ياجماعه حد لاقى فلوس قبل كده فى الشارع...اصل انا واحد صحبى بيلاقى كتير اوى (حظه غريب) المهم محدش يعرف طريقه الاقى بيها هههههههههههههههههههههه
عرض للطباعة
ياجماعه حد لاقى فلوس قبل كده فى الشارع...اصل انا واحد صحبى بيلاقى كتير اوى (حظه غريب) المهم محدش يعرف طريقه الاقى بيها هههههههههههههههههههههه
مرة لقيت10 ومرة100 ومرة135
وساعات بلاقى حاجات فكة صغيرة بس بكسل اوطى اجبها
اخويا بيحكيلي علي واحد صاحبة طول ماهو ماشي باصص في الأرض وبيلاقي حاجات تحفة
أنا بقى مره وقع مني في الشارع 2000 جنية
ونفسي اعرف مين ابن المحظوظه اللي لقاهم :majd(4):
انا لقيت علي جنب فمرة بس مش متأكد من الرقم واعتقد ميقلش عن 10 الالاف متأستكين وكل حاجه
قلت سبحان الله اديتهم للشيخ في الجامع .. كنت نازل اصلي الفجر اصلا ولقيتهم في طريقي
وكل مااحكي لحد بسمع العجب لكن الهزار والكلام حاجه وانك تلاقي حاجه تغير طريقك وانت رايح لربنا حاجه تانية
بس لو كانو اكتر شوية يعني مليون ولا اتنين كان الواحد يخلع بيهم من البلد هههههههههه
طيب لما بتلاقيهم يتعمل بيهم إيه ؟؟؟
المفروض تسأل عليهم و ترجعهم لصاحبهم لأنه بيبقى بجد يوم مقرف بالذات لو الفلوس كتير
زى واحد صاحبى لقى كاميرا ديجيتال لما سأل على تمنها إتقاله ب 3000 جنيه تقريبا "على حد قوله" طبعا الباشا خدها ولا سأل و لا عمل و كمان كان عليها صور مسحها كلها من غير ما يدور و يعرف مين صاحب الصور دى
بس انا عمرى ما لقيت حاجة زى كدا
يابشمهندس انا قصدت امام الجامع لانهم كانو جنب الجامع عشان يذيع عنهم هو فضل يقولي لو بعد معرفش كام يبقوا بتوعك قلتله لا اعتبرني متبرع بيهم للجامع لو مظهرش صاحبها ومعرفش بعد كدة اي حاجة بصراحة ودة التفكير الي اهداه اليه ضميري بعد ما صليت فضلت قاعد افكر
أنا لقيت موبايل نوكيا 6131 وكانت الشاشة مكسورة
ومفيهوش شريحة كمان
وصلته على الكمبيوتر وطلعت الأرقام
وبعت لرقم منهم رسالة تفيد بوجود الجهاز معايا
وبالليل كلمني
وبعت صاحبه اخده مني
مرة 50 مرة 20 مرة 100
بس صراحة صاحب ال100ده ظهر وش علطول وآديتهالو
والطبيعي إني بيقع مني أكتر مما بلاقي
وقع مني قبل كده 50جند وفلاشة
مرة لقيت في البحر في الاسماعلية 100 في 10 في 20
طلعو بتوع راجل صعيدي كان نازل بيهم المية اديتهمله طبعا
و مرة تانية لقيت 85 جنية
مرة وانا صغيرة اول ما نزلت الشارع لقيت قلوس فضية وطول منا ماشية الاقي الاقي ههههههههههه والله بجد
تقريبا حد كان جيبه مخروم كنت فرحانه بيها اوي
وانا في ثانوي لقيت واحد نازل من عربيته ووقع باكو او اتنين مأستكين ومشي ومخدتش باله ومحدش كان في الشارع غيري وغيري جريت علشان احصله وقلت له كان سعيد جدا وفضل يتشكرلي لحد ما مبعدت عنه خالص
ومن كام شهر لقيت موبايل e65 في قاعة افراح اديته لابن عمتي لانه كان معايا في الفرح ووصله لصاحبه
اقيم حاجة لقيتها او لقاها زوجي قطعة دهبية عبارة عن سلسلة مقطوعة من حاجة غالبا ميدالية ووزنها كبير حوالي 15 جرام عملنا عنها اعلان في الجرنان عشان نبقه براءة من اي ذنب ومحدش اتصل وقال الاوصاف بالظبط وبعد 3 شهور بدلتها بحاجة تاني وطبعا طلعت زكاتها
أنا مرة بعد ما خرجت من الشغل وكان المدير في اليوم ده قارفني لدرجة إن كل الموظفين اللي في الشركة مشوا وانا وهو بس اللي قعدنا نشتغل حتي الساعي مشي.المهم بعد ما خرجت لقيت 100 جنيه إتصلت بالمدير وقولتله انا عايزك كل يوم تقرفني وتسهرني.هههههههه.وسألت شيخ قالي خليها معاك أربعين يوم لو ما لقيتش صاحبها يبقي حلال عليك.
بس دايما الاقي جنيه أو نص جنيه بالذات الفضة لأنها سهل إنها تقع من حد.
سبحان الله بجد .
اخر 3 مرات لقيت فيهم فلوس كنت محتاجهم ! تخيلوا .
من كام سنة لما كنت فى الثانوى خرجت من المدرسة و كان واحد صاحبي عايز يروح مشوار و ميعرفش له مواصلات و ماكنش ينفع اسيبه لوحده , و احنا واقفين بنفكر لاقيت ورقة ب 50 طايرة قدامى :):) اديتهاله و ركب تاكسي :)
و تكرر نفس الموقف من كام شهر كنا واقفين بفكر هنروح فين , فانا اقترحت مكان بس بعيد قام صاحبي قايل العربية مفيهاش بنزين و انت اللى هتمون و كنا بنضحك و ببص تحتى بالصدفة لاقيت 50 جنيه , خدتها و طلعنا على البنزينة و محدش كان عارف انى لاقيتها و قلت لهم مادام انتوا قلتوا انى اللى همون يبقي خلاص عليا المرة دى , و بعدها عرفوا الحقيقة :)
الموقفين دول اللى فاكرهم و للاسف ماكنش فى حد نساله على صاحبها او حد بيدور على فلوس مثلا .
لكن الاسبوع اللى فات كنت فى قهوة فى مدينة نصر و انا بقعد على الكرسي حسيت بحاجة جمبي , ببص لاقيتها فلاشة 32 جيجا :)
من غبائي قلت بصوت عالى شوية " ايه ده فلاشة 32 جيجا " !!!! حسيت ان القهوة كلها اصحابها , اديتها للقهوجى يديها لصاحبها لما ييجى تانى .
ووقع منى فلوس فى مرة كانت بجد بايخة اووووى و لكن الحمد لله .
بصراحة اكتر حاجة بتفرحني لما اجي اغسل لبس جوزي والاقي فيها فلوس واحيانا بنسى افتشها قبل الغسيل والاقيها وهي مغسولة بس ربنا مبارك فيها مش بيجرالها حاجة واحيانا الهدوم تتنشر وتتلم والفلوس لسه فيها بقولها عليها عشان يحس انه غلط وعقابا ليه انا اللي باخدها ههههههههههه
من كام يوم بفتش قميص قبل الغسيل قدامه لقيت فيه 150 جنيه للاسف معرفش اديتهاله ليه ههههههههه يلا العوض على الله لما يرجع هطالبه بيها
انا لقيت فلوس بسيطة و معظمها لا يتعدى الخمسة جنيه
لكن من فترة قريبة لقيت فلاشة Sandisk 4 GB
و مرة فى وسط البلد من كام سنة لقيت موبايل 6600 واقع على الارض و عمال يرن و محدش سمعه
خدت الموبايل و رديت لقيت واحد ذوق جدا بيقولى بص يا باشمهندس حلال عليك الموبايل بس ارجوك تدينى الارقام اللى عليه و مش عايزة
قلتله لاء حضرتك انا مش باخد حاجة مش بتاعتى و وصفتله انا لابس ايه و قابلنى بعدها بربع ساعة
طلع محاسب فى شركة كادبورى و ادانى علبتين شيكولاتة هدية من معاه :)
يجماعة مينفعش حد ياخدها لنفسه ولازم يدور على صاحبها
اعذرني ... بس منين جبت 43 يوم ؟؟
حسب علمي المبلغ بيستنى معاه سنه . لو ماظهرش صاحبه بيتصدق بالمبلغ لله باسم صاحب المبلغ .. وفي حين ظهر صاحب المبلغ بعد السنه وسواء انت تصدقت بيه او لا انت لازم تديهوله .. والصدقه انت بتاخد ثوابها
لكن معذرة الرقم 43 يوم دا غريب شويه حتى مفيش حاجه في الدين 43
ياعم انا اديهمله مرتين . بس ماجيش في الاخره وربنا يقولي انت هتدخل النار لانك اخدت فلوس واحد تاني مش من حقك وصرفتها
ربنا يعينا بس ونسد ديونا :)
على فكره الكلام سمعته من احد المشايخ بصراحه مش فاكر بالظبط اسمه لاني مش مركز حاليا بس ان شاء الله هحاول اجيبهالك
انا مرة كنت ماشية في الشارع وعلى الرصيف وجنبي سور محطة كهرباء او ميه وسورها طويل فالمكان تقريبا مفيهوش حد وضلمة شوية فلاقيت جنيهات كدة ملفوفة في بعضها ومرمية على جنب (لما عدتهم بعد كدة طلعوا تقريباً 13 جنيه) ومكنش في حد قريب مني وقتها فأخدتهم وفضلت شايلاهم بلفتهم كدة زي ماهما وقعدت ادور على فتوى حكم اللقطة على النت ولاقيت حاجات كتير بتقول ايام وينتفع بها لو مبلغ بسيط ولو مبلغ كبير (مقدرتش اقيمه لإنه بمعيار غير الفلوس) فيستني عليه سنة ومش عارفة يعمل ايه بعد كدة
فبعد حيرة لإني مقدرتش افهم اتصرف ازاي فيهم قررت اني اديهم صدقة لواحد غلبان عامل نظافة في محطة مترو واديتهمله زي ماهما بلفتهم.
طبعا اكيد اتفاجئ لإن محدش بيدي لحد 13 جنيه مرة واحدة :C_laugh[1]:.
وزمان وانا صغيرة بقي كنت بلاقي فكة كتير خمسين قرش جنيه ومرة لاقيت 10 جنيه وفرحت بيها جدا يومها بس كنت صغيرة ومعرفش أن كان حرام او حلال انتفع بيها فصرفتها باين :L_bhuhhh[1]:.
وانا عندي عشر سنين كنت ماشي في الشارع وكنت طفل متخلف بحب اشوط الطوب اللي على الارض المهم كان فيه زلطه عجبتني في الميه قولت اشوطها بس الشوطه جلت وشوطت حاجه حديد لقيتها بتتنتر بعيد زطلع خاتم دهب
الجميل في الموضوع اني اخدت الخانم وروحت نضفته واديته لمامتي وكنا قبل عيد الام بيومين بس انا معرقش
مرة كنت راكب ميكروباص وكانت الدنيا زحمة ااوى
لقيت موبايل
واحدة اتصلت قالت الموبايل بتاعها
قلت لها نوعه طلع مش بتاعها بس تعرف صاحبتها وعارفه انه ضاع منها
صاحبته كلمتنى
وقابلتها اعلشان تاخده
الست كانت غلبانة اوى وتقريبا الموبايل بينفعها فى شغلها
وكانت فرحانى اوى انها لقيته لدرجة انها حضنتنى فى الشارع :36_9_4:
ما تفهموش غلط وتتمنوا تلاقوا موبايلات
كانت ست كبيرة :mahf(5):
اخر مرة ضاع منى فلوس فيها , كنت راكب ميكروباص و حاطط الفلوس فى الجيب اللى ورا و كنت مستعجل جدا نسيت احطهم فى المحفظة ..
و انا نازل الفلوس وقعت على الكرسي و كنت حاسس بيهم بس للاسف الدنيا كانت ضلمة و كنت مستعجل جدا بعد ما نزلت و بعدى الشارع سمعت واحد بيقول كابتن مرة واحدة فقط طبعا انا بعدى مش ممكن هبص ورايا , بعد اما عديت حطيت ايدى فى جيبى ملقتش الفلوس عرفت ان البيه كان بينادى عليا علشان الفلوس و الميكروباص طار , و طبعا استحلهم لنفسه .
انا لو مكانه هقول للسواق استنه و انادى على صاحب الفلوس كذا مرة لغاية لما يسمع و يعدى تانى و ايدله فلوسه لكن اللى عمله الاخ ده مش عارف اقول ايه .
و انا في تانيه ثانوي
كنت لاطع فلوس درس الرياضه
و روحت لعبت بيهم بلاي استيشن
و المدرس طلب الفلوس
و مكنتش عارف انيل ايه
يا اما اطلع من الدرس
و اعمل نفسي بروح الدرس
يا اما اقلب فلوس الدرس من اي حته
كنت طبعا عيل صغير و كده
بس يوم دفع فلوس الدرس
اتلاقيت 100 جنيه خمسنتين
دفعت منهم فولس الدرس
و الباقي لعبت بيه بلاي ستيشن برضه
انا مره لقيت محفظه مهندس بترول فيها حوالى 4 كروت فيزا ومعاهم ورقه فيها باسوورد كل كارت :) , ولقيت فيها شريحه موبايل ركبتها ولقيت فيها رقم Home وردت على والدته وخدت رقم تليفونى وبعدين هو قابلنى
كان حرامى سرقها منه وقلبها وبعدين رماها ويظهر انه جاهل فمعرفش يتعامل مع الكروت ولما قابلت الراجل اديله حاجته بقوله اكيد طبعا وقفت الكروت لقيته اذبهل وقالى ايه ده هو انا كان ينفع اوقفهم بالتليفون ده انا كنت مستنى لما افضى اروح البنك
ومره تانيه لقيت جنبى فى الميكروباص موبايل وصاحبه كلمنى يقولى ادينى بس الارقام اللى على الموبايل مش عايز غيرها ولما قابلته علشان ياخد الموبايل كان حالف طلاق ليعزمنى على العشاء وخلعت منه بالعافيه
واحلى مره لقيت عربيه فيرنا راكنه ورا عربيتى فى الشارع مفتوحه وفيها المفتاح بتاعها وجاهزه للإنطلاق , خدت منها المفتاح ووقفت جنبها اكتر من ساعه لحد ما صاحبها جه وقعد يلف حوالين نفسه واديتله المفتاح وكان الناس رايحه جايه من على يمينها والمفتاح باين قوى جواها والطريق سريع وسهل ان اى حد يركبها ويطير
متابع الموضوع اللذيذ:shine[1]::shine[1]:
باركولى لايت نص جنيه واقع فى دواسه العربيه :)
طيب مهو ده الصح..انا مستغرب الناس بتاخدها ليه اصلا؟؟؟؟
طيب مالطبيعى انى اسيب الحاجة مكانها لان اللى ضايعة منه حيرجع يدور عليها فى الاماكن اللى كان فيها..لكن لو خدتها ومشيت عمره محيلاقينى
محدش يقول طيب مغيرى حياخدها:majd(4): طيب مياخدها المهم متشيلش ذنب على كلام فاضى
معلش اعذرونى بس فوجئت ان الناس بتتكلم عادى جدا فى الموضوع كان الطبيعى ان اخد الفلوس لنفسى