اعمل ايه فى دائرة تبريد التمبرا؟؟!!

انا عندى عربية تمبرا 93 1600cc كل مشاكلى فيها ارتفاع الحرارة بعد ال100 بمجرد اى مشوار صغير . اللى عملته الاتى:
1- غيرت كوعة الثرموستات بعد افتكاسات كتيره انتهت بأن احد المكانيكية شال القلب اللى فى الثرموستات فى عدم وجودى وده دايما اللى بيحصل اذا سبت العربية لاى ميكانيكى و موقفتش على ايده (لازم يقعد يفتكس) .
2- غيرت حساس الحرارة اللى فى الردياتير اكتر من سبع مرات كل مرة 40 جند غير المصنعية عشان المروحة ماكانتش بتدور بالرغم ان الحرارة بتعلى لدرجة الغليان فى خزان التعويض.
3- تم حل الردياتير وفكة و تنظيفة و تركيبه.
4-تم اضافة كاتاوت جديد معرفش فى اى دائرة عشان المروحة تدور!!
5-دلوقتى بعد اللعب فى دائرة كهرباء العربية المروحة بتشتغل مع الكونتاكت فقط.
6- سرعة المروحة التانية اللى مع التكييف اختفت.
7-غيرت جوان وش سلندر مع تفريز الوش وتركيب طاقم صبابات جديده مع الضبط.
8-بعد كل ده مفيش فايدة الحرارة مش عايزه ترجع زى الاول ( ماكانتش بتزيد عن 85 فى اقصى الظروف اول مااشتريت العربية).

يا ترى حد عنده تحليل او تفسير للسبب؟؟؟ ياريت

تنبيه للعضو بمخالفة القاعدة رقم 6 بند ب
ممنوع الكتابة بالفرانكو
الرجاء مراجعة قوانين المنتدى
مشرف الأوروبى 1

انتا عندك المية بتنقص ولا لا؟؟
عشان انا عندي نفس المشكلة وكمان المية بتنقص ودخت بيها ومحدش عارف العيب فين

المية بتنقص وهي ماشية بس...........!!

اقتباس:

---

المشاركة الأصلية كتبت بواسطة ahmedelsoufy

انا عندى عربية تمبرا 93 1600cc كل مشاكلى فيها ارتفاع الحرارة بعد ال100 بمجرد اى مشوار صغير . اللى عملته الاتى:
1- غيرت كوعة الثرموستات بعد افتكاسات كتيره انتهت بأن احد المكانيكية شال القلب اللى فى الثرموستات فى عدم وجودى وده دايما اللى بيحصل اذا سبت العربية لاى ميكانيكى و موقفتش على ايده (لازم يقعد يفتكس) .
2- غيرت حساس الحرارة اللى فى الردياتير اكتر من سبع مرات كل مرة 40 جند غير المصنعية عشان المروحة ماكانتش بتدور بالرغم ان الحرارة بتعلى لدرجة الغليان فى خزان التعويض.
3- تم حل الردياتير وفكة و تنظيفة و تركيبه.
4-تم اضافة كاتاوت جديد معرفش فى اى دائرة عشان المروحة تدور!!
5-دلوقتى بعد اللعب فى دائرة كهرباء العربية المروحة بتشتغل مع الكونتاكت فقط.
6- سرعة المروحة التانية اللى مع التكييف اختفت.
7-غيرت جوان وش سلندر مع تفريز الوش وتركيب طاقم صبابات جديده مع الضبط.
8-بعد كل ده مفيش فايدة الحرارة مش عايزه ترجع زى الاول ( ماكانتش بتزيد عن 85 فى اقصى الظروف اول مااشتريت العربية).

يا ترى حد عنده تحليل او تفسير للسبب؟؟؟ ياريت

---

بص يا باشا واضح ان الصنايعية لعبولك في العربية كتير الموضوع بسيط حضرتك هاترجع كل حاجه لأصلها يعني مش محتاجين لا كتاوت اضافية ولا اي حاجه من دي
لو المشكله كانت من الموتور انت غيرت الصبابات وظبط المشكلة دي يبقى احتمالية الموتور في السخونيه بعيده بس يكون اتعمل صح بعد كده عندك الثرموستات بتاعة الرادياتير انت غيرتها اكتر من مره اهم حاجه انك تجيب نوع نضيف
الحاجاه التانيه تتاكد ان الرادياتير سليم مش مخروم او فيه مواسير مسدوده ولو اكتشفت ان في مشكله لو داقت خالص غيره بواحد تاني هايعمله حوالي 350 جنيه
بالنسبه لسرعة المروحة التانيه اكيد الكهربائي عمل كوبري ولغي المقاومة بتاعة السرعة التانية ودي حركه دايما بيعملها الكهربائية فتي بعيد عنك المقاومه دي لو بايظه بتتباع جديده ب 50 جنيه
لازم تتأكد ان المروحة.سليمة ومش تقيله عشان لو المروحة تقيله ومش بتشتغل بكفاءة العربية مش هاتبرد
لازم تتأكد كمان من ان القربه مافيهاش اي خروم والخراطيم ما فيش فيها اي تسريب عشان اي تسريب في دورة التبريد بيسبب سخونة العربية
في علبة مجموعة فيوزات المروحة علبه سودا ورا الكشاف الشمال اتأكد ان مافيهاش فيشه سايحة عشان دي ممكن تخي المروحة تعلق او تفصل خالص
حاجه اخيره لازم تسحب الهوا من دورة التبريد لأن دورة تبريد التمبرا دوره مغلقه لو فيها هوا هايسخن العربية برده
ولو في أي استفسار تحت أمرك

متشكرين جدا على سرعة الاستجابه والاهتمام بالرد...
زلبانى باشا ..نوفا باشا
- انا معنديش تسريب فى دائرة المياه و مستوى المياه ثابت فى قربة التعويض سواء بتحرك او العربية واقفة .
- الردياتير اخر زيارة للميكانيكى حله وبعته لبتاع الردياتيرات سلكه وغسله تمام ورحعه كما لو كان جديد.
- شغل الكهربة الحقيقه مشفتوش بس لقيت فيه حاجه جديدة جنب الضفيره وعرفت من الميكانيكى ان ده كتاوت اضافى ! ليه؟ عشان يساعد الكتوتات اللى فى العلبة السوداء اللى حضرتلك بتتكلم عليها!!.
- با لنسبة للمروحة فهى سليمة تماما بحيث لما شغلها بوصلة خارجية كانت بتدى هواء شديد جدا يعنى مش عيب مروحة وبعدين مش تقيلة!!
- الفيش اللى فى العلبة السوداء يمين اعلى الفانوس سليمة!!
- موضوع سحب الهواء ده مش متأكد منه لكن متهيألى ان لو فيه هواء حيدور مع المياة فى دورة التبريد وحينزل فى قربة التعويض ولا ايه ؟؟

اقتباس:

---

المشاركة الأصلية كتبت بواسطة ahmedelsoufy

انا عندى عربية تمبرا 93 1600cc كل مشاكلى فيها ارتفاع الحرارة بعد ال100 بمجرد اى مشوار صغير . اللى عملته الاتى:
1- غيرت كوعة الثرموستات بعد افتكاسات كتيره انتهت بأن احد المكانيكية شال القلب اللى فى الثرموستات فى عدم وجودى وده دايما اللى بيحصل اذا سبت العربية لاى ميكانيكى و موقفتش على ايده (لازم يقعد يفتكس) .
2- غيرت حساس الحرارة اللى فى الردياتير اكتر من سبع مرات كل مرة 40 جند غير المصنعية عشان المروحة ماكانتش بتدور بالرغم ان الحرارة بتعلى لدرجة الغليان فى خزان التعويض.
3- تم حل الردياتير وفكة و تنظيفة و تركيبه.
4-تم اضافة كاتاوت جديد معرفش فى اى دائرة عشان المروحة تدور!!
5-دلوقتى بعد اللعب فى دائرة كهرباء العربية المروحة بتشتغل مع الكونتاكت فقط.
6- سرعة المروحة التانية اللى مع التكييف اختفت.
7-غيرت جوان وش سلندر مع تفريز الوش وتركيب طاقم صبابات جديده مع الضبط.
8-بعد كل ده مفيش فايدة الحرارة مش عايزه ترجع زى الاول ( ماكانتش بتزيد عن 85 فى اقصى الظروف اول مااشتريت العربية).

يا ترى حد عنده تحليل او تفسير للسبب؟؟؟ ياريت

---

نفس المشكلة الي واجهتني في التمبرا بتاعتي بالظبط
اول مااشتريتها كانت حرارتها زي الفل
وبعدين عملت طقم شمبر وبعديها قصة معاناه زي كلامك بالظبط
ولغاية دلوقتي ملقتش حل غير اني اجيب مروحة عفيه
وغيرت كل حاجه بس ناقص عندي
اني اجيب وش سلندر جديد
ياتري انت غيرت وش السلندر ومفيش فرق وجيبته بكام

علفكره في استاذ فاضل معانا في المنتدي
اسمه استاذ عبدالمسيح
كان قالي في احد الرسائل ان في حاجه اسمها ترس الزيت الطويل في التمبرا
قالي ممكن يكون مكسور وعامل مشكلة السخونه دي
فقلت اقولك ونساعد بعض
والمشكلة اننا داخلين علي الصيف

بص حضرتك
بعد لف ودوران لمده سنة كامله
احسن حاجة ترجع كل حلجة زي الفابريقة
يعني انا جبت مروحة اصلية استيراد ب 100 جنيه
لازم الثرموستات يكون الاصلي الازرق ابو 3 رجول
اتاكد ان طلمبة المياه سليمة
انا عملت كل حاجة وفي الاخر الحرارة كانت بتبقي 90 وفي الزحمة تبقي 95
المهم نضفت الرادياتير ماحصلش حاجة
الحل الاخير عملته من شهرين
غيرت الرادياتير بواحد جديد ب 300 جنيه
الموضوع فرق جدا
الحرارة الان لا تتعدي 70
مع الزحمة اقل من 90 بشرطة حتي مع التكييف

اقتباس:

---

المشاركة الأصلية كتبت بواسطة caysersosaih

بص حضرتك
بعد لف ودوران لمده سنة كامله
احسن حاجة ترجع كل حلجة زي الفابريقة
يعني انا جبت مروحة اصلية استيراد ب 100 جنيه
لازم الثرموستات يكون الاصلي الازرق ابو 3 رجول
اتاكد ان طلمبة المياه سليمة
انا عملت كل حاجة وفي الاخر الحرارة كانت بتبقي 90 وفي الزحمة تبقي 95
المهم نضفت الرادياتير ماحصلش حاجة
الحل الاخير عملته من شهرين
غيرت الرادياتير بواحد جديد ب 300 جنيه
الموضوع فرق جدا
الحرارة الان لا تتعدي 70
مع الزحمة اقل من 90 بشرطة حتي مع التكييف

---

أنا مع الكلام ده وأأيده

انا عارف واحد واجه مشكله زيك بالضبط بس في مرسيديس وعمل البدع ومفيش فايده لحد ما غير الراديتير وكله بقى تمام
الحل الوحيد هو راديتير جديد وترجع كل حاجه زي ما كانت

اعزائى / التمبراويين الافاضل ...

حجاوب على قد ما عرفت من خبرتى وكلام اللى اشتغلوا فى العربية.

- اولا وش السلندر مش جديد ده الاصلى بتاع الموتور كل الموضوع انو مع تغيير جوان وش السلندر والصبابات تم تفريز الوش لضمان استعداله وده وضع طبيعى طالما الصبابات اتغيرت.
- ثانيا انا حاولت اشغل التكيف دلوقتى بالرغم اننا فى الشتاء وعمرى ما بأشغله فى هذا الجو خاصة انى من اسكندرية لكن فوجئت ان التغيير اللى كان بيحصل فى صوت الموتور و كمان السحبة اللى كانت بتحصل فى دواسة الاكسلتير ما حصلتش وبعدين مفيش هواء بارد طالع اى ان التكييف مش شغال هل ياترى من لعب الكهربائية فى دائرة الكهرباء ولا الميكانيكيه ربنا هو العالم ؟ !!!!ويسامحهم.
- ثالثا بالنسبة لحساس الحرارة اللى فى الردياتير فده لونه ازرق و بتلاته شوكه و مكتوب عليه italy اى أنه ايطالى ولا ممكن يكون تقليد مش عارف.؟؟اذا كان اجيب الاصلى منيين؟؟
- رابعا من كل اللى اتقال اقدر افهم ان المشكلة محصوره فى الردياتير بس الميكانيكى اخر مره بعته عند بتاع الردياتيرات عمله ترويقه جامده الا اذا ... وانا دايما بخاف من الا اذا دى... المهم ازاى اعرف ان الردياتير مش تمام عشان اخد قرار التغيير!! وعلى فكره مفيش اى تسريب منه.
- عندى السؤال التالى هل العلبه السوده اللى خلف الفانوس الامامى يمين بيحصل فيها مشاكل لها علاقه بالموضوع ولا هى عشان سرعة المروحه الثانية فقط عند تشغيل التكييف ؟وايه نوع المشاكل؟ وبنتتصلح ولا تشترى جديد على طول؟
- انا من اسكندريه وياريت حد يدلنى على واحد امين و صادق فى كلامه و عمله سواء تصليح او قطع غيار.

السادة الافاضل التمبراويه..

ايه مفيش رسبونس ولا رد ولا لما طلعت اسكندرانى ماحدش عنده خبرة ببتوع اسكندرية ؟؟ وظروف ورشهم ومحلاتهم ؟

أحنا فعلا أغلبنا من القاهرة ولو محتاج أي حاجه في القاهرة ممكن نفيدك لكن إسكندرية بصراحة مش عارف
بالنسبه للعلبه السودا مجموعة المروحة دي المسئوله عن تشغيل المروحه وتشغيلها مع التكييف كمان والعلبه دي موجوده جديده ب 400 جنيه واستيراد ب 100 جنيه لو طلعت بايظه عندك
المقاومة اللي بتركب في المروحة من فوق هي اللي مسئوله عن السرعتين والسرعه البطيئة بتشتغل مع تشغيل التكييف جرب شغل التكييف لو المروحة اشتغلت يبقى كده دايرة الكهربا مظبوطه لو ما اشتغلتش يبقى شوف صنايعي او كهربائي كويس يرجعلك كل حاجهع على ابوها وربنا يوفقك

زلبانى باشا

متشكرين جدا على الرد و النصيحة... وليا ربنا مع بتوع اسكندرية....

كنت عايز استفسر هو الترموستات التلاتة شوكة بيبقى واصل بايه؟ اصل انا عندي الترموستات العادي ابو شوكتين و ده واصل طرف بالمروحة و التاني بالبطارية. فكنت عايز اركب الترموستات الاصلي بتاعها ومش عارف بيتوصل ازاي. و شكرا

العضو التمبراوى العزيز
Brave6666

بالنسبة لحساس الحرارة ذو الارجل الثلاثة او الشوكات الثلاثة والمثبت على جسم الردياتير اعتقد انه لا يمكن تركيبه فى مكان حساس ذو شوكتين فقط لان الفيشة (السوكت) الموجودة فى ضفيرة العربية ستكون بمدخلين فقط اى ان تركيب حساس بشوكتين أو بثلاثة يحدد من خلال الفيشة الموجودة فى ضفيرة السيارة وهى طبعا مسالة توصيفية حسب تصميم كل سيارة ودائرة الكهرباء فيها.

اقتباس:

---

المشاركة الأصلية كتبت بواسطة ahmedelsoufy

العضو التمبراوى العزيز
brave6666

بالنسبة لحساس الحرارة ذو الارجل الثلاثة او الشوكات الثلاثة والمثبت على جسم الردياتير اعتقد انه لا يمكن تركيبه فى مكان حساس ذو شوكتين فقط لان الفيشة (السوكت) الموجودة فى ضفيرة العربية ستكون بمدخلين فقط اى ان تركيب حساس بشوكتين أو بثلاثة يحدد من خلال الفيشة الموجودة فى ضفيرة السيارة وهى طبعا مسالة توصيفية حسب تصميم كل سيارة ودائرة الكهرباء فيها.

---

شكرا على سرعة الرد.
انا متفق معاك في كلامك و لكن هل معنى كده ان التمبرا نزل منها موديلات بترموستات شوكتين و مودلات بتلاتة؟
حاليا عندي مشكلة في الترموستات انه بيشتغل متأخر (عند درجة حرارة 98) و يفصل بدري(عند 90). غيرت كذا نوع و برضه مش لاقي نوع يفصل على اقل من 90 و أحيانا اللي باشتريه بيطلع بايظ من اولها!! هو النوع اللي راكب عندي دلوقتي نوع أسباني بس برضه مش عاجبني. لما روحت سألت على الترموستات الأصلي لقيت التلاتة شوكة ده. عشان كده كنت باسأل على طريقة التوصيل عشان ارجع الوضع لاصله. و شكرا

ياريت حضرتك تروح زياره لبتاع الردياتير بنفسك
ينظفه ويسلكه ويحط مياه خضراء

عزيزى / ابو هاشم
لك تحياتى...
انا فعلا كنت ناوى افك الردياتير ووديه بنفسى لبتاع الردياتيرات. بس همى انو يقوللى سيبه وعدى بعد ساعتين ولا حاجه من الكلام المعتاد ده. بس الحقيقة اللى عاوز أعرفه اذا حد عارف امته احكم على ردياتير انو مش نافع ولازم يتغير عشان أخدها من قصيره واشرى واحد. ولو قررت واشتريت هل لازم يكون جديد او ممكن استعمال؟ ولا مع الاستعمال حارجع للدائرة الجهنميه تانى بتاع الغسيل واحتمال انو مسدود تانى ما الى ذلك!!
انا عاوز اسمع رأى حضرتك أو رأى اى عضو عزيز آخر واكون شاكر مسبقا للتواصل

العضو العزيز /
Brave6666

متواصلا معك اخبرك ان هذا الجزء من دائرة التحكم فى تشغيل المروحة عانيت منه شديد المعاناة بسبب عدم المصداقية فى جودة قطع الغيار كما ذكرت فى اصل مشكلتى حيث قمت بتغييره سبع مرات فى سيارتى!! وهذا بسبب عدم الصلاحية.
بالنسبة لامكانية تركيب ذو الثلاث شوكات فى سيارتك فلن يصلح لان الفيشة الموجودة عندك لازم تكون ثلاثة طرف اى لها ثلاثة اسلاك فى الضفيرة وهذه الاسلاك بالتالى ستنتهى الى كارتة التحكم التى هى بدورها قد تكون غير مجهزة لهذه الاسلاك الثلاثة وهكذا... وهذا ما اراه من وجهة نظرى وقد يكون هناك من هو أعلم منى فيعدل هذه الوجهة.
كما أود أن أضيف ان الحساس ذو الثلاث شوكات به شوكة منهم مشتركة والشوكتين الاخريين كل واحدة منهما لها مدى حرارى تقوم فيه بتوصل التيار لتشغيل المروحة طبقا للحرارة فى داخل الردياتير.هذان المديان الحراريان غالبا ما يكتبا على الجزء المعدنى منه.
والتوفيق من الله.

لما كانت العربية بتسخن مني لقيت اللي راكب في العربية ثرموستات شوكتين وطلع ان الراجل اللي قبل مني غير الفيشة الثرثية بقيشة ثنائيه عاديه
رحت عزبة شلبي وجبت فيشة ثلاثية اصلية ب 15 جنيه وركبت الثرموستات الاصلي والموضوع اتظبط

أحباؤنا فى المنتدى......
بعد التحية...
ياترى الاقى حد عنده فكرة عن الردياتير الخاص ب التمبرا 1.6s و الردياتير الخاص ب التمبرا 1.4 هل يوجد بينهما فرق؟ وما نوع هذا الفرق ؟ هل فى الشكل او فى الحجم او فى ....؟؟
عشان حشترى ردياتير جديد لعربيتى التمبرا 1.6s وخايف لاشترى حاجة مش مناسبة للعربية وارجع تانى لدوامة السخونية اللى بأحاول احلها بشراء هذا الردياتير الجديد.
تفكيرى الشخصى يرجح وجود فرق نتيجة اختلاف ال سى سى واللى يستتبعها وجود حرارة اقل او اكبر من الموتور وبالتالى محتاج تبريد أقل أو اكتر!!
وشكرا لاهتمامكم جميعا.

الاخوة الافاضل التمبراويه
السلام عليكم......
يارب المانع يكون خير..ان ملقتش حد رد على رسالتى الاخيرة فى موضوع مواصفات الردياتير هل لان محدش عنده رد؟؟ ولا محدش اطلع على هذه الرسالة؟؟ عموما ارجو الرد لانى سألت على الردياتيرات عندنا فى اسكندريه ملقتش غير استعمال واقل سعر لحد دلوقتى 500 جند يعنى مش شويه عشان كده عاوز رد قبل ما أشترى اكرمكم الله.

ابعت لجاليليو او الدكتور ضياء ممكن يكون عندهم خبرة بالقصه دي

اقتباس:

---

المشاركة الأصلية كتبت بواسطة ahmedelsoufy

الاخوة الافاضل التمبراويه
السلام عليكم......
يارب المانع يكون خير..ان ملقتش حد رد على رسالتى الاخيرة فى موضوع مواصفات الردياتير هل لان محدش عنده رد؟؟ ولا محدش اطلع على هذه الرسالة؟؟ عموما ارجو الرد لانى سألت على الردياتيرات عندنا فى اسكندريه ملقتش غير استعمال واقل سعر لحد دلوقتى 500 جند يعنى مش شويه عشان كده عاوز رد قبل ما أشترى اكرمكم الله.

---

فى شكلين من رادياتير التمبرا - سربنتينة بس و قربة مستقلة و التانى القربة منه فيه

ابو قربة منه فيه عادة بينزل فى ال 1400 عشان نسبة كبيرة منها ما كانتش مكيفة

ال 1600 ابو قربة مستقلة بتاع المكيف فى منه مقاسين , واحد اطول 2-3 سم
انا مركب لوالدى الصغير مكان الكبير و مش فارق اى حاجة حتى مع تشغيل التكييف
و بالمناسبة كان برازيلى تحفة - نسخة طبق الاصل من الاصلى باستثناء المقاس - و سعرة 530ج من الكيلانى

و للاخ صاحب الموضوع , 500 فى رادياتير استيراد , الله اعلم حالته ايه , يبقى نصب

انا موافق علي كلامك طبعا يا جاليليو باشا
انا شاري رادياتير جديد زي بتاع التمبرا تمام قربة مستقلة ورادياتير مغلق بقاله معايا 3 شهور اشتريته ب 300 جنيه من الاميرية والفرق واضح جدا
انا عايز اقول ان في حاجات ما ينفعش تتجاب استيراد ومنها طبعا الرادياتير لازم يكون جديد

والله انا كان عندي نفس المشكلة بس الكلام دا من زمان جدا هحاول افتكر وافيدك بأذن الله

جاليليو باشا...
بعد التحية...
أشكر لكم ردكم الكريم وفادكم الله كما افدتمونى فى موضوع الردياتير للتمبرا 1600 أس وطالما عند حضرتك خبرة بهذا الخصوص فعندى سؤال لو سمحت .. فى عندنا فى الاسكندرية محطة خدمه بتعمل غسيل لدائرة تبرد العربية وهى زى ما هى يعنى كل حاجة راكبه فى مكانها بما فيها الردياتير طبعا و بيتم ضخ مياه ذات ضغط من مصدر خارجى لنقطة فى دائرة تبريد العربية و بتخرج من النقطة المقابلة لنفس النقطة اللى اتفتحت عندها الدائرة. وانا شاهدت بعينى شكل المياه اللى بتخرج من الدائرة فى عملية الغسيل دى الحقيقة منظر لا يمكن تصديقة..فهل عندك خبرة عن ذلك ؟ وهل هو مناسب للتمبرا ؟؟ولا ممكن ياثر على الردياتير ويسده اكتر؟على اساس انو لو مكانش يضر الواحد يعمله على الاقل يوفر ثمن الردياتير والمصنعية..
فى انتظار ردك ولك شكرى

اما بالنسبة للعضو Idsaklf

انا لى عظيم الشرف ان تسترجع ماحدث فى مشكلتك قديما وأن تفيدنى به لكن بشرط الايكون ردك متاخرا لان الصيف داخل وكل سنة وحضرتك وكل التمبراويين بألف خير..

والله يا باشا بحاول افتكر لاني عملت كذا حاجة لحد ما الموضوع اتحل حتي والدي مش فاكر (لانها كانت عربيته)

انا كمان ياجماعه عندى نفس المشكله بس المشكله بقى ان اللى انا اشتريت منه العربيه هوا خبير الخبراء فى التمبرا وانا عندى العربيه تمبرا ديجيتال موديل 1991 كامله مانيوال بس بدات المعاناه بانى لاقيت بقى ان الحراره بتهيس جامد بمعنى ان درجة الحرارة توصل ل90 -80 زى الترموستات بالظبط وشويه تثبت على التسعين ومتتغيرش الا لما الطريق يفتح وامشى فطريق طوالى ترجع تانى 80-90 لما اجى اشغل التكييف تبقى 100 -90 بعد كده بدات الحراره تهيس 90-100-110-130 وترجع تانى مع العلم ان المروحه شغاله والعربيه مش سخنه سالت قالولى عايزه سعت حراره بتاعت وش سلندر
هل الكلام ده صح ولا غلط ؟؟؟؟؟؟؟؟؟؟؟؟؟؟؟؟؟؟؟؟؟؟
وعاجز عن الشكر

اقتباس:

---

المشاركة الأصلية كتبت بواسطة mahmoud mustfa

انا كمان ياجماعه عندى نفس المشكله بس المشكله بقى ان اللى انا اشتريت منه العربيه هوا خبير الخبراء فى التمبرا وانا عندى العربيه تمبرا ديجيتال موديل 1991 كامله مانيوال بس بدات المعاناه بانى لاقيت بقى ان الحراره بتهيس جامد بمعنى ان درجة الحرارة توصل ل90 -80 زى الترموستات بالظبط وشويه تثبت على التسعين ومتتغيرش الا لما الطريق يفتح وامشى فطريق طوالى ترجع تانى 80-90 لما اجى اشغل التكييف تبقى 100 -90 بعد كده بدات الحراره تهيس 90-100-110-130 وترجع تانى مع العلم ان المروحه شغاله والعربيه مش سخنه سالت قالولى عايزه سعت حراره بتاعت وش سلندر
هل الكلام ده صح ولا غلط ؟؟؟؟؟؟؟؟؟؟؟؟؟؟؟؟؟؟؟؟؟؟
وعاجز عن الشكر

---

فعلا احتمال كبير جدا تكون االسويتش اللى فى بلوك الموتور واتاكد قبل ماتغيرة ان الفيشة بتاعتة موصلة كويس ولو لقيتها تمتم يبقى المشكلة فعلا فى الساعة لانها بتعتمد فى شغلها على تغير المقاومة مع الحرارة بس اتاكد من الفيشة الأول