دعوة للنقاش لملاك الكورولا الحاليين والجدد.ايه رأيك في دعاوي التعويض ضد تويوتا.

**محمد محمد** · 03-03-2010 09:14 PM

السلام عليكم ورحمة الله وبركاته.....
لملاك الكورولا الحاليين والجدد وبالأخص ملاك الكورولا المزودة بال mmt ايه رأيكم في موضوع دعاوي التعويض الذي سيقوم به بعض اخواننا الملاك للسيارة ضد شركة تويوتا مصر وتويوتا العالمية من جدواه واحقية الملاك في هذه الدعوي....الخ.

**atef_sh** · 03-03-2010 09:45 PM

أعتقد أنهم على حق في طلب تغيير الفتيس لأن من الواضح حتى الأن أن:
1-على حسب رأي الأعضاء الذين حدث تغيير قطع الغيار الجديده في سياراتهم أنها لم تحدث أي فرق .
2- بسبب ما لاقاه المتضررين من قبل من تسويف من جهة التوكيل أفقدهم الثقة في أن التغيير سوف يحل مشكلة السيارة .

**kareemhisham** · 03-03-2010 11:09 PM

دة كان احد ردودي في موضوع مشابه ..

المشاركة الأصلية كتبت بواسطة ;3872421964

انا مش فاهم يتقاضى على ايه ؟؟؟؟؟؟؟؟؟؟؟؟؟؟؟؟؟؟؟!!!!!!!!!!!! !!!!!!!!!!!!

هو التوكيل ذنبه ايه ؟؟ .. العربية جاياله من الشركة الام عشان يبيعها و يصونها ..

حكاية بقا فيها عيب ولا لأ فدة مش مشكلة التوكيل !! .. التوكيل مشاركش في تصنيعها او تصميمها !!

التوكيل هنا مش "هيخترع" الحل !! .. هو لقا شكاوي بعت للشركة الام عشان "تخترع" حل للمشكلة .. الهي "تويوتا"

و كان في خبر هنا في المنتدى بيقول ان التوكيل هيتحمل التكاليف لوحده الهي 20 مليون جنيه تقريبا .. و انا شايف ان دة منتهى الظلم

فكروا يا جماعة و فرقوا بين مين الفي ايده الحل و مين لأ .. يعني هو التوكيل هيبقى عنده القطع و مطنش ؟ .. ماهو كمان عايز يخلص من الموال دة !!

و دة رد آخر

http://www.nilemotors.net/Nile/3872390188-post9.html

**ahmedhee** · 04-03-2010 12:40 AM

انا مع القضية اذا كانت للاسباب الاتية :-
1-وجود عيب في السيارة يهدد حياة الملاك و تويتا ترفض اصلاحه
2-وجود عيب في السيارة (تسبب في حادثة لمالكها)
3-وجود عيب في التصميم لا يمكن اصلاحه
4-وجود بعض مكونات السيارة عمرها اقل بكثير من مثيلاتها في السيارات الاخري
5-التدليس
انا ضد القضية اذا كانت بسبب
-انخفاض سعر السيارة من الوكيل (السوق عرض وطلب. الوكيل خفض السعرمرة و السوق لم يستحب و اذا كان لم يخفضة مرة اخري كان خسر ثمن السيارة بالكامل)
- انخفاض سعر اعادة البيع (السيارات الصيني مثلا سغرها بينزل 25 الف جنية بمجرد شرائها و الناس لسا بتشتريها. سيارتي النيسان كانت يابني و سعرها نزل علشان بقي في زيها بيتعمل في مصر :( )
عدم الارتياح في القيادة( خصوصا اذا كان في ناس مرتاحة في قيادة نفس النوع-لان المفروض نظريا انك بتجرب قبل ما تشتري و اذا مجربتش دا برضة مسئوليتك لانك مش مجبر تشتري النوع دا بالتحديد
طبعا يخالف النقطة دي اذا كان في اختلاف في اداء السيارة من واحدة لواحدة. يعني انت جربت وكانت كويسة بس لما سوقت عربيتك لاقيتها حاجة ثانية خالص )

**mandomax** · 04-03-2010 07:15 AM

المشاركة الأصلية كتبت بواسطة ahmedhee

انا مع القضية اذا كانت للاسباب الاتية :-
1-وجود عيب في السيارة يهدد حياة الملاك و تويتا ترفض اصلاحه
2-وجود عيب في السيارة (تسبب في حادثة لمالكها)
3-وجود عيب في التصميم لا يمكن اصلاحه
4-وجود بعض مكونات السيارة عمرها اقل بكثير من مثيلاتها في السيارات الاخري
5-التدليس
انا ضد القضية اذا كانت بسبب
-انخفاض سعر السيارة من الوكيل (السوق عرض وطلب. الوكيل خفض السعرمرة و السوق لم يستحب و اذا كان لم يخفضة مرة اخري كان خسر ثمن السيارة بالكامل)
- انخفاض سعر اعادة البيع (السيارات الصيني مثلا سغرها بينزل 25 الف جنية بمجرد شرائها و الناس لسا بتشتريها. سيارتي النيسان كانت يابني و سعرها نزل علشان بقي في زيها بيتعمل في مصر :( )
عدم الارتياح في القيادة( خصوصا اذا كان في ناس مرتاحة في قيادة نفس النوع-لان المفروض نظريا انك بتجرب قبل ما تشتري و اذا مجربتش دا برضة مسئوليتك لانك مش مجبر تشتري النوع دا بالتحديد
طبعا يخالف النقطة دي اذا كان في اختلاف في اداء السيارة من واحدة لواحدة. يعني انت جربت وكانت كويسة بس لما سوقت عربيتك لاقيتها حاجة ثانية خالص

)

+1111111111

**OilMan** · 04-03-2010 08:44 AM

ليس لا اى معنى سوى بعض الدعايه الانتخابيه ومتهيالى صاحب الموضع الاساسى حيفهم كلامى كويس
العيوب وجارى تصليحها يبقى ايه معناه انى ارفع قضيه على شئ جارى تنفيذه من اصله

وعامة خلليه يرفعها اهو نتسلى على الاقل احسن من قضية مرتضى وشوبير

**solycar** · 04-03-2010 08:57 AM

بخلاف مشكلة الفتيس

من شهرين بس العربية دى كانت حلوة و مافيهاش الهوا

فجأة كدا بقدرة قادر تحولت لمستنقع عيوب

انا حاسس ان الناس بتمشى فى الزيطة و خلاص

**OilMan** · 04-03-2010 09:01 AM

كلام مظبوط والدليل لما سعرها نزل فى العرض الاخير بقت عربيه مش ليها حل وايه احسن الالوان فيها وهما هما نفس الناس برده اللى بيشتموا فيها دلوقتى

المشاركة الأصلية كتبت بواسطة solycar

بخلاف مشكلة الفتيس

من شهرين بس العربية دى كانت حلوة و مافيهاش الهوا

فجأة كدا بقدرة قادر تحولت لمستنقع عيوب

انا حاسس ان الناس بتمشى فى الزيطة و خلاص

**sas5** · 04-03-2010 09:07 AM

الاخوه الاعزاء السلام عليكم ورحمه الله

اولا انا مع رفع القضيه من اجل ان يكونوا حذرين فى المستقبل
ثانيا ماذنب الذين اشتروا السياره ووجدا سعرها نزل النصف خلال سنه ومش عارفين يبيعونها.
لماذا رئيس تيوتا ياخذ فى الاعتبار اى رد فعل امريكى ويعتذر لهم
ولايعاملنا نفس المعامله
بلاش العاطفه فى الدفاع عن تيويتا
انا سابقا كنت املك نيسان واليوم تيوتا وغدا لو ربنا اعطانا طول العمر ووسع علينا ممكن افكر فى bmw او مرسيدس
المقصود هنا ان تيويتا ليس من باقى اهلنا

**wwaeel** · 04-03-2010 09:11 AM

يا جماعه قبل ما تتكلمو علي توكيل تويوتا بصو بره اتعمل كام ري كول من سنه 92 حتي الان وتم تصليح كام عيب نازل في عربيات تويوتا وده مش معناه ان تويوتا وحشه بس الي اقصده احنا بقي هنا في مصر متعملش ولا ري كول واحد واول ري كول اتعمل بتاع 6500 عربيه ال mmt وبعد الشكوي وتصعيد الامور وده معناه ان تويوتا ميهمهاش حياه المستهلك المصري وبيعتبرونا صفر علي الشمال شركه تويوتا نزلت العربيات دي وهي فيها عيوب وعارفه بي ده لانها سحبتها من اوروبا بعد الشكوي منها للعلم القطع الجديده الي بيقولو هتحل المشكله دي موجوده من سنه 2005 واتركبت في سيارات اوروبا لما اشتكو من البديهي انهم لما نزلوها مصر سنه 2008 ينزلوها بالقطع المطوره مش ينزلوها بعيبها وكل ما حد يحصل معاه مشكله يفهموه انها مشكله فرديه وينيموه في العسل واضح انهم بيضحكو علينا مفهاش اي شك

الموضوع: دعوة للنقاش لملاك الكورولا الحاليين والجدد.ايه رأيك في دعاوي التعويض ضد تويوتا.

LinkBack

أدوات الموضوع

عرض

دعوة للنقاش لملاك الكورولا الحاليين والجدد.ايه رأيك في دعاوي التعويض ضد تويوتا. - انشر الموضوع فى :

-

-

-

-

المواضيع المتشابهه

دعوة للنقاش حول مساعدين الاسبيرانزا

علي بيه مظهر - دعوة للنقاش

دعاوي قضائية وشيكة ضد تويوتا مصر لأستبدال الكورولا وطلب تعويضات

دعوة للنقاش : سكودا مصر

الجنوط : كمالية و شكل ام ثبات حقيقي ؟ ( ادخل و قل رأيك / موضوع للنقاش )

الكلمات الدلالية لهذا الموضوع

المفضلات

المفضلات

ضوابط المشاركة