تعرفوا حد يقدريصرف شقه في مدينتي في ظرف ايام؟

**محمد محمد** · 03-03-2010 06:35 PM

طب لو رجعتها للشركة هيخصموا كام.

**أحمد كمال** · 03-03-2010 06:40 PM

المشاركة الأصلية كتبت بواسطة ابو الوليد المصرى

طب لو رجعتها للشركة هيخصموا كام.

7% من اجمالي القيمة يعني ممكن يطلع عليه فلوس أصلا !!!!!!

او يطلع بشوية فكة :(

هما ولاد تيييييييييييت في الموضوع ده

**msfahim** · 03-03-2010 06:41 PM

انت جنبك السبحى جاردنز على بعد 1 كم ممكن تدخل شقه مدينتى فى شقة السبحى جاردنز و تاخد الفرق تفك بيه ازمتك لأن صعب حد يديلك فلوس شقتك كاش.و للا انت ايه رايك و كمان اسمع السبحى جاردنز مشروع كويس:b4_388:

**أحمد كمال** · 03-03-2010 06:52 PM

المشاركة الأصلية كتبت بواسطة casio2000

100 ألف وممكن اساهم حتي ب خمسه مثلا في التنازل بس أقل من كدا يبقى مالهاش لزمه بالنسبالنا

كتييييييير و حايرجعوا الفلوس على مدار سنتين - لو كانت المشكله انهم حايخصموا و يرجعوا الباقي كاش كنت عملنا كدا - المشكله ان الفلوس حاترجع بنفس طريقة الدفع و كدا يبقي محققناش الغرض

صعب جدا حد يقبل بكده لانه هيبقى وفر 7 الاف بس .... يعني هيدفع 100 + 25 في التنازل (باعتبار ال 5000 اللي حضرتك هتدفعهم) .... و دي فلوس كاش غير التقسيط يعني كاش حاضر ليه قيمته ..... ايه اللي هيجبر حد يدفع 125 الف كاش مرة واحدة منهم 25 ضايعين في تنازل ..... و هو ممكن يروح يدفع 25 الف حجز و الباقي اقساط ....

ربنا يحسن لك بيعها باذن الله تعالى و انا اصلا مفلس مش ناوي اشتري و لا اعرف حد عايز عشان حضرتك ما تفتكرش لا سمح الله اني باحاول ابخسها ......

**أحمد كمال** · 03-03-2010 06:53 PM

المشاركة الأصلية كتبت بواسطة msfahim

انت جنبك السبحى جاردنز على بعد 1 كم ممكن تدخل شقه مدينتى فى شقة السبحى جاردنز و تاخد الفرق تفك بيه ازمتك لأن صعب حد يديلك فلوس شقتك كاش.و للا انت ايه رايك و كمان اسمع السبحى جاردنز مشروع كويس:b4_388:

ده على نفس الناحية من طريق السويس و لا الناحية التانية؟ و دي بتاعة المهندس محمد السبحي اللي مكتبه في شارع متفرع من عباس العقاد؟

**أحمد كمال** · 03-03-2010 10:20 PM

المشاركة الأصلية كتبت بواسطة casio2000

مع الشركه الحجز و التعاقد قريبين من بعض يعني حايقفل خمسين ستين في الاول

حايستلم بدري سنتين عن لو حجز مع الشركه
حايدفع على 17 سنه اللي حايدفعه مع الشركه في 10 سنين لو حجز معاهم دلوقت
حايستفيد بالموقع بتاع الشقه عشان على النادي و أغلب الشقق المميزه اتحجزت من وقت مافتحوا الحجز من ساعتها
قيمة الشقه حاتزيد تاني في شهر اربعه أول مالمدينه تبدأ شغل و الناس تسكن فيه

احنا فعلا نفسنا نخليها لأنها لقطه - بس ماعلينا - قضاء الله

و شكرا يا أخي انك مهتم و بتفكر معانا حتى لو مش ناوي تشتري - أنا كان هدفي اساسا لو حد يعرف سمسار تكون مدينتي في نطاق شغله مش اني أبيع على المنتدى

فعلا اللي حضرتك قلته دي نقاط جذب انا فعلا ما اخدتش بالي منها نهائي

كده فعلا تستاهل و ربنا يحسن لك بيعها باذن الله

و الله لو معايا كنت خدتها :)

المشاركة الأصلية كتبت بواسطة ahmed anwer

اطلع علي السوق في الرحاب ،،،

هتلاقي هناك مكاتب سمسرة كتيرة جدا ،،

متخصيين في مدينتي و الرحاب ,,

أديلهم بياناتها دوول ممكن يصرفوها بسرعة

بس علي فكرة القسط علي 17 سنة مغلي الشقة أوووي ،،

و ممكن تفكر تبيع بدون تنازل عشان توفر عالشاري مبلغ التنازل مؤقتا

بس للأمانة ده خطر عليك عشان الشيكات هتفضل باسمك في الشركة

و الخطر متبادل لان لو لا قدر الله احد الطرفين مات قبل التنازل هترجع ملكيتها للمالك الأول (في حالة وفاة المشتري) او لورثته (في حالة وفاة المالك) لا قدر الله ....... يعني البيع بالتوكيل خطر على المشتري اكتر من المالك ...... و بعدين لو المشتري زوغ من شيك و لا حاجة المالك يقدر يروح يفسخ العقد بتاع الشقة مع الشركة و يلبس المشتري في الحيط

-

-

الموضوع: تعرفوا حد يقدريصرف شقه في مدينتي في ظرف ايام؟

LinkBack

أدوات الموضوع

عرض

-

-

-

-

-

المواضيع المتشابهه

أسعار مدينتي و الرحاب

مدينتي

من 6 أكتوبر الي مدينتي

مدينتي

حد يعرف نظام مدينتي اية !!!

الكلمات الدلالية لهذا الموضوع

المفضلات

المفضلات

ضوابط المشاركة