الان ولا شكوى صغيرة .... و كل اللى اشتكوا و عددهم كان قليل جدا جدا كانوا من الوكيل... فيه ناس قالوا مقصات و ناس قالوا عفشة و ناس قالوا سخونة كونسول .... بس العفشة بتطرى مع الوقت و بتبقى حاجة تانية خالص بشهادة الكل .... و السخونة بتاع الكونسول كانت فى بعض العربيات اللى كانت نازلة من كوريا بدون عازل فوق الشكمان و هى حتة صفيحة كدة و بيركبوهالك فى التوكيل مجانا لو مش راكبة .... أما بالنسبة للحدفة و المقصات ف فيه ناس فعلا كان عندها حدفة و ناس الشيطان وسوسلها فى دماغها و قالهم انتوا عربياتكوا فيها حدفة .... لكن حضرتك هتجرب العربية قبل ما تدفع و هتشوف بنفسك فيها حدفة ولا لأ

و نصيحة بلاش الجنط 17 .... على الرغم إنه أحلى شكل لكنه أسوأ وزن و مقاس .... انا اللى عندى 15 و حلو أوى ... برضه فيه اللى جربوا ال 16 قالوا حلو أوى ... فلو حضرتك عايز السيراتو اللى فيها abs و ال 6 airbag يبقى هات ال sx اللى قبل الهاى لاين .... و بالنسبة للفرش الجلد هو مش فاخر للدرجة اللى تكيف يعنى معقول بس الفرش العادى بتاعها حلو

ماشى هو محدش اشتكى كتير من الخليجى, والكل بيروح التوكيل وبيدفع زيادة 40 % وبيعمل صيانته هناك , بس المشكلة لو قابلنى حاجة تقيلة وطلع فيها عيب مصنع زى فتيس او حاجة كبيرة , مين حيغيرها , ساعتها حيغم عليه لان كمان سعرها عشان اغيره انا حيكون بالشى الفولانى

وبعدين اللى شوفتها عند ريان وسعودى وكانت ب116 الف مكنش فيها 6 ايرباج
بس هى جنط 16 وفتحة سقف وسمارت كى وعددات رياضية وسينسور بارك واوكر نيكل وايرباج واحد على ما اعتقد , وكاسيت سى دى واحد , وفرش جلد , وفيها نظام العدسة وتحكم فى الاضاءة بس مش عارف ها كان فيها مرايات تعتيم وحساس نور ولالا, والشكمان عادى مش كروم

وبعدين هو ازاى اقدر اعرف او اشوف موضوع العزل اللى على الشكمان هل ممكن يبان لو بصيت على العربية من تحت ولالا , ولو مش بيبان هل بيتركب فى التوكيل من غير فك ولعب فى حاجة والدنيا بسيطة ولالا