السلام عليكم
حاجزين شقه هناك و للأسف عاوزين سيوله بشكل سريع جدا - لو تعرفوا حد متخصص في الموضوع دا يبقى جزاكم الله خير
عرض للطباعة
السلام عليكم
حاجزين شقه هناك و للأسف عاوزين سيوله بشكل سريع جدا - لو تعرفوا حد متخصص في الموضوع دا يبقى جزاكم الله خير
يعنى حضرتك عندك الشقه وعايز تبعها لو ده قصد حضرتك ممكن شويه تفاصيل أكتر عن الشقه و السعر كام و كده عشان نقدر نساعدك
اعلان في الوسيط هتخلص في يومين و يمكن يوم كمان
حتضطر تنزل شوية في السعر علشان تخلص
و طبعا كل ما تكون الشقة أكبر كل ما حيكون إحتمال الوقت اطول
نصيحة امسك نفسك و حاول تتصرف بأنك تاخد قرض بضمانها احسن الف مرة بدل ما حتخسرها في الأيام الصعبة دية، في النهاية الفلوس قيمتها بتقل إنما العقارات بتطلع
تفاصيل الشقة ايه؟ مساحة تطل على ايه مدفوع كام باقى كام اقساط شهرى سنوى
اسرع حاجة انك تحرق سعرها او ترجعها وفي كلتا الحالتين هتتحمل خسارة.
التفاصيل
شقة 96 متر غرفتين - استقبال - 2 حمام - دور أول علوي "اللي هو أول بلكونه مش الارضي" - بحري - تطل على النادي "الواجهه باركينج أخره على طول النادي"
حجز 2008 تتسلم مبدأي عشان التشطيب 2012 و نهائي بعدها بسنه - المشتري هو الل حايشطبها بس معاها اشتراك النادي مجانا
نظام 17 سنه
شهري 2240 + أربع دفعات سنويه 22400 اندفع منهم دفعه واحده + دفعه زياده في 2012 زي السنويه + وديعه الصيانه في 2013 و دي حوالي 30 ألف
مدفوع لحد دلوقت 107000 - رسم التنازل في الشركه حوالي 30 ألف و ممكن ينزلوا شويه
و طبعا مستعدين ننزل في السعر شويه "نخسر يعني" بس بالمعروف
جربنا الوسيط و الاعلانات بس الحجات دي اللي جم منها بالهم طويل و الوقت بالنسبالنا مشكله
و طبعا شكرا للجميع على الاقتراحات جزاكم الله خير حقيقي
حضرتك عايز فيها كام طيب؟
طب لو رجعتها للشركة هيخصموا كام.
100 ألف وممكن اساهم حتي ب خمسه مثلا في التنازل بس أقل من كدا يبقى مالهاش لزمه بالنسبالنا
كتييييييير و حايرجعوا الفلوس على مدار سنتين - لو كانت المشكله انهم حايخصموا و يرجعوا الباقي كاش كنت عملنا كدا - المشكله ان الفلوس حاترجع بنفس طريقة الدفع و كدا يبقي محققناش الغرض
انت جنبك السبحى جاردنز على بعد 1 كم ممكن تدخل شقه مدينتى فى شقة السبحى جاردنز و تاخد الفرق تفك بيه ازمتك لأن صعب حد يديلك فلوس شقتك كاش.و للا انت ايه رايك و كمان اسمع السبحى جاردنز مشروع كويس:b4_388:
صعب جدا حد يقبل بكده لانه هيبقى وفر 7 الاف بس .... يعني هيدفع 100 + 25 في التنازل (باعتبار ال 5000 اللي حضرتك هتدفعهم) .... و دي فلوس كاش غير التقسيط يعني كاش حاضر ليه قيمته ..... ايه اللي هيجبر حد يدفع 125 الف كاش مرة واحدة منهم 25 ضايعين في تنازل ..... و هو ممكن يروح يدفع 25 الف حجز و الباقي اقساط ....
ربنا يحسن لك بيعها باذن الله تعالى و انا اصلا مفلس مش ناوي اشتري و لا اعرف حد عايز عشان حضرتك ما تفتكرش لا سمح الله اني باحاول ابخسها ......
مع الشركه الحجز و التعاقد قريبين من بعض يعني حايقفل خمسين ستين في الاول
حايستلم بدري سنتين عن لو حجز مع الشركه
حايدفع على 17 سنه اللي حايدفعه مع الشركه في 10 سنين لو حجز معاهم دلوقت
حايستفيد بالموقع بتاع الشقه عشان على النادي و أغلب الشقق المميزه اتحجزت من وقت مافتحوا الحجز من ساعتها
قيمة الشقه حاتزيد تاني في شهر اربعه أول مالمدينه تبدأ شغل و الناس تسكن فيه
احنا فعلا نفسنا نخليها لأنها لقطه - بس ماعلينا - قضاء الله
و شكرا يا أخي انك مهتم و بتفكر معانا حتى لو مش ناوي تشتري - أنا كان هدفي اساسا لو حد يعرف سمسار تكون مدينتي في نطاق شغله مش اني أبيع على المنتدى
اطلع علي السوق في الرحاب ،،،
هتلاقي هناك مكاتب سمسرة كتيرة جدا ،،
متخصيين في مدينتي و الرحاب ,,
أديلهم بياناتها دوول ممكن يصرفوها بسرعة
بس علي فكرة القسط علي 17 سنة مغلي الشقة أوووي ،،
و ممكن تفكر تبيع بدون تنازل عشان توفر عالشاري مبلغ التنازل مؤقتا
بس للأمانة ده خطر عليك عشان الشيكات هتفضل باسمك في الشركة
فعلا اللي حضرتك قلته دي نقاط جذب انا فعلا ما اخدتش بالي منها نهائي
كده فعلا تستاهل و ربنا يحسن لك بيعها باذن الله
و الله لو معايا كنت خدتها :)
و الخطر متبادل لان لو لا قدر الله احد الطرفين مات قبل التنازل هترجع ملكيتها للمالك الأول (في حالة وفاة المشتري) او لورثته (في حالة وفاة المالك) لا قدر الله ....... يعني البيع بالتوكيل خطر على المشتري اكتر من المالك ...... و بعدين لو المشتري زوغ من شيك و لا حاجة المالك يقدر يروح يفسخ العقد بتاع الشقة مع الشركة و يلبس المشتري في الحيط
طب حط تليفونك أو ابعتهولي عالخاص
فيه واحد صاحبي مهتم جدا