عرض للطباعة
السلام عليكم و رحمة الله ، أنا الحمد لله إشتريت الفابيا الجديدة 1400 سي سي بقالي أقل من شهر ، هي مستعملة و عاملة 4000 كيلو و لكن عندي بعض الملحوظات :
1 - العفشة ناشفة لدرجة ان الفابيا بتاعتي ال 2001 أريح منها
2 - صو ت الموتور عالي و خشن و أعلي من الفابيا التانية ( القديمة ) !!
مع العلم أن الفابيا القديمة عاملة 165 ألف كيلو و الجديدة عاملة 4 ألاف كيلو و لسة عاملها صيانتها
يا شباب هل دة طبيعي ؟؟؟
i think u should ask in Skoda fourm
استني يا باشا لحد ال 10000 كيلو يمكن تلاقيها انعم كتير
انا الرينو سيمبول عندي بحس انها بتتحول كل اما اعمل كيلوات كتيرة العربية بتنعم وتسارعها بيعلي فانت استني عليها شوية ولو فضلت زي ما هيا ابقي في صيانة ال10000 قول ملاحظتك للتوكيل جايز ده طبيعي
لو انت جايبها سبورت يبقى الطبيعى انها تكون ناشفه قلنا مواصفات العربيه ايه
بالنسبة للصوت انا مع الاخ الي قال استنا لحد ما تكمل 10 الاف كيلو ومع تغيير الزيت هتلاقي صوتها نعم عن الاول..وده عادي لانها في فترة تليين..وبالنسبة للعفشة الناشفة هوة حتى الفابيا القديم كانت ناشفة زي دي في الاول وطريت مع المطبات والاستخدام وكل ما كانت انشف كل ما كنت العربية اثبت على الطريق..وربنا يباركلك فيها
و الله عندكو حق و علي أي حال أنا بكره إن شاء الله هروح التوكيل أشوف إيه الحكاية دي
الف شكر علي كل الردود و في إنتظار باقي الأراء إن شاء الله