اول خبطة من نوعها وانا زعلاااااااااااااان اوي

السلام عليكم
ياجماعة انا حزين اوي من اللي شوفتو لمة نزلت من البيت
كنت راكن العربية عادي جدا زي كل يوم وفي نفس المكان ونزلت لقيت الفاجعة في الرفرف الشمال ورا
http://xs.to/image-F245_4B8F9FDA.jpg
http://xs.to/image-C8F3_4B8F9FDA.jpg
http://xs.to/image-9F2E_4B8F9FDA.jpg





طبعا انا مخنوووووووووووق اوي ومش عارف اعمل ايه
اتصلت بالتامين وقالولي اطلع على التوكيل وهات مقايسة بالتكاليف
وبعدين هات العربية واحنا نشوف هنعمل ايه وانت تتحمل قد ايه


طبعا بعد ماسالت شهود عيان عن الواقعة اتضح انها خبطة ميكروبااااااااااااااص من النوع الكبير ده


قولت انصح نصيحة لاخوانة الجامدين بتوع بروتون واقولهوم
(ياجماعة بجد انا عرفت قيمة الجراج)(لازم نركن عربياتنا في الجراج)
واسف لو طولت عليكو وتقبلو تحياتي

والله يا باشا مش عارف اقولك ايه بما اننا واجاويه زي بعض يعني

اصلا انا الحمد لله خدت نفس الخبطه دي شمال ويمين في الواجا مع الفانوسين الشمال واليمين والله بردو وهيا واقفه تحت البيت

معلش قدر الله ومشاء فعل

فعلا الجراج مهم جدا بس اعمل ايه في جدي الله يرحمه هوا الي كان بيبني البيت وولدي كان مسافر بره واظاهر نسي يعمل جراج

الحمد لله على كل شيء ياباشا

حضرتك متضايقش نفسك انا من حوالي سنتين كنت واخد خبطة زيها كده والسمكري ردها علي البارد ورجعت كويسة وده لينك الموضوع
http://www.nilemotors.net/Nile/28135-a.html
وفيه صور العربية بعد التصليح في الصفحة الثانية

معلش يا باشا الحمد لله على كل حال ومتزعلش نفسك

قدر الله وما شاء فعل ...

قول بس اللهم أجرنى فى كصيبتى وأخلفنى خيرا منها

وإن شاء الله تتصلح وترجع أحسن من الأول كمان :satelite:

قدر الله و ما شاء فعل و متنساش تقول "اللهم اجرني في مصيبتي واخلفني خيرا منها" و الحمد لله بسيطة ممكن تترد على البارد بس فيه حتى ممكن تحتاج تتمعجن و تترش حتة بسيطة جدا و متتخضش لو التوكيل قلك هنغير الرفرف كلوا ده علشان هيبقوا عارفين انك مأمن

معلش يا باشا قدر الله وماشاء فعل الواحد بيتخنق موتتت لما العربية تتخبط وهى واقفة

أسم التوبيك يخض الواحد والموضوع بسيط أنا مش عارف ليه حضرتك مكبر الموضوع
الخبطه بسيطه جدا" وهتدرد عالبارد والموضوع هيكلفك من 50 ل75 جنيه بالكتير
قول الحمد لله وان شاء الله هتتعمل فى خلال ساعة زمن .

متشكر اوي ياجماعة وان شاء الله خير
بس انا فعلا متضايق علشان دي اول خبطة وان شاء الله اخر خبطة
وربنا يسترها معانا جميعا
بس ياترى اجراءات التأمين صح كدة زي مانا كاتب ولا في حاجة نقصة؟؟؟

معلش قدر الله ما شاء فعل الحمد لله انها جت على قد كدا,,,,,

متزعلش نفسك
حصل خير متتخيلش انا دمي محروق قد ايه من منظر الصور... ومن الحمار اللي السبب فيها..
حصل خير وقضى اخف من قضى
ان شاء الله تتصلح بسرعة ومتكلفكش كتير ..
بس ياريت توافينا بالاخبار اول باول

تقبل تحياتي

معلش يا باشا الحمد لله على كل حال، وهى دى مصر يا عبلة بس الحمد لله بسيطه وان شاء الله تترد على البارد وترجع زى الأول

الحمدلله على كل حال متزعلش ... وان شاء الله ترجع احسن من الاول وياخد كل كل المكيروباصات الى فى البلد ويرحمنا منهم :36_1_35[2]:
ربنا يسترها

هو مفيش ابدا حل علشان نتخلص من الميكروباصات دي
بصراحة حرام والله اللي بيحصل ده
مش عارف ليه كل الناس فكرين ان العربيات اللي احنا ركبنها دي ببلاش او معانا فلوس نصلح وكدة



الحمد لله على كل شيء بس يالله ندعي على سواقين الميكروباصات شوية يمكن ربنا يخودهوم ونستريح

قدر الله وما شاء فعل
الحمد لله دي بسيطه
اخوك بقى لسه مخبوط خبطه زي الفل والكبوت اتقوس حوالي 2 سنتي والاكصدام كأنه اتقطع كدا
والحمد لله على كل شئ
متدايقش نفسك
انا عارف انها بتبقى وجع قلب وتحس انها كبيره
بس هي بسيطه ان شاء الله وباذن الله تترد عالبارد
وبخصوص التأمين (انا مش عارف انت مأمن مع مين)
روح التوكيل واعمل المقايسه وشوف هتتكلف كام واطلع بيها عالتأمين
او تظبط مع مندوب وتروحوا التوكيل سوى
او تريح دماغك من الموضوع ده وروح لسمكري كويس يعملهالك عالبارد
عشان التوكيل بيخلي العربيه تعد بال 10 ايام مثلا
شكرا

الحمد لله بسيطة
هى بس صعبة عشان اول مرة وان شاء الله تكون الاخيرة

قدر الله وما شاء فعل
الحمدلله على كل حال متزعلش ... وان شاء الله ترجع احسن من الاول
علي فكرة موضوع ان التامين يقول نشوف المقايسة وبعدين نشوف هتتحمل اية كلام غير مضبوط
الا لو في البوليصة التامين موضوع تقسيم التكلفة مثل 4 في الف اي تحملك قيمة 4 جنية من كل الف من ثمن السيارة بالكامل .

الأفضل تروح التوكيل لأن الخبطه دي في الرفرف الخلفي ممكن تكون محتاجة شغل صح

ردها علي البارد و كبر دماغك من التامين

انا ممكن تترد على البارد فعلا بس في حتة لازم تترش علشان مقشرة

فداك ألف مره بسيطه
الحمدلله على كل شى
لو علمتوم الغيب لاخترتوم الواقع

اقتباس:

---

المشاركة الأصلية كتبت بواسطة hanyetsh

معلش يا باشا قدر الله وماشاء فعل الواحد بيتخنق موتتت لما العربية تتخبط وهى واقفة

---

قدر الله و ماشاء فعل وإن شاء الله تتصلح وترجع زى الأول بس أنا ليا تعليق على كلمة هانى يعنى انت ما ببتخنقش لما تتخبط و هى ماشية

قدر الله و ما شاء فعل

هو ده حال بلدنا

عموما هى الخبطه بسيطه و ان شاء الله لما تصلحها مش حتبان نهائى .... ممكن تعملها على البارد ... بس طبعا ده حيبقى على حساب الشكل العام للعربيه خصوصا و انها لسه جديدة

الافضل توديها التوكيل و تعملها هناك خصوصا انك مأمن ... و كده كده التكلفة مش كبيره فالتأمين مش حعترض على حاجه ان شاء الله .

السلام عليكم و رحمة الله و بركاته
أخونا العزيز ... انت بتفركنى بنفسى فعلا .... انا خدت نفس الخبطة دى بالكربون في نفس المكان بالظبط .. بس للأسف الى خبطنى العربية بتعته اتقلبت بيه ... كان نازل من كوبرى فيصل و انا شايف واحد في المرايا جى بسرعة جامدة جدا أنا ظنيت أنه واحد بيلعب و شاب ظريف من اياهم لما قرب منى حاولت اخد يمين بس الحمد لله مالحقتش العربية بتعته طلعت فوق الرضيف و اتقلبت بالراجل على جنبها و ريحت عندى على الجنب اليمين ...و كسرت الفنوس الخلفى كمان ( الحمد لله ) و طبعا فى حالة زي دى ما كانش ينفع اكلم الراجل الحمد لله انه خرج من العربية سليم ..... و خدت العربية و مشيت و كان حالتى زي حلتك كدة بالظبط .. و لغاية دلوقتى و هى على حالتها ( بس مش سايبها زي ما الناس بتقول .. سبها تاخد العين ... ) انا ما كانش معايا فلوس اعملها و انا للأسف مش مأمن على العربية ....

و طلبى من حضرتك لما تعرف هتتكلف كام في التوكيل تبقى بلغنى ..لأنى هعملها على حسابى الخاص ... أو ممكن تبعتلى رسالة على تليفونى ( 0115544885 ) و هكون شاكر ليك جدا

و بفكر كل الناس بدعاء الركوب

دعاء الركوب ( السيارة وما نحوه )
بسم الله الحمد لله
( سُبْحانَ الَّذِي سَخَّرَ لَنَا هَذَا وَمَا كُنَّا لَهُ مُقْرِنِينَ * وَإِنَّا إِلَى رَبِّنَا لَمُنقَلِبُونَ )
الحمد لله، الحمد لله، الحمد لله، الله اكبر، الله اكبر، الله اكبر، سبحانك اللهم إني ظلمت نفسي فاغفر لي،إنه لا يغفر الذنوب إلا أنت"

و السلام عليكم و رحمة الله و بركاته