أه نسيت حاجة إن فى ناس هاترد عليا وتقول إنها 130 حصان ومع إحترامى الشديد للرقم ده العزم مش هايزيد عن 160 نيوتن عند 5000 أر بى إم أما الباسات عزم 210 نيوتن وثابت من 1500 - 3500 أر بى إم وبينزل ل 175 عند 6200 أر بى إم
عرض للطباعة
أه نسيت حاجة إن فى ناس هاترد عليا وتقول إنها 130 حصان ومع إحترامى الشديد للرقم ده العزم مش هايزيد عن 160 نيوتن عند 5000 أر بى إم أما الباسات عزم 210 نيوتن وثابت من 1500 - 3500 أر بى إم وبينزل ل 175 عند 6200 أر بى إم
معقوله كل دا فى 29000 الف كم فقط !!
تقريبا من كلامك كده العفشة و التكييف مش متوفقين مع شوارع مصر و جو مصر
مشكلة عدم توافر قطع الغيار فى التوكيل دا شئ طبيعى لإن مبيعاتها فى مصر كانت قليلة
لكن تقعد بالشهر فى التوكيل دا المفروض مش من طبيعية تويوتا المعروفة فى مصر !
مشكلة الطنابير الأمامية تقريبا عامة فى موديلات تويوتا فى مصر
على العموم شكرا للنصيحة
تسلم ايدك على التقرير الجامد ده
تقرير جميل جدا شكرا لحضرتك ..
العربية شكلها جميل جدا و الاوبشنز الفيها مش بطالة .. بس سعرها عايز يوطى شوية ..
و لكني اظن ان التوكيل مجبر على السعر دة .. لأن الافنسيس القبليها مباعتش كويس لأن سعرها كان غريب شوية بردو ..
فأكيد التوكيل اتعلم الدرس .. بس اظاهر ان العربية سعرها عالي اصلا
هيا الأرقام مش عارف حضرتك جبتها منين
ولكن الأفينسيس الجديده ارقاهمها
150/3800 Maximum torque (Nm@rpm)
جزاك الله كل خير
هو فعلا العربيه سعرها عالي
ولكن دي من ضمن سيايات التسويق بتاعت تويوتا خصوصا في مصر
بيعزز البضاعة بتاعته على دماغنا احنا
بس فعلا الفئة الأعلى دي لما تركبها مش هتلاقيك محتاج اوبشن اكتر من كده ولكن المشكلة في سعرها
الف شكر يا ابو عبد الله علي التقرير والمجهود الرائع .....
تويوتا ايجيبت اخطأت بالفئة السعرية للافينسيس...مهما كانت الاوبشن ايلي فيها يكفي ان السيارة ما زالت مانيوال ودي كارثة عند بعض الناس واولهم أنا.....علاوة علي الاستخفاف بنزع التحكم الكهربي من الزجاج الخلفي....في محاولة لايجاد اي طريقة لتمييز موديلين لا فرق جوهري بينهم سوي مجموعة اوبشن لا ترقي لفرق السعر الوهمي...
المانيوال محبب في اوروبا ....ودة لان اغلب طرق السفر نضيفة ومنظمة...وسهل التحرك فيها ومرات التوقف قليلة نسبيا.....علي عكس الوضع عندنا في مصر....تماما..
دة انا باسافر المنصورة - القاهرة في 5 ساعات بالعربية....وبنقف علي الزراعي يجي 30 مرة...دة غير الوضع جوة البلد سواء في المنصورة او القاهرة....حاجة لا تطاق...والمانيوال عذاب في القيادة..
المفروض ان كل سنة ابتداء من 2010 ....الجمارك بتنزل 10% علي السيارات الاوروبية الصنع ....ودة ينطبق علي الافينسيس حيث انها انجليزية التصنيع والمنشأ....أين التخفيض في الجمارك...سعر الموديل زاد عن ايلي قبلة بما لا يقل عن 45 الف جنية..
في رايي ايضا دي هاتبقي فرصة ممتازة لتوكيل سكودا....للانتشار .لو قدر ينافس علي سعر أفضل...ويرفع من مستوي خدمات ما بعد البيع...وتوفير قطع غيار بكميات اكثر..
كلام مظبوط فعلا وجزاك الله كل خير
ولكن اللي انا اكتشفته قدرا
ان الفورد المونديو ايضا متسعره بنفس الكلام ده
يعني المونديو الفئة التانية اللي هيا اعلى حاجه سعرها بــ 240 الف جنيه
والفئة الأولى على ما اتذكر 205 او 210 الف برضه
وايضا اكتشفت ان موضوع الزجاج الكهربائي الامامي فقط ده مش اختراع التوكيل هنا
ولكن العربيات في اوروبا بينزل منها موديلات كده لني لقيت اكتر من عربيه نفس الموضوع برضه اتنين زجاج كهربائي امامي فقط وعادي في الخلف
مش عارف ليه بصراحه
تسعير السيارة دى يعكس صورة غير ايجابية عن تويوتا ايجيبت....سياسة التسعير تعكس اسلوب تسويق غير متسق مع ما يحدث فى السوق .......خلينا نعد كم سيارة هتتباع بالسعر ده فى مصر.....على فكرة الباسات اعلى فئة فى التوكيل ممكن تاخذها من السوق 257 الف جنية ..والباسات المانى على ابوه وبتجهيزات تدوخ