حل مشكله قطع غيار اللوجان
تم طرح فكره أن نقوم بعمل كيان يتكون من ويكون مصدره تمويله مبلغ رمزى أو اشتراك (250 للعضو على سبيل المثال ) يتم تجميعه من الاعضاء على أن نقوم باحضار قطع الغيار الغير الخارجيه وبعض قطع الغيار الغير اساسيه من الصين ويتم تخزينها وعند حاجه احد الاعضاء لقطعه غيار يقوم بدفع ثمنها بسعر التكلفه ( هيكون فى الحاله ديه ثمن بسيط جدا )
طبعا نتمى لو الموضوع ده اتطبق على اكثر من عربيه واكيد اقرب حد ممكن يكون معانا اخواننا الى معاهم ميجان وأن انضم لينا حد من خارج رينو هيكون افضل لان كل ما هتزيد الكميه كل ما التكاليف هتقل وسعر البضاعه كمان هيقل ( خصم الكميه كبير جدا فى الصين )
طبعا ده هيكون من خلال كيان قانونى ( جمعيه أو اى شكل اخر هنستقر عليه ) وهيكون تحت اشراف احد كبراء المنتدى والحمد لله العقيد خالد وافق مبديئا أن يكون ليه دور يعنى ممكن أن شاء الله يوافق على الاشراف على التنفيذ
ديه الفكره المبدئيه الى ممكن يتغير فيها حاجات زى مثلا أننا ممكن نبيع قطع غيار للى عايز ومش عضو بسعر بيع عادى مش بسعر التكلفه وايراد المبيعات ديه يتجمع مع ايراد الاشتراكات الجديده ويتجاب بيه بضاعه
أو من الممكن أن يكون الموضوع على شكل شركه بدلا من جمعيه
أو ادخال قطع غيار لماركات اخرى مع الرينو وادخال اعضاء من خارج قسم رينو
أو ممكن أيه يكون دور المنتدى وممكن اشراك حد محترم - طبعا لو كانت ظروفه تسمح زى أ / كريم منيير
أو ... أو
ويا ريت الى عنده فكره ازاى المنتدى ممكن يتستفيد من الفكره ديه ممكن يقولنا على اساس أنه صاحب الارض
يعنى الفكره لسه ملهاش شكل ثابت لغايه دلوقتى هى مجرد نواه
ده رابط الموضوع الاصلى
http://www.nilemotors.net/Nile/128940-a.html
بس عشان الفكره ديه تتنفذ فالرجاء الى مبدئيا موافق أن يشترك فى الموضوع كعضو يصوت بالموافقه والى عنده اقتراحات او تعديلات او خبرات أو يعرف حد ليه فى موضوع الاستيراد بصفه عامه أو استيراد السيارات بصفه خاصه او اقتراحات يا ريت يفيدنا بيها حتى وأن كان مش موافق
والتصويت ده عشان نعرف مبدئيا مين الى هيشترك عشان عدد الناس الى هيشتركوا اهم حاجه هتحدد أذا كان الموضوع هيتم ولا لأ - يعنى لو الى وافق 10 افراد مثلا يبقى الموضوع مش هينفع
مش عارف هل ممكن نعمل رابط للموضوع ده فى المنتدى العام عشان الناس الى من خارج القسم لأنى حبيت الموضوع يطرح اولا فى القسم بافتراض اننا هنجيب قطع غيار لوجان وميجان فقط
الفكرة رائعة ولكن التنفيذ صعب !!!!!!!!!
الفكرة رائعة ولكن التنفيذ تعترضه الكثير من العقبات وقد ذكر بعض الزملاء منها رأس المال ، التأكد من مدى جودة قطع الغيار ومطابقة قطع الغيار للعينات التى تم الإتفاق عليها ، التخليص الجمركى ومشاكله العديدة ، والأهم أنك ستدخل عش الدبابير من المستوردين وقد تتعرض إلى كتف قانونى فى إحدى الشحنات فيضيع ثمنها وهذا وارد ، وأرى أن الأقرب للواقعية هو تكوين شركة مساهمة أو جمعية للإعفاء من الضرائب تقوم بشراء قطع الغيار الأكثر مبيعا من أحد المستوردين وسيكون فرق السعر عن القطاعى معقول ويمكن الحصول على ضمان على قطع الغيارلسنة مثلا ،وهذا الإقتراح أقل فى المخاطرة من إقتراح الأخ / ذكر الله ولايحتاج لرأس مال كبير حيث أن هذه الجمعية أو الشركة ستعمل كوسيط بين المستورد والعضو وستلغى تاجر الجملة والقطاعى بهامش ربحهما وهو ليس قليل ، والأمر فى النهاية راجع إلى مايتوافق عليه غالبية أعضاء المنتدى الكرام .