العربيه بتتأخر اوى فى التدوير الصبح
زى ما مكتوب فى العنوان بالظبط
مشكلتها من 3 ايام تقريبا (اول لما رجعت من الاسكندريه و كنت ماشى على 130 تقريبا ) ان الموتور لما ادور الصبح الموتور مش بيلقط و مش بيشتغل اساسا .. رغم ان المارش بيبقى شغال كويس و البطاريه كويسه و مافيش نقص فى مية الريداتير او الزيت (علشان ماحدش يقول جوان وش سلندر ضارب و رامى على البوجيهات ) و كمان العربيه سحبها ممتاز و ناعمه اوى و مافيهاش اى مشكله تانيه غير دى
هى بالظبط بتعمل كأنى شايل الكابل اللى بين البوبينه و الاسبراتير .... و بعد ماتدور (بعد ربع ساعه تقريبا من المحاولات) تشتغل عادى زى الفل و بروح بيها الشغل عادى و لما بنزل من الشغل (بعد 8 ساعات ) بدورها عادى من اول مره زى زمان و الدنيا بتبقى حلوه خالص
معرفشى ليه الحركه دى بتحصل الصبح بسسسسسسسسسس