عيش فى جلباب ابيك (وجهة نظر برضه)
من كام شهر
كنت بتلكم مع واحد قريبي
هو شاب في أوائل الـ30ــات من عمره بس بحب دايماً اسمعه لما أشوفه
كان قاللي كلمتين...
محستش بيهم غير دلوقتي..
قاللي: "أنا بلوم على والدي انه مدانيش بالجزمة أيام ثانوية عامة عشان اذاكر و اطلع دكتور زييه!"
(بالمناسبة هو خريح تجارة زيي انا و والده دكتور أطفال زي والدي برضه ..!)
فقولتله لية؟
قاللي كل حاجة بتمشي بالواسطة ... انا أه الحمد لله ربنا رزقني و بشتغل و ... و .. لكن اتبهدلت على ما وصلت لإللي انا فيه... لو كنت دكتور كان والدي ظبطني في الشغل و كنت وصلت بسرعة بأقصر السكك ... كنت هتبهدل أه ... لكن مش زي البهدلة اللي اتبهدلتها و التعب اللي تعبته عشان اشوف طريقي...
ابن الدكتور لو طلع دكتور بينجز
كذلك ابن المهندس لو طلع مهندس
و برضه ابن التاجر...
عيش فى جلباب ابيك .... عشان ننجز !
انا بصراحة قابلت كلامه بإستغراب يومها ... و معلقتش عليه لكن دلوقتي حسيت بالكلمتين دول .. مش عارف لية ...
اية رأيكم في الكلام دا ..؟
________________________________
تم تغيير عنوان الموضوع
المشـــــرف العام - 2