المشاركة الأصلية كتبت بواسطة hh
و مين قال ان مشكلة تويوتا أكبر مشكلة في التاريخ؟؟؟؟
هي صحيح أكبر عدد سيارات يتم أستدعاءه بس ده ليه علاقة مباشرة بحجم المبيعات مش بحجم المشكلة....
من الأخر كدة فيه مثل بيقول "حبيبك يبلعلك الظلط و عدوك يستنالك الغلط" و هو ده المنطق اللي الناس بتتعامل بيه. اللي بيكره تويوتا أو اللي زعلان انه خسر فلوس لما التوكيل نزل السعر أو اللي بيحب ماركة تانية و شايف ان تويوتا واخدة أكبر من حجمها أو أصحاب العربيات الكوري اللي نفسهم يثبتوا انهم كانوا على حق في اختيارهم .....الخ, كل دول ما صدقوا يشمتوا ف تويوتا و يعملوا highlight للمشاكل اللي ظهرت فيها في نفس الوقت اللي بيدافعوا و يقللوا من أي مشكلة في ماركة تانية و يقولوا لأ بس مشكلة تويوتا أكبر. في المقابل أكيد اللي بيدافع - و أنا عارفة ان أنا بأصنف من الفئة دي - بيحب تويوتا و عشان كدة بيلتمسلها الأعذار و على فكرة حدة الهجوم اللي مازلت مصرة انه مبالغ فيه هو الي بيخلينا نتأكد أكتر ان الموضوع فرقعة أعلامية و حرب بين الشركات.
و قبل ما حضرتك تستشهد بكلام من أكيو تويودا أحب أقول لحضرتك ان حتى لو سلمنا بدقة الترجمة لكلامه لأن الناس ساعات بتضيف شوية تحابيش من عندها, معروف ان اليابانيين perfectionists و عندهم جلد للذات بطريقة رهيبة و ياما سمعنا عن مسئولين بيستقليوا و ساعات بينتحروا كمان لأدنى مشكلة بتحصل, فما عندهومش سياسة التبرير اللي عند غيرهم من الشعوب و دي حاجة تحسب ليهم مش ضدهم.