حد لقى فلوس قبل كده على الارض :)

**Hacker5** · 04-03-2010 02:22 PM

انا لقيت فلوس بسيطة و معظمها لا يتعدى الخمسة جنيه
لكن من فترة قريبة لقيت فلاشة Sandisk 4 GB
و مرة فى وسط البلد من كام سنة لقيت موبايل 6600 واقع على الارض و عمال يرن و محدش سمعه
خدت الموبايل و رديت لقيت واحد ذوق جدا بيقولى بص يا باشمهندس حلال عليك الموبايل بس ارجوك تدينى الارقام اللى عليه و مش عايزة
قلتله لاء حضرتك انا مش باخد حاجة مش بتاعتى و وصفتله انا لابس ايه و قابلنى بعدها بربع ساعة
طلع محاسب فى شركة كادبورى و ادانى علبتين شيكولاتة هدية من معاه :)

**ahmed4000** · 04-03-2010 02:40 PM

يجماعة مينفعش حد ياخدها لنفسه ولازم يدور على صاحبها

**M.Alshafie** · 04-03-2010 03:46 PM

المشاركة الأصلية كتبت بواسطة kh_talaat

الف حمد وشكر ليك يا رب

فعلا اللي يشوف بلوة غيره تهون عليه بلوته ... وسلامي للسيد الوالد ويعوض عليه ربنا

الله يخليك يا باشا يوصل ان شاء الله

**medo55** · 04-03-2010 03:56 PM

المشاركة الأصلية كتبت بواسطة ahmed_nubira

اديتهم لشيخ ليه؟؟؟؟؟؟؟؟؟؟؟؟؟؟؟؟؟؟؟؟؟ظ المفروض تخليهم معاك لو مظهرش صاحبهم خلال 3 4 ايام خدهم....وطلع جزء منهم لله وخد الباقى لكن اعذرنى ملهاش لازمه تديهم لشيخ

اعذرني ... بس منين جبت 43 يوم ؟؟

حسب علمي المبلغ بيستنى معاه سنه . لو ماظهرش صاحبه بيتصدق بالمبلغ لله باسم صاحب المبلغ .. وفي حين ظهر صاحب المبلغ بعد السنه وسواء انت تصدقت بيه او لا انت لازم تديهوله .. والصدقه انت بتاخد ثوابها

لكن معذرة الرقم 43 يوم دا غريب شويه حتى مفيش حاجه في الدين 43

**ahmad--ezzat** · 04-03-2010 04:04 PM

المشاركة الأصلية كتبت بواسطة medo55

اعذرني ... بس منين جبت 43 يوم ؟؟

حسب علمي المبلغ بيستنى معاه سنه . لو ماظهرش صاحبه بيتصدق بالمبلغ لله باسم صاحب المبلغ .. وفي حين ظهر صاحب المبلغ بعد السنه وسواء انت تصدقت بيه او لا انت لازم تديهوله .. والصدقه انت بتاخد ثوابها

لكن معذرة الرقم 43 يوم دا غريب شويه حتى مفيش حاجه في الدين 43

تلت.....اربع....ايام مش 43....ومين هيستنى سنه سيدى الفاضل....اعتقد هيا تكون فتره معقوله لحد ما صاحب الشىء يظهر......

**Terrible_DaRsH** · 04-03-2010 04:04 PM

المشاركة الأصلية كتبت بواسطة medo55

اعذرني ... بس منين جبت 43 يوم ؟؟

حسب علمي المبلغ بيستنى معاه سنه . لو ماظهرش صاحبه بيتصدق بالمبلغ لله باسم صاحب المبلغ .. وفي حين ظهر صاحب المبلغ بعد السنه وسواء انت تصدقت بيه او لا انت لازم تديهوله .. والصدقه انت بتاخد ثوابها

لكن معذرة الرقم 43 يوم دا غريب شويه حتى مفيش حاجه في الدين 43

سنة !!!!!!!!!!!!!!!!!!!!!!!!!!!!!!!!!!!!!!!!

يعنى لو ماشي فى شارع ضلمة و فاضي و لقيت 50 جنيه اخليها معايا ســـــــــــــــــنــــــ ــــة !!!!

و كمان لو تصدقت بالمبلغ ادى صاحب المبلغ الفلوس تانى !!!!

**M.Osman** · 04-03-2010 04:07 PM

المشاركة الأصلية كتبت بواسطة kh_talaat

أنا بقى مره وقع مني في الشارع 2000 جنية

ونفسي اعرف مين ابن المحظوظه اللي لقاهم

... واحد قريبي كان ضاع منه 400 يورو بالمحفظة (كان لسة جاي من السفر) و اللي لقى المحفظة و الفلوس رجعهاله كلها من غير ما تكون ناقصة الفكة اللي كانت فيها عن طريق البنك بتاعه و مرضاش ياخد مكافأة و الكلام دا كان هنا في مصر !!!!

**medo55** · 04-03-2010 04:11 PM

المشاركة الأصلية كتبت بواسطة terrible_darsh

سنة !!!!!!!!!!!!!!!!!!!!!!!!!!!!!!!!!!!!!!!!

يعنى لو ماشي فى شارع ضلمة و فاضي و لقيت 50 جنيه اخليها معايا ســـــــــــــــــنــــــ ــــة !!!!

و كمان لو تصدقت بالمبلغ ادى صاحب المبلغ الفلوس تانى !!!!

ياعم انا اديهمله مرتين . بس ماجيش في الاخره وربنا يقولي انت هتدخل النار لانك اخدت فلوس واحد تاني مش من حقك وصرفتها

ربنا يعينا بس ونسد ديونا :)

على فكره الكلام سمعته من احد المشايخ بصراحه مش فاكر بالظبط اسمه لاني مش مركز حاليا بس ان شاء الله هحاول اجيبهالك

**R A N A** · 04-03-2010 04:16 PM

انا مرة كنت ماشية في الشارع وعلى الرصيف وجنبي سور محطة كهرباء او ميه وسورها طويل فالمكان تقريبا مفيهوش حد وضلمة شوية فلاقيت جنيهات كدة ملفوفة في بعضها ومرمية على جنب (لما عدتهم بعد كدة طلعوا تقريباً 13 جنيه) ومكنش في حد قريب مني وقتها فأخدتهم وفضلت شايلاهم بلفتهم كدة زي ماهما وقعدت ادور على فتوى حكم اللقطة على النت ولاقيت حاجات كتير بتقول ايام وينتفع بها لو مبلغ بسيط ولو مبلغ كبير (مقدرتش اقيمه لإنه بمعيار غير الفلوس) فيستني عليه سنة ومش عارفة يعمل ايه بعد كدة
فبعد حيرة لإني مقدرتش افهم اتصرف ازاي فيهم قررت اني اديهم صدقة لواحد غلبان عامل نظافة في محطة مترو واديتهمله زي ماهما بلفتهم.
طبعا اكيد اتفاجئ لإن محدش بيدي لحد 13 جنيه مرة واحدة .
وزمان وانا صغيرة بقي كنت بلاقي فكة كتير خمسين قرش جنيه ومرة لاقيت 10 جنيه وفرحت بيها جدا يومها بس كنت صغيرة ومعرفش أن كان حرام او حلال انتفع بيها فصرفتها باين .