الحمد لله أستلمت الأفيو.. تقييم مبدئى و بعض الأسئلة
الحمد لله أستلمت الأفيو الكورى من 3 ايام و طبعا قبل ما أشترى العربية قرأت فى المنتدى تحزيرات كثيرة و شكاوى منها ...:U_thin1[1]:
لكن كل ما كنت أسئل مالكيها من أصحابى و أقربائى و عددهم حوالى 8 يشكروا فيها و يقلولى أن ماعندهمش أى مشكلة ..:,: و علشان أتأكد جربت العربية أكتر من 4 مرات و لقيتها زى الفل يعنى ولا فى عداد RPM بيعلق و لأ عفشة بتزييق و لأ طنابير بتتأكل و لأ ...(الى أخرالمشاكل اللى قراتها)
المهم علشان ما طولش عليكم..انا توكلت على الله و أشترتها و كتقييم مبدئى متواضع:
- العربية ما شاء الله شكلها شيك من بره و فيها شىء من الفخامة من جوه خاصة التابلوه.
- العربية عالية(و ده مهم علشان المطبات).
- السحب ممتاز (أمبارح كنت مركب معايا 5 , 3 ورا و 2 على الكرسى اللى جنبى) و كنت ماشى على85 ( على التالت و rpm على 3)و كان ممكن ازود عن كده لكنى مش عايز اقرص على الموتور.
- الموتور صوته هادىء جدا.
-الباور ناعم جدا.
- الكنبة اللى ورا مساحتها كويسة.
- العفشة لأ هى ناعمة و لأ ناشفة ..أقدر أقول عليها متوسطة و اكيد هتنعم شوية مع الوقت.
- الشنطة اللى ورا مساحتها كويسة أوى.
و نصيحتى للى بيفكر يشتريها أنه يتوكل على الله لكن يبعد عن المصرى .. يجيب كورى لأن فى فرق كبير بينهم أكتر من ال2000 جنيه اللى فى السعر..و الملحوظ أن المشاكل اللى حصلت مع بعض الناس كانت فى التقفيل المصرى..
لكن لى بعض الأسئلة و أرجو الرد عليها :
1) نقلات الفتيس تقيلة مش ناعمة و باحس زى ما يكون فيها عضة... مش عارف ده طبيعى فى الأول و لأ أخليهم يشوفوها فى الصيانة.
2) أمبارح و أنا مركب 5 فى العربية زى ما قولتلكوا , كنت نازل منزل كوبرى و كان زحمة فكنت ممور و بادوس فرامل بس و كنت بسمع صوت زنة كل ما ادوس جامد عليها. لكن فى المشى العادى على ارض مستوية مفيش أى صوت , فهل ده طبيعى ؟
3) و احد أبن حلأل معاه ماتريكس خبطنى خبطة بسيطة فى الأكصدام اللى ورا :unhappy:و عملت خربوش بسيط فهل ده ليه علاج و لا لأ ؟
و اسف على ألاطالة...