الموضوع: مصر لسة فيها امانه

الحمد لله على سلامة تليفونك، وانا مبسوط إنك كتبت الموضوع ده عشان ننشر الخير بدلا من الشر وده بيخلى الناس تبطل إكتئاب

المشاركة الأصلية كتبت بواسطة kmhbravo

[overline][overline]إمبارح كنت فى سيلانترو الميرغنى بعد ما شربت القهوة وكلت ساندوتش نسيت الموبايل بتاعى i-phone على الكرسى وحاسبت ومشيت وبعديها ب 3 ساعات إكتشفت إختفاء الموبايل وطبعاً إتصلت من تليفونى التانى لاقيته مقفول فقلت كل موبايل وانا طيب خلاص إتسرق وكل اللى عليه راح خلاص وما كونتش ناوى أروح أسأل عليه بس بعد 10 دقايق أما ركزت شويه إفتكرت إنى كنت قافل الموبايل بنفسى فإتجدد الأمل ونزلت لسه بأسأل مدير المحل أم مطلع الموبايل وإداهونى ومش عايز أقولكم قعدت أشكره اد إيه وفرحت اكتر إن لسه فى أمانه فى مصر[/overline][overline]
[/overline][/overline]

المشاركة الأصلية كتبت بواسطة kmhbravo

إسمح لى مش متفق معاك لأن الأمانه مالهاش زمان ولا مكان . ما هو كان ممكن الولد اللى بينظف الترابيزة يضربه فى جيبة وخلاص وحصلت معايا قبل كدة كنت باتكلم مكالمة وانا جنب العربية وبعد ما خلصت المكالمة حطيت الموبايل على سقف العربية عشان كنت باقلع الجاكت وحطيته فى العربية ومشيت والموبايل نسيتة على السقف وطبعاً وقع وبعد نص ساعة إفتكرت وإتصلت بالموبايل الراجل رد عليا وحدد لى مكانه وروحت أخدته منه وشكرته طبعاً

المشاركة الأصلية كتبت بواسطة أحمد كمال

مرة نسيت شنطة اللابتوب في صيدلية من حوالي 4 سنين بسلاطاتها ببا غنوجها و تاني يوم افتكرت و لقيتها عندهم

و مرة نسيت نضارتي في سبكترا و كلمتهم اما روحت قالوا لي شلناها اتفضل تعالى خدها

و مرة واحد صاحبي نسي موبايله في كشك سجاير في الشرابية ....... لقيت صاحبي بيكلمني (طلع صاحب الكشك بيتصل باخر رقم) و بيقول لي الو يا استاذ كيمو (صاحبي كان مسميني كيمو عالموبايل هههههههههه) ..... من فضلك خلي صاحبك ييجي ياخد تليفونه انا الكشك بتاع السجاير في المكان الفلاني .......

المشاركة الأصلية كتبت بواسطة gemino

انا والدتى الموبيل و قع منها فى تاكسى من زيزينيا لسموحة و اتصلت عليه و رد السواق و راح لها بعد ما خلص الطلب اللى كان معاه و رجعلها الموبيل تانى

المشاركة الأصلية كتبت بواسطة kh_talaat

وأنا مره كنت في مشوار وبعد ما روحت وغيرت هدومي بدور على الموبيل مش لاقيه ، فأتصلت عليه يمكن يكون واقع مني في البيت لقيت واحد بيرد عليا وبيقولي انه لقاة في شارع المنيل وهو واقف منتظرني عشان آجي أستلم الموبيل ورحت لقيته شاب عندة 19 سنة وخدت الموبيل وشكرته

والله مصر فيها ناس محترمه كتيييييير بس المشكلة ان الناس السيئة هي اللي بتظهر كتير عشان مفيش رادع أمني في الشارع

ربنا يبارك في كل ابطال هذة المواقف اللي عندهم ضمير وبيراعوا ربنا..

انا بقى في مره نسيت فرخه في التاكسي و طبعا قعدت ارن عليها و لا هيا هنا اصلها كانت مدبوحه و متنضفه

نسيت احكي على موقف حصل معايا,
كنت نزلت الفجالة اجيب كتب خارجية للاولاد لان احيانا مبلقاش كل الكتب فى المكتبات المهم رحت لاول مكتبة لقيت 70% من الكتب عندة اشتريتها وقلتلة هاسيبها عندك لغاية ما اشتري الباقى.
وقعدت دخت على ييجى 12 مكتبة وفية كتاب مش لاقية , قلت اكلم مراتي اسالها إذا فية كتا بديل ... وادور في جيوبى مش لاقي الموبايل .... رجعت سألت في الـ 12 مكتبة لغاية مالقيتة عند اول واحد رحتلة ... اول ما دخلت المكتبة .. قاللي اطمن الموبايل موجود لقيتة بعد ما مشيت.
المهم اخذت الموبايل والكتب وقلت اودى الكتب في العربية وبعدين الف على بقيتهم.
أوصل للعربية .. اني الاقي مفاتيح العربية مش لاقيها .. رحت شايل الكتب على قلبي ولفيت تاني على الـ 12 مكتبة أسال على المفاتيح .. وكل واحد يقوللي لقيت الموبايل , اقولة آة بس مش لاقي مفاتيح العربية وبعد 7 مكتبات لقيت المكتبة رقم 8 اول ما دخلت قاللي مفاتيحك يابية موجودة .. وسألني لقيت الموبايل .
ورجعت العربية حطيت الكتب وامنت على نفسي ومشيت وقلت اكيد دلوقت المكتبات كلها بتتكلم على الجدع اللي شارب مخدرات وجاي يشترى كتب..
تفتكروا دي بوادر زهايمر .. ولا دة الزهايمر بنفسة.
طبعاً اكيد دلوقت واقعين على نفسكم من الضحك .. ماشي

اية دة .. انا نسيت اني كنت داخل اكتب الموقف دة علشان كنت مبسوط اني لاقيت حاجتي وقعدت ادعي للناس دي بالخير.

المشاركة الأصلية كتبت بواسطة mohamedezat

جامد جدا الموقف ده هههههههههههههه بس الحمد لله على كل شىء
انا لما بيحصلى حاجه زى كده بحس ان ربنا سبحانه وتعالى بيحذرنى من شىء وابداء اعيد حسباتى
وده ناتج من التقارب من الله

عندك حق تضحك , انا نفسي كل ما افتكر الموقف دة افضل اضحك , عارف بعد لما رجعت العربية قعدت ادور ليكون في حاجة ناسيها لدرجة اني حسيت ان ممكا اكون نسيتني في مكتبة منهم .
والحمد لله عل كل شيء لأن العربية كانت مركونة قدام المكتبة اللي لقيت المفاتيح فيها ( المفاتيح والانذار ).