الموضوع: !!!Sonata __ The big worry to pay 185000 pounds

انا ركبت السوناتا ال 2006 تقفيل كورى والصراحة يا جماعة العربية من اجمل العربيات اللى ركبتها فى حياتى واكبرها صالونا وانا رأى انها افضل عربية على الاطلاق من حيث فئتها مقارنة بسعرها

ومينفعش انها تتقارن بالاوكتافيا او الفيكترا لانهم فئه اقل وانا متأكد ان اللى بيقول ال A5 احلى يبئة مركبش السوناتا لانى ركبت ال A5 والسوناتا والصراحة فرق السما عن الارض السوناتا احلى بكتير فى كل حاجة (الراحة والهدوء والاحساس) ده من كتر الهدوء اللى فيها تحس ان الناس كلها ماتت وكمان العربية صالونها اكبر من مرسيدس C&E class and BMW 3


لكن بالرغم من كل ده العربية متسواش حاجة بسبب التجميع المصرى وعن تجرية لان عندنا هيونداى خليجى وتقفيل كورى وصاحبى عنده نفس العربية بنفس الموديل لكن تقفيل مصرى وعربيتنا الحمد لله شغالة زى الحمار وماشية 170 الف كيلو وعمرها ماحصل فيها حاجة (بسم الله ماشاء الله) وصاحبى ياعينى بيلف ورا الميكانيكية وكل ما يصلح حاجة تبوظ حاجة تانية واخرها قاعدة الموتور اتكسرت

بالمناسبة عربيتنا وعربية صاحبى هيونداى اكسل موديل 96

فنصيحة لوجه الله ماتسئلش عن جودة السوناتا وامكانيتها وجمالها لانها فعلا عربية وهم لكن اسئل كويس اوى عن التجميع بتاعها ومش حيفيدك كويس غير اللى شغال فى غبور وعارف اسراره

يا جماعة أنا عندى السوناتا الجديدة موديل 2007 بقالها معايا 6 شهور لحد دلوقتى
العربية 2400CC و 162 حصان مش 150 .
العربية فعلا قوية جدا و فخمة جدا و لا تقارن بالأوكتافيا و لا الجيتا.
أولا دى بتنافس الكامرى و الaccord فعلا منافسة شديدة جدا فى السوق الأمريكى اللى هو أكبر سوق سيارات فى العالم و مركة سكودا دى مش موجودة اساسا فى امريكا (دى مركة تشيكى ملك volkswagen).
بالنسبة لل 45% دا كلام فارغ و أنا اتاكدت بنفسى اسمع ال 45% دى جت منين.
العمالة المصرية بيحسبوها ب 15% تقريبا و الدهان المصرى بيحسبوه بنسبة كبيرة مش فاكر كام و من الاخر كل الحاجات المصرى فى السوناتا هى اللمض والزجاج و الكراسى (معمولة فى مصنع كراسى غبور و للعلم غبور مش بيتعامل مع Mobica. اللى بيتعامل مع mobica هم bmw w mercedes) و حاجات هبلة كدا بس مفيش مسمار مصرى و الكلام دا من واحد مدير فى غبور ب أصق(صقة)فيه جدا(حتى الانذار و الكاسيت فى الالنترا و اللانسر و التيوتا مصرى مع العلم انهم عربيات مستوردة اما السوناتا النذار و الكاسيت كورى). يا جماعة كوريا بقت دولة محترمة جدا و حاجاتها بقت جودتها عالية اوى زى Hyundai و samsung.
و محدش يقارن جودة ال فيرنا فى التصنيع و التجميع ب جودة السوناتا
و واالله العظيم انا مش بقول كدا علشان عربيتى لا دا انا اشترتها و أنا مغمض فعلا و انا من اول الناس (دا لو مكنتش اول واحد) حجزها.
لما استلمت العربية كان عندى بس مشكلة صغيرة فى التبلوه (كان فى زى بقعة كدا شكلها مش حلو) و رحتلهم غيروه علطول.
على فكرة الفرنا دى هى الاكسنت موديل 2000 بس غبور مسميها فيرنا علشان بيبيع موديل قديم على انه جديد.
زى الchevrolet ال optra هى الdaewoo nubira و هى ال suzuki forenza هى بارده ال suzuki reno و هى برده ال daewoo lacetti .
التجميع دا مفيهوش فن طالما المكونات مستوردة.
للعلم bmw و mercedes فى مصر ممتازين و للعلم مصنع مرسيدس بيصنع تيل الفرامل لمرسيدس الألمانية ة للمايباخ (maybach) كمان و بيصدرهم لألمانيا بسبب رخصهم.
يمكن مديرك حظه وحش لأان فى اى مصنع فى العالم لازم يكون فى نسبة خطا صغيرة فى التصنيع و ابى عنده bmw و mercedes الأتنين و الحمدلله مفيهمش اى حاجة بس انا سمعت برده من واحد صحبه عنده مرسيدس ان كان فيها مشكلة صغيرة بس زي ماقلت دى حالات قليلة اللى فيها عيوب.
اللى عايز يسأل اى حاجة عن العربية أو اى معلومات يكتب هنا او يبعتلى.
العربية امكانيتها فظيعة و شكلها فخم من جوه و من بره و مستحيل تجيب عربية بالامكانيات دى بالسعر دا.
(cd changer(6cd)-كرسى السائق كهرباء-162 حصان - 2400cc - تكييف automatic خرافة فعلااااا انا باتلج فى عز الصيف - فرش جلد بيج - جنوط sport 17inch - تابله خشب ابانوس فخم جدا - الدركسيون خشب رهيييب - multifunction steeringwheel -cruise control - ستارة خلفية - العربية اوسع من ال mercedes ل E-class - فتيس Steptronic ).
االى عايز يسأل عن الجودة او اى حاجة يتفضل.

انا عايز اشترى السوناتا 2000cc ايه رأيكوا وياترى فيها مشاكل ولا لأ وانا سمعت ان شكلها اتغير 2008 ونزلت بشكل جديد انا شوفت الصور بس وبالنسبالى شكل 2007 احلى انتوا ايه رأيكوا يا شباب ياريت تفيدونى

المشاركة الأصلية كتبت بواسطة mimysheckles

انا عايز اشترى السوناتا 2000cc ايه رأيكوا وياترى فيها مشاكل ولا لأ وانا سمعت ان شكلها اتغير 2008 ونزلت بشكل جديد انا شوفت الصور بس وبالنسبالى شكل 2007 احلى انتوا ايه رأيكوا يا شباب ياريت تفيدونى

أنصحك تشتريها علطول و لأ موديل 2007 هو هو موديل 2008 يمكن الجنط بس اتغير

يا استاذ سمعة عربية 2400 و162 حصان بس ليه

ايوة العربية 2400cc ؤ 162 حصان و دى هيغشوا فيها أزاى؟

ثانيا واضح انك بتاخد كلام كتير بالسماع وانا ماجبتش سيرة التيل انا بتكلم عن الطنابير اللي بتتصنع في مصنع العامرية مش في مرسيدس

ايوة انا فاهم أنا كنت بديلك مثال على ان مصنع مرسيدس فى مصر كويس بدليل تصنيع التيل كمان مصر البلد الوحيدة فى العالم برة ألمانيا اللى بتجمع ال ٍS-class .

اما عن ال 45% ما ينفعش تقول عليها حاجات هبلة الا اذا كانت الكراسي والكاوتش والبطارية والخراطيم وكاوتش الابواب والزجاج كله والدهان كلة والمرايات وبعض اجزاء التابلوة وبعض الاجزاء البلاستيكية والطنابير وشدادات الماتور كل الحاجات دي في نظرك حاجات هبلة

ايوة دى حاجات هبلة , كمان واضح انك انت اللى متعرفش كتير عن العربيات لان الكلام دا عام , مثلا أنا عندى فى السوناتا الكاوتش كورى (kumho) , تابله السوناتا بالكاملللل مستورد علشان اول عربية يجمعوها فيها airbags. , كاوتش الأبواب و الزجاج و الدهان و المرايات و الكراسى دا كله كلام اهبل و حتى لو لا قدر الله حصل حاجة فيهم لا يؤدى لتعطل العربية و يتغيروا فى الضمان اما الطنابير و شدادات الموتور انا مش عارف كلامك صح و لا لأ و هسأل (الطنابير دى برده كلام فارغ ).

انا بتكلم عن عربيتين مصري معاصر كل احداثهم يوميا واحدة 525 والتانية E200
والاتنين مليانين مشاكل واكيد مش صدف

عمى عنده ال E-200 و ماقبلش اى مشاكل فيها و كمان ال E-class كله واحد و ال5-series كله واحد يعنى مش ال E-200 وحشة و الباقى (E-240,280,320,350,230) حلو مثلا يمكن حظ صدقنى و كمان مصنع مرسيدس ساعات بيصدر مثلا صدر 200 E-class للصين و كمان يعنى ال E-200 وحشة و باقى ال c و الE و ال s حلوين؟ و ال 525 نفس الكلام.

تويوتا عمرها مانزلت مصر بكاسيت مصري بتنزل بكاسيت تويتا متصنع في مصانع تويتا

ايوه صح معاك حق فى دى معلش غلطة منى

وميتسوبيشي بتنزل بكاسيت ميتسوبيشي اصلي وسنتر وانذار اصلي من برة

كله بينزل منغير كاسيت و بيركبوا واحد مش الأصلى ماعدا الsport و للعلم أنا سالت المصرية و دى كمان مش محتاجة خبرة , الكاسيت بارز لبره و شكله معفن فى اللانسر و الالنترا.

والنترا بعض موديلاتها القليلة بتنزل ب JVC والغالية بتنزل بالكاسيت الاصلي

انا قدام عينى واحد كان بيتخانق و قالى العربية بتاعته لسه مستلمهاش علشان التوكيل اتأخر فى تركيب الكاسيت و الانذار و للعلم الكاسيت و الانذار بيركبوا فى مركز خدمة ابو رواش قبل مالناس تستلم العربية

لما كل دول بينزلوا بكاسيت مستورد تبقي السوناتا المصري تنزل بكاسيت كوري
ياراجل قول كلام غير ده

ايوة لو انت كنت شفت السوناتا قبل كده كنت عرفت , الكاسيت Built-in و واخد شكل معين فى التابلوه لو ركبوا اى واحد تانى هيبوظ شكل التابلوه مش زى اللانسر و الالنترا اللى بيركبوا اى كاسيت بيبوظ شكل التابلوه خالص(دا بسبب سوء التوكيل نفسه مبيجبش الكاسيت الصلى و يسترخص واحد تانى).

لعلمك مرسيدس وبي ام المتجمعين في مصر بينزلوا بكاسيت الباين متقفل في مصر تمنه لوحدة 3900 جنية

أشك بس الصراحة انا مش متاكد و هسأل برده بس اللى انا متاكد منه ان 3900 جنيه دا ميجيش نص تمن اى حاجة فى المرسيدس

وحاليا ساب غبور من القرف والغش اللي شافه فيه وشغال في مرسيدس

أنا مبقلش ان غبور مش نصاب و لا أنه مش غشاش بس انا بديك واقع عن السوناتا و قلت من الأول عربية عن عربية تفرق .
يا راجل دا انا لو شغال فى احسن شركة عربيات فى مصر و جالى شغل فى مرسيدس هاروحها علطووول