استشارة: العربية أحيانا مش بترضي تبطّل!!!
من حوالي 3 سنين ونص وانا مركبّ انذار (شبح بالدوّارة) أوعى وشك!! :p
وكان غالي ساعتها وطبعا الهدف منه انك ممكن تدور العربية من الريموت
المهم عمري ما بستخدم الحركة دي اساسا بس كام مرة كان بيحصل انه لما العربية تكون واقفة في حتة شمس لمدة وآجي افتح السنتر وادور لما آجي أبطّل اقفل الكونتاكت لكن العربية بتكون لسه دايرة!!!
المهم عرفت اني المفروض لما يحصل كده اقفل الكونتاكت وادوس على رقم 2
ما بتظرهش العملية دي، غير من حوالي اسبوعين ظهرت بطريقة تانية ومش عارف ليها علاقة بيها والا لأ!
اللي حصل اني فتحت السنتر ومشيت بالعربية 20م ووقفت في اشارة لقيت العربية بتترجرج جامد اوي زي ما يكون المارش معلّق او في حاجة غلط المهم: ابطّل - ادور - مافيش فايدة، ركنت على جنب وقفلت الكونتاكت وفتحت الكبوت لقيت الموتور عمال يتهز بطريقة غريبة انا خفت ع العربية الصراحة :(
واللي عملته فكيت كابل البطارية السالب وركبته تاني والعربية مشيت تمام بعديها :o
ممكن اعرف ايه اللي حصل وايه الحل؟؟؟
ملحوظة: العربية شاهين 2004