عرض للطباعة
عندى الانزار بعد مضغط على زرار الفتح ويفتح الابواب لو مفتحتش اى باب من ابواب العربيه يقفل تانى لوحده بعد ثوانى
او مثلا بطلت العربيه ونزلت وقفلت الباب الاقيه قفل تانى لوحده بعد ثوانى
هى طبعا ميزه بس بالنسبالى عيب كبير وعملالى مشكله
لانى بنزل من العربيه عشان افتح الشنطه او اعمل اى حاجه الانزار يشتغل
ده غير ساعات بسيب المفتاح جوه العربيه واول مفتح الباب الانزار يشتغل وتبقى فضيحه لحد موقفه
ما هو حل المشكله دى
او يمكن زياده مده القفل بدل ثوانى تبقى دقيقتين مثلا
اه طبعا ده بيكون اوبشن موجود فى الانذار واللى ركبه كان المفروض يسالك وياخد رايك على العموم ارجعله وهو ممكن يلغى الخاصيه دى
بالضبط زى استاذ محمد ما قال. وكمان بعد ما يضبط الموضوع جرب كل الاوبشن قبل ما تمشي من عندة للتأكيد وكمان علشان ما يكونش لغي اوبشن تاني معاة.
انا للاسف مجربتهوش كله بعد مركبته وامتشفت الموضوع ده امبارح
لانى كنت ماشى من عند الكهربائى الساعه2 باليل
وهو قالى حيوصله بمفتاح الباب قولتله ليه قالى حتفهم لما نركبه
انا كده فهمت :ma:
بس ممكن ازود المده بتاعه القفل دى ولا مينفعش
بصراحه هو اوبشن كويس بس مش نافع معايا انه يقفل بسرعه
نصيحة بلاش .. لان ممكن لاي ظرف حضرتك تنزل من العربية تشترى حاجة من كشك او اي حاجة سريعة وتسيب المفتاح جوة لا قدر الله.
دة رأيي الشخصي.