الموضوع: هو في فرق

كنت عايز اسال اهل الخبرة هو في فرق في مقدار الزيت للمكنة 1600 عن 1300 ولا كلة زي بعض
يعني المكنة ال 1600 بالفلتر تاخد كام زيت ومن غير فلتر تاخد كام وبرضو المكنة ال 1300 بالفلتر تاخد كام و من غير الفلتر تاخد كام ارجو الافادة والف شكر
واية احسن زيت ممكن الواحد يستخدمة

اية يا جماعة محدش عايز يشارك لية

الموضوع ده برده كونت عاوز اسال عليه
يا ريت المهندس طارق يفيدنا

مفيش فرق و هم 3 لتر فقط بالفلتر رغم ان التوكيل و الكتالوج بيقولوا 3.3 لتر بالفلتر بس أنا بجيب 3 عبوات موبيل1 الواحده لتر و بغير الفلتر و المقاس بيبقه مضبوط جدا بالضبط عند علامة الmax و العربيه بارده و بيبقه زايد شويه كمان و العربيه سخنه....

تفسيرى لذلك انه ممكن تكون عبوة اللتر بتبقه فعليا مليانه أكتر من اللتر بحاجه بسيطة كمعامل أمان من شركة موبيل أثناء التعبئة لضمان ان العبوه متقلش بأى حال من الأحوال عن اللتر انما ممكن تزيد شويه و لو فرضنا ان العبوة الموبيل1 الواحد لتر فيها فعليا 1.1 لتر يبقه ال3 عبوات بيعملوا 3.3 لتر اللى العربيه محتاجاهم بالضبط مع تغيير الفلتر...


ده تفسيرى لسد أى خلاف ممكن يحصل بين تجربتى الشخصيه و كلام التوكيل و الكتالوج....

من الأخر...... للى بيستخدم موبيل1 ......... العربيه بتاخد 3 عبوات واحد لتر بالفلتر و مش هتفرق بين 1300 و 1600 لأنه فى الكتالوج مفرقش بين ال1300 و 1600 فى النقطة ده ولكن فرق بينهم و بين ال2000 سى سى اللى هى مش موجوده فى مصر طبعا و طبعا ال2000 هى اللى بتاخد أكتر شويه.

المشاركة الأصلية كتبت بواسطة mohamedway

تفسيرى لذلك انه ممكن تكون عبوة اللتر بتبقه فعليا مليانه أكتر من اللتر بحاجه بسيطة كمعامل أمان من شركة موبيل أثناء التعبئة لضمان ان العبوه متقلش بأى حال من الأحوال عن اللتر انما ممكن تزيد شويه و لو فرضنا ان العبوة الموبيل1 الواحد لتر فيها فعليا 1.1 لتر يبقه ال3 عبوات بيعملوا 3.3 لتر اللى العربيه محتاجاهم بالضبط مع تغيير الفلتر...

مستحيل يحصل ان شركة موبيل تزود شويه ،دي تخسر مليارات ! والحدايه مبتحدفش كتاكيت
اكيد المانيوال هو اللي مدي معامل امان

المشاركة الأصلية كتبت بواسطة mostafa_elhussain

مستحيل يحصل ان شركة موبيل تزود شويه ،دي تخسر مليارات ! والحدايه مبتحدفش كتاكيت
اكيد المانيوال هو اللي مدي معامل امان

1-مفيش فرق بين المانيوال و الأتوماتك فى زيت الموتور ولا حتى بين 1300 و 1600 زى ما قلنا قبل كده.

2-موضوع ان تكون موبيل مزوده العبوه طبعا انا مش متأكد منه و لكن مجرد محاولة تفسير للحاجة اللى انا مـتأكد منها بالتجربه و هى ان ال3 عبوات واحد لتر مع تغيير الفلتر بيبقوا هم بالضبط اللى محتاجاه العربيه و مش محتاجه نقطة زيت تانى أكتر من كده و بالتجربة على المقاس من ساعت ما جبت العربيه من أواخر 2005 إلى الآن.

المشاركة الأصلية كتبت بواسطة mohamedway

1-مفيش فرق بين المانيوال و الأتوماتك فى زيت الموتور ولا حتى بين 1300 و 1600 زى ما قلنا قبل كده.

2-موضوع ان تكون موبيل مزوده العبوه طبعا انا مش متأكد منه و لكن مجرد محاولة تفسير للحاجة اللى انا مـتأكد منها بالتجربه و هى ان ال3 عبوات واحد لتر مع تغيير الفلتر بيبقوا هم بالضبط اللى محتاجاه العربيه و مش محتاجه نقطة زيت تانى أكتر من كده و بالتجربة على المقاس من ساعت ما جبت العربيه من أواخر 2005 إلى الآن.

انا مش بقول على مانيوال واوتوماتيك
بقول على المانيوال (الكاتالوج)اللي مكتوب فيه ان العربيه بتاخد 3.3