استهلاك بنزين لانسر 1300 بومة 2008 مانيوال خليجى

السلام عليكم يا رجال الميتسوبيشى العظام

انا قررت اعمل قياس دقيق لإستهلاك البنزين فى العربية اللانسر اللى معايا.. 1300 سى سى مانيوال خليجى موديل 2008 روحت مليت تانك البنزين لآخره.. لغاية ما مسدس البنزين فصل من الراجل كذا مرة... انا حطيت بنزين 92 من بنزينة فى روكسى نضيفة جدا.. و بعد ما حطيت البنزين و حاسبت الراجل. شغلت العربية و روحت مصفر العداد بتاع الرحلات.. يعنى خليته على الزيرو .. و انطلقت بالعربية.. و سوقت العربية فى ظروف مختلفة .. منها مشاوير لمدينة 6 اكتوبر و التجمع الخامس و الشروق على سرعات 90 و 100 و 120 و منها مشاوير فى اماكن زحمة على الاول و التانى لأكثر من 4 ساعات... المهم فى الاخر مؤشر البنزين بقى فى منتصف الربع الاخير من المقياس و العربية عملت 490 كيلو بالتمام و الكمال .. و لسه فاضل حوالى نص الربع من التانك... ده غير طبعا البنزين الإحتياطى اللى انا سمعت انه حوالى 10 لتر تقريبا ...
ايه رايكو يا جماعة فى الحكاية دى ؟؟؟؟ مع العلم ان انا بعمل الصيانة الدورية فى التوكيل و العربية بتاعتى عاملة 17 الف كيلو من ساعة ما جيبتها

معايا 2007 مانيوال ومعايا 2008 مانيوال والاتنين 1300
2007 فى السفر التفويله بتعمل 600كم
2008 فى السفر بتعمل 650كم

السلام عليكم ايه حكاية البنزين الاحتياطى دى ؟؟؟؟؟؟؟؟!

انامعايا لانسر 1300 مانيوال خليجي بتعمل في التفويلة 400 كم موديل 2008

مع ملاحظة ان الكاوتش متغير من 14 الى 15

ومداس الكاوتش من 185 الللى 195

هل كده الاستهلاك عالي ولا طبيعي بالنسبة للكاوتش ؟؟

اعتقد ان حضراتكم بتقيسوا معدل البنزين بالشكل ده غلط
المفروض انكم بتروحوا البنزينة وبتقول للفني فول اول تكة
بمعني اول لما الاوتوماتيك يفصل عند اول زور التانك وبلاش بعد كده يذود عشان يقفل العداد وبعد كده وحضرتك واقف في البنزينة بتصفر العداد الجزئي بتاع العربية وبتفضل مااشي لغاية ما تلاقي العداد عمل 200 كيلو تقريبا تروح نفس البنزينة وتقول للفني برده فول اول تكة لغاية ما المسدس الاوتوماتيك يفصل لوحدة ( ولازم حضرتك تتأكد ان المسدس شغال عشان الفني مش يشتغلك لان هنا لو حط 2 لتر زيادة هيبوظ الحساب ) المهم بعد ما المسدس فصل لوحدة وبرده بلاش تخلي الفني يقفل العداد عشان عملية الحساب تكون دقيقة
المهم تشوف العربية اخدت كام لتر
لو افترضنا ان العربية اخدت مثلا 20 لتر
يبقي كده بعملية حسابية بسيطة
هتقول 200 كيلو / 20 لتر = 10 لتر لكل كيلو
لو عاوز تحسب الصفيحة بتعمل كام تضرب 10 لتر للكيلو * 20 = 200
يبقي كده الصفيحة بتعمل 200 كيول
طبعا انا افترضت انها بتعمل 200 للتسهيل عشان اوضح المعادلة
ويارب اكون افتدكم

دي ادق طريقة وجود طريقة اعرفها واعتقد باقي الطرق كلها غير دقيقية

لو حد لسة مش واضح ليه حاجة يقولي وانا تحت امره

عداك العيب يا باشا بالفعل طريقتك هي الطريقة المثلي في القياس لكن رخامتها انك عشان تظبط عند 200 كيلو تروح لنفس محطة البنزين ...شغلانة شوية
لان الطريقة اللي الاخوة كانوا بيتكلموا عنها فعلا مش دقيقة لاني ساعات احسبها في السفر الاقي عملت في مرة 630 و في مرة تانية 615 او 650 لان طبعا في السفر صعب انك توصل للانذار خصوصا لو انت ما تعرفش محطات البنزين اللي علي الطريق
لان برضه الواحد بيقلق يفول من المحطات اللي علي الطرق السريعة دي

محمد فهمي

اقتباس:

---

المشاركة الأصلية كتبت بواسطة borgelharm

عداك العيب يا باشا بالفعل طريقتك هي الطريقة المثلي في القياس لكن رخامتها انك عشان تظبط عند 200 كيلو تروح لنفس محطة البنزين ...شغلانة شوية
لان الطريقة اللي الاخوة كانوا بيتكلموا عنها فعلا مش دقيقة لاني ساعات احسبها في السفر الاقي عملت في مرة 630 و في مرة تانية 615 او 650 لان طبعا في السفر صعب انك توصل للانذار خصوصا لو انت ما تعرفش محطات البنزين اللي علي الطريق
لان برضه الواحد بيقلق يفول من المحطات اللي علي الطرق السريعة دي

محمد فهمي

---

ربنا يكرمك يا باشا
انا بتكلم عموما علي الدقة في القياس ولو مش نفع نفس البنزينة ما فيش مشكلة تفول في بنزينة تانية بس بنفس الطريقة
1.. انك تتأكد ان المسدس بتاع بتاع البنزينة شغال صح
2.. تقوله اول تكة وبلاش يحط وخلاص عشان تتاكد ان مستوي البنزين واحد
ومستني رايكم

يا شباب. انا معرفتش منكم استهلاك البنزين فى 1300 كم فى المانيوال او الاوتوماتيك و بصراحه دى معلومه انا كنت عايز اعرفها. ياريت حد يقول اللتر بيعمل كام كيلو و شكرا

لا يقارن استهلاك لانسر 1300 باى عربيه تانيه استهلاك بنزين يكاد يكون معدوم انا كان معايا اوبل فكترا قبل كدا ولما غيرت وجبت لانسر 1300 مانيوال مكنتش مصدق نفسى من استهلاك البنزين الذى يكاد لا يذكر بالنسبه للاوبل حلوفه البنزين انا كنت بحط 20 لتر فى الاوبل يدوب العداد بيتحرك لفوق شرطه ولا حاجه وامشى شويه صغيرين خالص الاقى نزل تانى التنك كان مساحته 60 لتر او اكتر شويه اما الانسر التنك اخره 40 فلما بحط صفيحه بلاقى العداد راح عند الاخر تقريبا وامشى قد ما امشى مبنزلش غير بالعافيه فرق رهيب بالنسبالى فى التوفير فى البنزين وخصوصا انا بمشى كتير جدا بالعربيه اول ما جبت الانسر اثبتتلى فعلا وعمليا ان اختيارى كان ناجح مليون الميه والجماعه اللى بيتكلمو عن الشد والفحت والردم والكلام دا مش فى مصر يا جماعه الكلام دا شد ايه اللى بترغو فيه بمكنه 1500 و 1600 برا 3000 سى سى وانت طالع دا بقى المكن اللى تشد بيه مش لعب العيال اللى هنا فى مصر + ان اصلا الطرق الزباله اللى هنا فى مصر متشيلش شده واحده تقطم ام العربيه مع اول مطب ودا اللى خلا اختيارى يكون 1300 سى سى بعد الاوبل شارهه استهلاك البنزين البلد دى عايزه الخيارات العمليه اللى تنجزك وفى نفس الوقت توفرلك وتحافظ على جيب حضرتك دا انا ليا ذكريات فى قطع الغيار بتاعه الاوبل ربنا ما يورى حد والله انا فاكر اخر اسبوع قبل ما ابيعها كنت بصرف عليها فى اخر اسبوع اكتر من 6000 جنيه اسكتره وطرمبه البور وحوارات تودى فى داهيه لا لا بجد الحمد لله انا اخترت اللانسر مع انى ايام ما كنت بغير عربيتى كنت بفكر اشترى هيونداى كوبيه كانت عجبانى قوى العربيه دى بس لما سالت عليها اتضح ان مصر دى ليها نظام خاص فى كل حاجه عربيه هتشتريها ومتفكرش تبيعها علشان محدش هيشتريها منك من الاخر كانك بتدفع فلوسك فى الهوى فى عربيه مش هتاخد منها غير شكل بس على الفاضى فكان خيار الانسر بالنسبالى انسب خيار وبصراحه العربيه معايا بقالها سنتين دلوقتى مريحانى اخر راحه وحلفت بعدها لن اخرج عن شركه لانسر ما حييت لما اغير اجيب الاعلى فى نفس الشركه لن اخرج عنها ابدا طول ما انا فى مصر :)

اقتباس:

---

المشاركة الأصلية كتبت بواسطة kok3

لا يقارن استهلاك لانسر 1300 باى عربيه تانيه استهلاك بنزين يكاد يكون معدوم انا كان معايا اوبل فكترا قبل كدا ولما غيرت وجبت لانسر 1300 مانيوال مكنتش مصدق نفسى من استهلاك البنزين الذى يكاد لا يذكر بالنسبه للاوبل حلوفه البنزين انا كنت بحط 20 لتر فى الاوبل يدوب العداد بيتحرك لفوق شرطه ولا حاجه وامشى شويه صغيرين خالص الاقى نزل تانى التنك كان مساحته 60 لتر او اكتر شويه اما الانسر التنك اخره 40 فلما بحط صفيحه بلاقى العداد راح عند الاخر تقريبا وامشى قد ما امشى مبنزلش غير بالعافيه فرق رهيب بالنسبالى فى التوفير فى البنزين وخصوصا انا بمشى كتير جدا بالعربيه اول ما جبت الانسر اثبتتلى فعلا وعمليا ان اختيارى كان ناجح مليون الميه والجماعه اللى بيتكلمو عن الشد والفحت والردم والكلام دا مش فى مصر يا جماعه الكلام دا شد ايه اللى بترغو فيه بمكنه 1500 و 1600 برا 3000 سى سى وانت طالع دا بقى المكن اللى تشد بيه مش لعب العيال اللى هنا فى مصر + ان اصلا الطرق الزباله اللى هنا فى مصر متشيلش شده واحده تقطم ام العربيه مع اول مطب ودا اللى خلا اختيارى يكون 1300 سى سى بعد الاوبل شارهه استهلاك البنزين البلد دى عايزه الخيارات العمليه اللى تنجزك وفى نفس الوقت توفرلك وتحافظ على جيب حضرتك دا انا ليا ذكريات فى قطع الغيار بتاعه الاوبل ربنا ما يورى حد والله انا فاكر اخر اسبوع قبل ما ابيعها كنت بصرف عليها فى اخر اسبوع اكتر من 6000 جنيه اسكتره وطرمبه البور وحوارات تودى فى داهيه لا لا بجد الحمد لله انا اخترت اللانسر مع انى ايام ما كنت بغير عربيتى كنت بفكر اشترى هيونداى كوبيه كانت عجبانى قوى العربيه دى بس لما سالت عليها اتضح ان مصر دى ليها نظام خاص فى كل حاجه عربيه هتشتريها ومتفكرش تبيعها علشان محدش هيشتريها منك من الاخر كانك بتدفع فلوسك فى الهوى فى عربيه مش هتاخد منها غير شكل بس على الفاضى فكان خيار الانسر بالنسبالى انسب خيار وبصراحه العربيه معايا بقالها سنتين دلوقتى مريحانى اخر راحه وحلفت بعدها لن اخرج عن شركه لانسر ما حييت لما اغير اجيب الاعلى فى نفس الشركه لن اخرج عنها ابدا طول ما انا فى مصر :)

---

عندك حق وكلامك مظبوط متين الميه
انا معايا 1300 مانيوال 2009
استهلاكها للبنزين يكاد يكون معدوم فعلا..بجد استهلاك خرافى مفيش احسن من كده
ولا طالبة شد ولا فحت ولا ردم لان الطرق فى مصر مش مساعدة زى محضرتك قولت وكمان الشد اخرته وحشة
ده وانا بفكر فى ال 1300 سمعت عليها كلام وشتايم وانتقادات من ناحية السحب..بجد حسسونى انى هركب عربية كارو!!!! رغم ان اللانسر طول عمرها 1300 بس بعد مال 1600 نزلت والناس لقتها بتجرى عن ال 1300 بقت ال 1300 ياااى :)
فعلا فى مصر الفتايين كتير ... ربنا يرحمنا منهم

اقتباس:

---

المشاركة الأصلية كتبت بواسطة kok3

لا يقارن استهلاك لانسر 1300 باى عربيه تانيه استهلاك بنزين يكاد يكون معدوم انا كان معايا اوبل فكترا قبل كدا ولما غيرت وجبت لانسر 1300 مانيوال مكنتش مصدق نفسى من استهلاك البنزين الذى يكاد لا يذكر بالنسبه للاوبل حلوفه البنزين انا كنت بحط 20 لتر فى الاوبل يدوب العداد بيتحرك لفوق شرطه ولا حاجه وامشى شويه صغيرين خالص الاقى نزل تانى التنك كان مساحته 60 لتر او اكتر شويه اما الانسر التنك اخره 40 فلما بحط صفيحه بلاقى العداد راح عند الاخر تقريبا وامشى قد ما امشى مبنزلش غير بالعافيه فرق رهيب بالنسبالى فى التوفير فى البنزين وخصوصا انا بمشى كتير جدا بالعربيه اول ما جبت الانسر اثبتتلى فعلا وعمليا ان اختيارى كان ناجح مليون الميه والجماعه اللى بيتكلمو عن الشد والفحت والردم والكلام دا مش فى مصر يا جماعه الكلام دا شد ايه اللى بترغو فيه بمكنه 1500 و 1600 برا 3000 سى سى وانت طالع دا بقى المكن اللى تشد بيه مش لعب العيال اللى هنا فى مصر + ان اصلا الطرق الزباله اللى هنا فى مصر متشيلش شده واحده تقطم ام العربيه مع اول مطب ودا اللى خلا اختيارى يكون 1300 سى سى بعد الاوبل شارهه استهلاك البنزين البلد دى عايزه الخيارات العمليه اللى تنجزك وفى نفس الوقت توفرلك وتحافظ على جيب حضرتك دا انا ليا ذكريات فى قطع الغيار بتاعه الاوبل ربنا ما يورى حد والله انا فاكر اخر اسبوع قبل ما ابيعها كنت بصرف عليها فى اخر اسبوع اكتر من 6000 جنيه اسكتره وطرمبه البور وحوارات تودى فى داهيه لا لا بجد الحمد لله انا اخترت اللانسر مع انى ايام ما كنت بغير عربيتى كنت بفكر اشترى هيونداى كوبيه كانت عجبانى قوى العربيه دى بس لما سالت عليها اتضح ان مصر دى ليها نظام خاص فى كل حاجه عربيه هتشتريها ومتفكرش تبيعها علشان محدش هيشتريها منك من الاخر كانك بتدفع فلوسك فى الهوى فى عربيه مش هتاخد منها غير شكل بس على الفاضى فكان خيار الانسر بالنسبالى انسب خيار وبصراحه العربيه معايا بقالها سنتين دلوقتى مريحانى اخر راحه وحلفت بعدها لن اخرج عن شركه لانسر ما حييت لما اغير اجيب الاعلى فى نفس الشركه لن اخرج عنها ابدا طول ما انا فى مصر :)

---

كلام سليم وعملي