و وصلت الشنطة مع الانذار هتلاقى نور الصالون هينور لما تفتح الشنطة والعكس لان الانذار ما فيهوش inputs منفصلة (صالون وشنطة و كبوت)
عرض للطباعة
و وصلت الشنطة مع الانذار هتلاقى نور الصالون هينور لما تفتح الشنطة والعكس لان الانذار ما فيهوش inputs منفصلة (صالون وشنطة و كبوت)
كمان فيه عربيات فيها دائرة نور الصالون لباب السواق مستقله عن دائرة الأبواي الثلاثه الأخرى لأنك لما بتفتح باب السواق فيه لمبه بتنور فوق الكونتاكت علشان تشوف تحط المفتاح وفى الحاله دى الكهربائى لازم يخليهم دائره واحده لنفس السبب (عدم وجود inputs زياده)
تسلم ايديكم علي الرد
ومستني ردكم علي
دلوقتي انا طفيت العربية ونزلت وقفلت الباب بعد 10 ثواني تقريبا العربية بتعمل صوت تنبية لوحدها 3 مرات مع الاشارة
هو المفروض وقتها انها تقفل لواحدها ؟
اولا موضوع الصوت ده انها بتكون شغلت الانذار بس السنتر لا مش بيقفل
الانذار بيشتغل لوحده كنوع من انواع التأمين بعد ما تشيل المفتاح من الكونتاكت بس السنتر لا علشان العربيه ماتقفلش و انت سايب المفتاح جواها على الكرسى مثلا
ثانيا علشان تأمن الشنطه فده بيتعمل عن طريق توصيله سلك صغيره من نور الشنطه الى زرار الباب الخلفى بس فعلا لما تتفتح الشنطه الصالون هينور و لمبه الشنطه هتنور فى التابلوه (بس لمبه التابلوه دى مش موجوده اصلا عند حضرتك)
ثالثا بخصوص فتح الشنطه بالريموت فا ممكن بشرط ان مفتاح الشنطه اصلا يكون كهربائى مش سلك يعنى مش هينفع فى عربيه حضرتك علشان هى شداد سلك
جامدة قوى الفكرة ديةاقتباس:
ثانيا علشان تأمن الشنطه فده بيتعمل عن طريق توصيله سلك صغيره من نور الشنطه الى زرار الباب الخلفى بس فعلا لما تتفتح الشنطه الصالون هينور و لمبه الشنطه هتنور فى التابلوه
اقتباس:
ثانيا علشان تأمن الشنطه فده بيتعمل عن طريق توصيله سلك صغيره من نور الشنطه الى زرار الباب الخلفى بس فعلا لما تتفتح الشنطه الصالون هينور و لمبه الشنطه هتنور فى التابلوه
انا عملت الحكاية دي بس لقيت كل ما الشنطة تتفتح بينورلي في التابلوة ان الباب والشنة مفتوحين فبقيت اتلخبط ولغيت الشنة خالص:(!
انا فاكر إن كان في مناقشة قديمة في المنتدى هنا عن جهاز الإنذار وتقريبا انتهت على إن الإنذار أهميتة بس تخويف الحرامي وليس تأمين العربية..وعشان كده أغلب المناقشين قالوا ان احسن تأمين هوالجهاز (الكلابش) إللي بيربط الديركسيون بالدبرياش أو يربط الفتيس الاتوماتيك بفرامل اليد...وهكذا
لأن ببساطة الحرامي ممكن يسرق العربية عن طريق عمل قفلة..والحرامية عارفين إن كتاوت منع تدوير العربية مابتركبش..فا مافيش اسهل من كده
الظريف إن في ناس معاها الكلابش ده بتحطه بس من غير ما يسجروه بالمفتاح..ليه بقى؟؟؟ لأنهم مش ضامنين المفتاح يضيع أو يعلق :-) وكمان الحرامي لما يبص يلاقي الكلابش ما بيفكرش في العربية دي من اصله :-))))) مش باقول لكوا...الناس أدمغة....ولكن ما خاب من استشار
يا نادر باشا من غير لخبطة ولا حاجة ، كل الحكاية إن الكهربائي ممكن يحط سلكونات (diodes يعني ) على الخطين بتوع الشنطة و بتاع نور الصالون ، و دول ببيتحطو على ال input بتاع جهاز الإنذار و دة بيخلي الجهاز يشتغل من الاتنين بس من غير ما الاتنين يأثروا على بعد (يعني الصالون مش هينور مع نور الشنطة والعكس ).
مشي كدة يا باشا ؟
انا اللي اتلخبط مش الكهربائي لانة مش فاهم حاجة اساساً!!
انا كنت بقولة طبقاً للدوائر الموجودة بالكتالوج على قد فهمي في الكهربة:)
علشان اعمل كدة لازم اكون عارف الدائرة الكهربائية بتاعة الشنطة لانها لوحدها، وانا مش عارفها.