عرض للطباعة
ايه اسباب ان الكاوتش ( يورم ) ؟؟
هو انا مش عارف اسمها ايه
بس تلاقي فردة الكاوتش زي الفل وتلاقي فيها كورة بارزة لبرة كده زي ما تكون ورمة
انا كنت فاكرها في الكاوتش لما يقدم او مع الاستهلاك الكتير
بس لقيتها النهارده والكاوتش ما كملش 6 شهور
وهل فيها خطورة اوي
ولا ايه ؟؟
لو قصدك على إن يطلع حاجة زي الكورة كده من العجلة فـيؤسفني اقولك إنها كده لازم تتغير وال سبب بيكوون مطب حت متعب جامد أو حاجة زي كده بس كده
كده للاسف الكاوتش سلم نمر
ده بيبقي عيب صناعة ولو فيه ضمان ملزم يغيره مع خصم نسبة استهلاك
وعلي فكرة بيبقي فيه خطورة من استعماله لانه ببساطة نقطة ضعف في طبقات الكاوتش
الي انا متأكد منه انو بنسبه 95% انه هيكون بسبب مطب
بس حكايه انو لو في الضمان دي انك تتحمل نسبه استهلاك فا دي تاني مره اسمعها اول مره كانت من سواق تاكسي وللاسف لما رجع للتوكيل ادولو بومبه (يمكن هوا معرفش يتعامل معاهم وياخد حقه)
وتاني مره هنا في المنتدي
قصدك يابيه حفرة وبلاعة بس ده هايقطع الكاوتش وممكن يبوظ الجنط
امال الضمان علي ايه بالظبط عندك فكرة!
قصدك بالونة... دى بتيجى من رصيف او سن مطب او بلاعة... باختصار اى جسب صلب دخلت فيه بقوة
الكاوتش فى الحالة دى بيحصللة ضرر و بنيتة الداخلية بتتلف و العجلة ممكن تنفجر لو مشيت بيها كتير او على سرعة عالية
MMamdouh
معلومات عن موضوع مشكلة الكاوتش
What Causes a Bubble in an Automobile Tire? | eHow.com
ملخص الكلام لوالبالونة في جنب الكاوتش الاحتمال الاكبر هو عيب صناعة اذا ماكانتش فاكر انك خدت بلاعة او خبط في رصيف
يعني السببين صح
عيب صناعة ورجحته لانك ماجبتش سيرة انك خبط في حاجة والكاوتش جديد
السبب التاني صح برده وانت الي تقدر تحدد الي حصل معاك
الضمان علي ايه بالظبط حد عنده فكرة!
الضمان بيبقى على عيوب الصناعة... اثبت بقى للبياع ان دة عيب صناعة و انك مدخلتش فى مطب او سن بلاعة......
الموقف دة بيفكرنى بفيلم اللى بالى بالك لما محمد سعد قال لحسن حسنى: "اثبت ان انا مش انا"
MMamdouh
ههههههههه حلوة يامستر محمد صح
اازاى هيئبتلو ان مدخلش فى بلاعة
هو مش هيلاقى اساسا مكان مفهوش بلاعات ولا حفر فى مصر
مساء الفل و الدماغ العالية
خلاص نفضها بقي بلا ضمان بلا بطيخ امال ليه بتدفع في فردة الكويتش زيادة قال ايه علشان الضمان سلمولي بقي علي التورماي هيهيه:C_laugh[1]:
وبعدين المحاولة مع المكان الي اشتري منه الكاوتش مش ها تضر يمكن يطلع ابن حلال ويعترف بغلطته:U_thin1[1]:
ونكون ايجابيي بدل مانتوقع البلا قبل وقوعه ده مبداي
وبعدين صاحب الموضوع فينه ياتري علشان يوضحلنا الي حصل معاه!
الموضوع ده خطر علشان بيبقى فى تيل بعرض الكواتش ماسك الكاوتش من الداخل وببساطة كده المنطقة اللى بيظهر فيها النتوء(بتوع الكاوتش بيسموه عرق هواء) ده بيبقى التيلة اللى هو فيه اتقطعت فالضغط داخل الفرده دى بيزيد فى النقطة دى وطبعا مع المشى والتحميل الهواء بيتمدد وبيصبح الضغط على المنطقة دى زياده فممكن لا قدر الله يسبب انفجار الكاوتش من النقطة دى وفى الغالب بيبقى سبب النتوء ده عيب صناعة بس ممكن يحصل بسبب شوارع المحروسة اللى مليانة حفر ونقر وبلاعات و و و و ....
انصحك بتغيره فورا وربنا يعوض عليك
ويكفينا شر الحوادث.
والله يا جماعة انا بشكر كل واحد رد علي الموضوع
هو انا من اسبوع بالظبط زي النهارده وشبه نفس الوقت الي بكتب فيخ دلوقتي
اخدت حفرة صغيرة علي اسكندرية الصحراوي ادت الي انفجار الاطار الخلفي جهة الشمال بس ناحية اليمين حتي ما نزلتش في الحفرة
والكاوتشة الي فيها كده ناحية اليمين
وانا غير كده ما اخدتش او خبطت في اي حاجة
المهم انا كده تقريبا هرجعها ورا لان هي الي قدام يمين ودا فيه خطورة اكتر وهخليها ورا
لحدما اغيرها
وربنا يستر
معرض للإنفجار ولا يجب السير به بتاتاً
ياتري ايه نوع الكاوتش الي مركبه يابيه يبقي عندنا فكرة برده
وخلي بالك من تاريخ الانتاج وانت بتشتري كاوتش نقطة في منتهي الاهمية لو اكثر من 6 شهور ماتاخدوش علشان يبقي متخزن ورايح من عمره وبالتوفيق ان شاء الله
بصراحة كويس انك فكرتني اني اقول نوع الكاوتش علشان برضه الاعضاء تستفاد من التجربة
الكاوتش هانكوك هو ماكانش فيتنامي كوري او تيلندي
وانا كنت بصيت طبعا ساعة الشراء علي التاريخ وكان تمام
بس سؤال هي العربية دايو جوليت
ومقاس الكاوتش
185/60 جنط 14
ايه احسن كاوتش استعمله سواء سرعات عالية او عادي
وهل الهانكوك فعلا مش حلو ؟؟
ولا دا مجرد صدفة او سؤ حظ معايا
الهانكوك مش بطال بس مش زي البريدجستون او التويو
الهانكوك و الكومهو و الGT قريبين اوى من بعض فى السعر و الquality
الميشلان و البردجستون و الحاجات دى ممتازة بس غالية جدا مقارنة الماركات السابقة
MMamdouh
اكيد ضربت فى بلاعه او رصيف