سلام عليكم
ياجماعة الا ساكن فى الدور الاخير
انت مركب عازل للحرارة والرطوبة والبرد ولا لا
لو مركب ياترى التكلفة كام وبتفرق معاك ولا لا
ولو مش مركب ها ياترى فارقى معاك الحرارة ولا مش بتحس بفرق
شكر
عرض للطباعة
سلام عليكم
ياجماعة الا ساكن فى الدور الاخير
انت مركب عازل للحرارة والرطوبة والبرد ولا لا
لو مركب ياترى التكلفة كام وبتفرق معاك ولا لا
ولو مش مركب ها ياترى فارقى معاك الحرارة ولا مش بتحس بفرق
شكر
للاسف انا من ساكني الدور الاخير
عايز اقولك اني بشوف الصيف الصح اللى محدش بيشوفه حر فظيع و المشكله ان بتوع التكيف قاللك مش هاينفع نركبلك عشان التكيف لو اتركب مش هايفصل و بكده ممكن يبوظ شكله
وتيجي بقى في الشتا بقى سقعه بتخلي الواحد يتكتك من تحت لحافين و الدفايه شغاله
احسن حل دور على شقه تانيه لانه ولا عزل بينفع ولا اي حاجة
حضرتك بتكلم بجد ولا بتهزر
انا بجد جالى احباط
هى الشقة تالت بلكونة يعنى مش ال 11 ولا ال 12 مثلا هل ده يفرق
وهل فعل العوازل مش فارقة
طيب حضرتك فى الدور الكام
شكرا
انا في الدور الاخير
و فعلا بشوف صيف علي حق و شتا علي حق
انا عندي تكييفين و بلاك اوت زي عازل طبعا بيفرق في الصيف
التكييف مفيهوش أي مشكلة مع الدور الأخير وبدون عزل ، المهم انك تجيبة أكبر شوية من المساحة بتاع المكان
بمعني ان لو الأوضة مثلا مساحتها يغطيها 1.5 يبقي تركب 2.25 علشان يستحمل وكل ما يكون اكبر يكون افضل وبيفصل بسرعة
أنا ساكن في الدور الأخير و مركب عازل للحراره و الماء كمان بس من 8 سنين تقريباً او أكتر
و اتكلف تقريبا على ما اتذكر 15,000 جنيه.......
15 الف جنيه هو غالى كده ولا ايه وطيب هل جايب معاك نتيجة ولا ايه
كان في مشكله في خزانات العماره و كانت لما تتملي الاوتوماتيك مش بيفصل و بتغرق السطوح بالكامل
و السقف كان بينشع و كانت نشكله كبيره... و المكيفات مع الحر ماكانتش بتجيب نتيجه خالص
بعد العزل الوضع اختلف كتيير, و فرق في الحراره و المياه و كمان علشان الديفلكش اللي
بيحصل في السقف الخرسانه بسبب الحراره و الرطوبه لو مافيش عزل على المدى الطويل
بجد هيفرق معاك جداا لو عملته, و بالنسبه للسعر ممكن جداا تكوت التكلفه مختلفه دلوقتي عن زمان
فى انتظار اراء بقية الاعضاء
ايه الحل ياجماعة ولا ما فيش حل
متابع بإهتمام
انا في الدور الاخير ال 15
والدي عمل عزل فوق بس مش عارف اتكلف كام
انا مش حاسس بمشكلة اوي مع التكيف الشقة بتبقى باردة
وجهة نظري انه الدورالاخير احسن من غيره
لانه عيب الحرارة و المياه ليه حل اكيد و الا ماكنش حد سكن في فلل و قصور
طيب ليه احسن من غيره
هو احسن من غيره لانه لانه بيكون بعي عن الدوشة ومفيش حد يدبدب عليك من فوق والمنظر بيكون جميل من فوق
بالذات لو المسافات بين العمارات كبيرة
فى انتظار نصائح واراء اخرى
شكرا لكل الاعضاء
طيب بتعملوا ايه عشان تحموا الشقة
هل مركبين شبابيك حديد لكل الشبابيك