-
كورولا 2008 و بنزين 95
انا مشترك جديد لكنى كنت باتابع المنتدى باستمرار خاصة قسم التويوتا لأنى ناوى أشترى كورولا 2008.
أنا ليا استفسار واحد عن أوكتين البنزين اللى مفروض يستخدم فى الكورولا ألجديدة؟
طبعا أنا باسأل بعد ما لاحظت ان الcompression ratio بتاعة الموتور الجديد 10.2:1.
هل كده لازم نستخدم بنزين 95 ولا ايه؟ هل أنتظر لما نشوف بنزين 92 حايعمل ايه فى العربيه ولا أروح أحجز؟
أشكركم للمساعده و أنا سعيد انى باشارك معاكم.
عادل
-
طبقا للبروشور... بنزين 95...راجع موقع تويوتا ايجيبت....
-
-
الله اعلم انا مش متأكد بس اسمع انها لازم بنزين 95
-
هو معنى الراتيو بتاعها انها يفضل لها 95 ولكن أظن والله اعلم انها اكيد هتمشي على 92 عادي
لأن اكيد هما مش هينزلوا عربيه بالمنظر ده وبالسعر ده لفئة من الناس اغلبها بيستخدم 92
وربنا يستر ويكون الكلام ده غلط وليس صحيح
-
الغريب فى الموضوع ان البروشور بتاعة الكورولا 2007 اللى لسه موجوده على السايت بتاع تويوتا ايجبت بيقول ان ال compression ratio بتاع الكورولا 2007 1.6 هو 10.5:1 و ده معناه انو العربيه دى محتاجه اوكتين 95 برضه بس الناس عمرها ما قالت حاجه زى كده أو اشتكت من الموضوع ده.
يا ريت الناس اللى معاها كورولا 2007 1.6 تبعتلنا ال compression ratio لو مكتوبه فى ال manual بتاع العربيه و كمان نوع البنزين اللى بيستخدموه. الواحد بس عايز يطمئن قبل مايدفع فلوس فى حاجة جديده و شكرا.
عادل
-
يا جماعه رقم الاوكتين المفروض يعلي لما نسبة الانضغاط تعلي ....
البنزين الـ 95 المفروض يستخدم مع عربيات نسبة انضغاطها..11:1 علي الاقل...
العربيات لحد 10.5:1 ممكن تشتغل مع بنزين 90 مش 92 كمان..
-
شكرا يا hero , الكلام ده لو مظبوط يبقه الواحد يتوكل و يحجز.
عادل
-
كما قات سابقا...........البروشور على الموقع يشير الى 95 صراحة.برجاء التدقيق قبل القرار
-
في التوكيل بيقولو يفضل بنزين 95 لكن ممكن استخدام 92 وحتي90 زي باقي موديلات تويوتا
-
يا جماعه الكورولا الـ 1300 ايلي بقالها اكتر من 7 سنين....نسبة انضغاط الموتور بتاعها 10.5:1 يعني اعلي من الجديدة ....وممكن تراجعوا الكلام دة...علي اي موقع بيتكلم عن المواتير 2nz-fe ايلي هو موتور اكورولا 1300 والياريس...برضة...
يعني لو كان الموتور 10.2:1 عايز بنزين 95 يبقي الموتور ايلي انضغاطة اعلي اولي بالاوكتين الاعلي ....
وانا سالت في التوكيل علي الكورولا القديمة ال 2007 وقالوا ممكن تمونها بنزين 90 من غير مشاكل...
الموتور ايلي مكتوب علية صراحة انة محتاج اوكتين عالي..2zz-ge الـ1800 انة محتاج بنزين اعلي من 91 ودة لانة 11.5:1 وبيطلع 180 حصان..
Content Relevant URLs by
vBSEO 3.6.0 PL2