اولا مش عايز حد يعتبر كلامي عن القناه تحيز
انا هحاول اكون حيادي بعيد عن مكاني في القناه
انا من قبل ما يبقي ليا علاقه بالقناه كنت متابع فيها سوق المستعمل
وبصراحه البرنامج الي عملاه القناه لسوق المستعمل انا شايفه بدايه لحاجه اول مره تحصل في مصر
بغض النظر عن ان في ناس فعلا بتغالي في سعر عربياتها المعروضه
بس بالتدريج شويه شويه وان الناس يبقي عندها ثقافة انها ممكن تتفرج علي عربيه معروضه في التليفزيون ويكلم صاحبها
دي هتقضي علي قصة الغش الي دايما بنشوفها في عربيات السمساره والتجار
وافتكروا الوسيط زمان كان عامل ازاي قبل ما ينتشر والناس كانت شايفاه ايه
دلوقت الي حد ما في ثقه بين الوسيط وبين قراءه
وفعلا انا معاكم ان القناه لسا مش بتجيب جديد بس بالتدريج هنشوف تغيير
وفعلا انا معاك ان الانترنت احسن
بس السبب ليه؟؟؟
لان في النت قدامك فرصه تتكلم مع صحاب العربيه وتقولوا مشاكلك ايه توكيلك اخباره ايه
لاكن في القناه انتا هتنظم ده ازاي؟؟
وهتعمل النوع ده المقابلات ازاي وخد بالك ان لو مثلا هننظم ريبورتاج كامل عن توكيل (س) وهنظمه بحياديه كااااااااااااامله ولنفرض التوكيل ده فعلا سمعته كويسه ويستاهل الكلام الحلو الي هيتقال عليه
هيجي واحد معاه عربيه (ص) ويشتم في القناه ويقولك ده مدفوع لها ومش عارف ايه والتوكيل (ص) ده برقبته
محدش في مصر بيعجبه العجب ولو صاحب العربيه طلعان عين اهله في العربيه
لازم يثبت وجهة نظره انه اشتري احسن عربيه في مصر والعربيه مريحاه اخر راحه
علشان كده كل مكان وليه مميزاته وفعلا لو هتاخد معلومات يبقي من منتدي متخصص زي نايل مثلا او من النت عموما لو بتعرف تدور
وفي خبر حلو هنسعه قريب ان شاء الله بس ده هسيبه للاداره ولكريم منير تحديدا
A.Yakout
المفضلات