الموضوع: فى حد بيشترى من امازون

المشاركة الأصلية كتبت بواسطة 3mr Farrag

ميزاااااا باشاااااااااا
انا كنت محتار ادور فين بصراحه عليها.....
ياريت تقول لي بالتفصيل الممل اجبها منيــــــــــــن
و علي فكره في موديل اجدد نازل بره اسمهcruzer 4
هو فيه شويه فروقات بسيطه عن cruzer 3 يعني بيتشحن و اعتقد انه ينفع تستخدمها في المايه عادي....
بس مش عارف ده نزل ولا لأ مصر
و ايه محل تريومف ده ؟؟؟؟و فين ؟؟؟؟
ولو حد يعرف فين توكيل براون اكون شاكر ليه اوي

بص يا عزيزى عمر :)

إسم المحل Joker هتلاقيه قدام سلطان سنتر
بس أحسن إنك تشترى من التوكيل طبعاً......خصوصاً إنى حاسس إنه مزود شوية فى الأسعار
و أكيد فى التوكيل هتلاقى كل الجديد لو كان نزل مصر

هو فى توكيل براون فى شارع شريف وسط البلد بيبيع وبيصلح كل حاجه عند ميدان الأوبرا ...... أنا مرحتهوش قبل كده ..... بس سألت عليه و والدى راح إشترى منه قبل كده.

بالنسبة بقى للمكنة .... اللى سألت عليها فى joker دى كانت برضه بتتشحن و ضد الميه ...

و ده سايت فيه كل حاجة عن المكنة ..... و هى بصراحة كفاءة ;) وعجبانى جداً
http://www.braun.com/global/cruzer/cruzer.html

و هتلاقى هناك مقارنة بين كل الأنواع ..... و كلهم على فكرة ضد الميه و بيتشحنوا بس cruzer 4 معاها شاحن عل شكل stand .... و فى فروقات بسيطة فى حاجات تانية.

دى معلومات عن توكيل براون فى مصر من سايت الشركة الأصلى و رقم التليفون

Olympic Group
Extended Ramsis str. Opposite to transpot authority garage, 6th avenue
Cairo

Phone Country Code: ++202
Phone: 19999
Fax: 4015346
Hotline: 19999 (Braun)
Service for: All products

مش عارف هو هو اللى فى شارع شريف ولا لأ ...

سلطان سنتر ده مشهور قوى فى المنطقة ... هو مش باين بس مشهور
هتلاقيه فى الشارع اللى بين تريومف و سفير

هتوصل تريومف عند مؤمن ..... بعديها تسأل على الشارع اللى يوديك على سفير .... ألف مين يدلك عليه.... و برضه ممكن من سفير لتريومف .... الشارع إتجاهين.

فى حوالى نص الشارع ده هتلاقى سلطان و قصاده الناحية التانية ..... اللى إنت هتكون ماشى جنبها لو من تريومف... هتلاقى المحل ...... بس زى ما قلتلك الأحسن تروح التوكيل
أنا كذا مره أشترى منه و ألاقى الحاجة أرخص بره .... فتقريباً هو بيزود فى أسعار كل حاجة

و ربنا يوفقك فى إمتحاناتك

المشاركة الأصلية كتبت بواسطة NaderNabil

1-هتخش علي السايت اللي هاتشتري منه الحاجة...سواء AMazon أو Ebay

2-هتدور علي الحاجة اللي انت عايزها و تفتح الصفحة بتاعتها

3-هتعمل Add to Cart

4-بعد كده هتعمل Check Out

5-هيطلب منك تحدد الكمية و المكان اللي هتوصلوا ليها

6-طريقة الدفع بقي:: إما عن طريق Paypal و ده ميزته ان كل السايتس بتقبله...و بيبقي متسجل في حسبك العناوين بتعتك,فا هو أوتوماتيك بيحط العنوان اللي أنت محدده قبل كده..أو انت تحط واحد تاني بمعرفتك......Paypal عامل زي رصيد الموبايل...لازم تشحنه قبا ما تشتري حاجة...طبعا بالCredit Card ...و دي ميزه عشان الحساب مش هيبقي فيه أكتر من الفلوس اللي انت عايزها...لاحتمال تعرضها لهاكينج أو كده يعني.

7- الشحن:: 70% من البائعين مبيرضوش يبعتوا أي حاجة لمصر...ده غير ان ممكن ميقبلش ان حسابك اللي بتدفع منه يكون عنوانه مصر(بيشكوا فينا:)) فا أفضل حاجة هو حساب Aramex عشان كده أنت بتتعامل معاهم كأنك مواطن هناك و ليك عنوان عايش فيه هناك. هتقوم الحاجات مبعوته علي العنوان ده و منها ليك في مصر. و هتاخد من اسبوعين لشهر...

شكراً أستاذ نادر
يعنى كده أنا محتاج credit card أو Internet card + حساب على Paypal + حساب على aramex ...... شكل التكلفة هتبقى عالية قوى
يا ترى بعد كل ده السعر هيفضل أرخص من هنا فى مصر؟ ....... و لا أغلى .. فأستخدمه للحاجات اللى مش موجودة هنا بس ؟