اكيد طبعا لازم يصلح اللي اتكسر و الا العربية حتبقى ملطشة للرايح وللجاي
عرض للطباعة
اكيد طبعا لازم يصلح اللي اتكسر و الا العربية حتبقى ملطشة للرايح وللجاي
اولا حسب اذا كان العربية بتاعتى ولا لا
تانى حاجة حجم الخسائر اد اية كبير ولا حاجة مش محتاجة وجع دماغ فنوس كلام من دة
تالت حاجة حسب شخصية اللى قدامك يعنى راجل بيتكلم بزوق ولا راجل من الناس اللى نازلة تبهدل فى عربيات الناس ويخلع ويقعد يقنعك انك اللى غلطان بدون الاعتذار
وربنا يكفينا شرهم وشر بتوع الميكروباص و النص نقل (طبعا مش كلهم بس تقريبا ب نسبة 95%)
من اتلف شيئا فعليه اصلاحه
مهو برضو على حسب الموقف وعلى حسب الشخص الي سايق كل موقف وله طريقه تعامل
كزا مره بتخبط من ورا والعربيه بتتخربش وعادي بنزل الاقي ناس محترمه بتتكلم بقوله ربنا يسهلك طريقك ومفيش حاجه
وكمان انا لما بخبط حد لو انا غلطان بنزل اول كلمه بقولها الي عايزه هعملهولك لكن خد عندك بقى البني ادمين دي
داخل على شارع وباصص شمال على الناس الي جاييه من ورا الاقي حد بيزمر جدااا وابص الاقيه قداميه وداخل عكس طلع شاب اهبل وصغيير يابني خد بالك انت عكسي ...الرد ياعم ما كل الناس بتدخل عكس خد بالك انت ده لو كان لمسها بس كنت هنزل ادفنه
مره في اشاره وعلى شمالي نقل الاشاره فتحت اول ما عديت النقل لقيت لانسر داخله فيا مدغدغه الاكصدام والشبكه والكبوت اتاريه عايز يكسر الاشاره ويخلع وهو مكانش شايفني برضو عشان قدامه النقل وانا ورا النقل وللاسف كنت لسه جايب اكصدام اصلي ب 1200 وراشه ومزبط العربيه نزلت قولتله بص انت هتصلحها وفعلا صحلهالي
مره بعمل ريوترن عند سيتي ستارزه في العيد اول ما العربيه عدت سن الريوتيرن الاقي لانوس بياخد غرزه وطاير على 70 مثلا في طريق زحمه جدا وزي الاهبل داس فرامل ولبس فيا مع انه سهل جدا انه يفاديني برضو دغدغ الاكصدام بس هو عربيته فعلا بااازت جدا جدا جدا ف معملتش حاجه قولتله كل واحد يصلح عربيته بمعرفته وكان شاب محترم
المشكلة ياسيدي الفاضل أن معظم الناس الغلطانه بطلع نفسها مش غلطانة علشان محدش يطالبها بشيء.ويا سلام لو سواق نقل أو ميكروباص أو تاكسي تلاقيه عجنلك العربية ويقلك دي تتلام ياباشا على البارد ب 50 جنية(التكلفة الفعلية ليها بعد الرش وخلافة ممكن توصل 1000ج) .تقوله طب هات الـ 50 جنية يقولك يابيه ما ماعيش غير خمسة جنية وهتقبل العوض . وتلاقي الناس اللزجة إلي تلاقي الأرض أنشقت وطلعوا يقلولك حرام ياباشا هتقبل العوض..
بتطر بعد كل الهسس ده أنك تكبر دماغك وتمشي بعد كل المناهده دية وعلو الضغط
علشان كده لما بتحصل حاجة زي دي لاقدر الله بمشي من سكات وبقول حسبي الله ونعم الوكيل. (بدل مايجيلي جلطة وأموت فيها) .