السادة
فى مشكلة لو زودت عدد لفات الموتور شوية
وفى مشكلة تانية لو بدور العربية كل يوم من الشفاط فى ناس كتيرة قالولى غلط
والعربية لادا زيرو ومش بترضى تدور الا من الشفاط طبعا الكلام وهى باردة خالص
شكرا
عرض للطباعة
السادة
فى مشكلة لو زودت عدد لفات الموتور شوية
وفى مشكلة تانية لو بدور العربية كل يوم من الشفاط فى ناس كتيرة قالولى غلط
والعربية لادا زيرو ومش بترضى تدور الا من الشفاط طبعا الكلام وهى باردة خالص
شكرا
ارجو التوضيح
مش فاهم حضرتك يباشا قصدك يعني لما بدور العربيه وتدوس بنزين دا غلط؟؟ ولا ايه
لا اللادا دايما وهى بارده تدورها بالشفاط ,, امال هما عملولها الشفاط ده ليه , علشان تسخن العربيه منه --- ومفيش مشكله لو عاوز تعلى الموتور شويه روح لاى ميكانيكى وقوله يعليلك الموتور (يزود عدد لفات الموتور ) ...
اه...كهربه الموتور بتعلى بس متعلهاش اوى متاكولش بنزين
الشفاط بيزود نسبة البنزين في غرفة الإحتراق وبالتالي بيسهل عملية الدوارة في البرد
الأر بي إم الطبيعي تحت ال10 حوالي 9 تقريبا
ممكن حد يقولي يعني إيه شفاط !
الاخ ramremo فهمنى وجاوب على سؤالى شكرا ليك
عندى سؤال تانى ساعات برضه العربية مش بترضى تدور من الشفاط بسهولة الصبح اعمل ايه
دوس على دواسة البنزين كذا مرة قبل ما تدور
ربنا يخليك يا استاذ احمد انا معملتش حاجه --- لو العربيه مش بترضى تدور بالشفاط هنعمل ايه هنخلى الشفاط مطفى يعنى نازل تحت لاخره - تمام ؟ -- بعد كده حاول تدور من غير شفاط عن طريق انك تدوس ضغطات متقطعه على دواسة البنزين ( بس مش كتيره علشان العربيه ما تشرقش منك ضغطتين بس يعنى ) وتدور واول ما تلاقى العربيه لقطت معاك ارفع الشفاط على طول علشان ما تطفيش منك تانى --- حاول بالطريقه دى هتلاقى نفسك اتعودت عليها كل يوم الصبح وانت بتسخن وان شاء الله تنظبط معاك....
اه -- نسيت اقولك ان العربيه بعد ماتلقط معاك وتيجى ترفع الشفاط حاول بقدر الامكان ترفعه سنه سنه مش مره واحده لغاية اخره علشان لورفعته لاخره مره واحد العربيه مش هتتحمل وهتطفى منك تانى -- وجرب وقولنا النتيجه واحنا تحت امرك
اول العربية ما تدور شد الشفاط حاجة بسيطة و متخليش صوت العربية يعلى
طيب هل ده طبيعى يعنى ولا فى حاجه فى الكهربا هل مثلا عايزة تعلا شوية
لانى ساعات برده بلاقى العربية كانها عايزة تبطل بس لما تسخن كويس الرجه بتروح والسلانسية بيتظبط لكن وهى بارده شوية بلاقى مؤشر ال rpm بيتحرك شوية ومش ثابت
شكرا
الاخ ramremo
يا باشا ربنا يخليك على معلوماتك معلشى تقلت عليك بس انا لسه جديد ومقلق
مش عايز مشاكل وانت عارف قرف العربيات والواحد لسه جديد فى السواقة
الشفاط ده اللي هو تشوك التسخين و هو موجود في العربيات الكربراتير بس
و لازمته ان يسخن العربية و هي بارده
و في منه 3 انواع
1-مانيوال : زي اللادا كده لازم تشده بإيدك علشان يشتغل.
2-اوتوماتيك : احدث من المانيوال شويه و مجرد ما تدوس علي دواسة البنزين هو بيشتغل لوحده لو العربية بارده .
3-اليكتريك : مش محتاج انك تدوس علي دواسه البنزين علشان يشتغل هو بيشتغل مجرد ما تدور العربية.
ممكن اعرف عايز تعلي الماتور ليه (العربية زيرو)
عموما لو عايز تعلي العربية علي السلانسيه مثلا بتتعلي بسهوله من بيك السلانسه , ممكن اي ميكانيكي يعملهالك و لو العربية مظبوطة معاك وهي سخنة متخليش حد يلعب في حاجة و العربية جديده علشان ميضحكش عليك و يقولك العربيه فيها وفيهااا....
انا شايف ان ده حاجة عادية
هو الشفاط ده ليه بوابه لوحده على الكربراتير ولا هو متوصل بدواسة البنزين لانى لما بشدة بلاقى الدواسة بتنزل شوية لتحت ممكن الاخ ramremo يوضحلنا ايه نظام البوابات بتاعة الكلربراتير بالظبك والمسامير الكتير اللى فيه سواء هوا ولا بنزين
وشكرا
انا كان عندى بولونيز 1988 وكانت بتعمل كده من حوالى 4 سنين و بعدين رحت لواحد بتاع ضبط كربيراتير الله يكرمه ظبط خلط الهوا مع البنزين(على جهاز قياس العادم) و بعدها كنت اجى ادور يدوب ادوس بنزين مره ولا حاجة بس والعربية تدور زى الفل و ما تفصلش و محتاجش ارفع الشفاط و لا حاجه بس بسيبها شوية لما تسخن اوبضغط شوية على دواسة البنزين لكن مكنتش تفصل لو شلت رجلى من على البنزين.
فعلى ما اعتقد ان عربيتك فيها مشكلة فان كنت فى الضمان روح التوكيل لان عربيتك زيرو و حرام تحس انها بقالها 25 سنه
احمد باشا -- لانى كان عندى لادا و ليا فى الميكانيكا بتاعتها شويه مش كتير اقولك ان الشفاط ده عباره عن سوسته متوصله بذراع البنزين ( داخل الكبوت هتلاقى ذراع خارج من الكربراتير بيتحرك كل لما تزود بنزين) اللى هو نفسه متوصل بيه دواسة البنزين اللى عندك فى الكابينه // طيب ايه اللى بيحصل لما تشد الشفاط -- لما بتشده كانك دايس على دواسة البنزين فبتلاقى الدواسه نزلت لتحت شويه // طيب هما ليه عملوا الشفاط ده ما دام ممكن اسخن بالضغط على دواسة البنزين -- لان شد الشفاط بيغنيك عن استمرار الضغط على دواسة البنزين فترة طويله ( اكثر راحه ) وكمان بيظبط الموتور على درجه معينه ممكن بضغطك متعرفش تظبطها وبالتالى العربيه تطفى منك اول لما تيجى تسخن -- معلش اذا كانت معلوماتى ضئيله فى الموضوع ده ولكن ممكن اعضاء المنتدى خبراء ومهندسى الميكانيكا يفيدوك اكتر فى موضوع بوابات الكربراتير
وده فيديو بيوضح الكربراتير وفكرة عمله
[youtube]http://www.youtube.com/watch?v=p95ZNM24A5w[/youtube]
بالاضافة لكلامك احب اقول ان الشفاط كمان بيزود نسبة البنزين علشان العربية تسخن اسرع
يعني نسبة البنزين للهواء لما تدوس علي دواسة البنزين بتكون اقل من لما تشغل الشفاط
شكرا يا جماعة على مجهودكم ومعلوماتكم وشكر خاص لاستاذ ramremo على تعبه وربنا يخليكم