خبر خطيييييير جدا وعايز رأيكم ضوروري

دلوقتي انا قريت خبر بيقول إن سيتم وقف ترخيص السيارات الجديدة لمدة لا تقل عن خمس سنوات وانا حاليا مسافر برة لمدة أربع شهور فقط وكنت هانزل أشتري عربية m11 -أو أي نوع تاني- المهم أنا طبعا مش هاقدر انتظر خمس سنوات بدون سيارة وطبعا ده لو حصل المستعمل كسر الزيرو هيكون سعرة أضعاف مضاعفة وهاتكون مبالغ فيها وانا اصلا مابحبش المستعمل
رأيكوا أيه أشتري دلوقتي وارخصها بالتوكيل اللي مع الوالد وتتركن لمدة أربع شهور بس انا خايف من الركنة ولا انتظر الاربع شهور دول ومافيش حاجة هاتحصل في الفترة دي لو حد عنده رأي أو معلومة أو نصائح لرفع السيارة لهذه المدة يا ريت يقول
ضروري يا جماعة لأني بجد في حيرة كبييييييييييييييرة قووووووووووووووي

ولا يهمك .... لو حصل صحيح انا ممكن ابيعلك الm بتاعتي.... نقاوة الشهيرة بكيداهم و هاديهالك ب 250000 بس.... فقط ربع مليون .... شوفت انا بحبك ازاي؟؟؟؟؟ :)

استخير و شوف اللي هايرسي معاك ... بس مفيش قلق من ركنة 4 شهور .. و تقلق ليه اذا كان ضمانها 3 سنين ...؟؟؟

اخلصها منك ب 180 الف؟

مفيش الكلام ده .. ده محافظ سابق بيطرح مجرد فكرة .. لكن مفيش قرار نافذ في الموضوع ده

اقتباس:

---

المشاركة الأصلية كتبت بواسطة hemaa_82

ولا يهمك .... لو حصل صحيح انا ممكن ابيعلك الm بتاعتي.... نقاوة الشهيرة بكيداهم و هاديهالك ب 250000 بس.... فقط ربع مليون .... شوفت انا بحبك ازاي؟؟؟؟؟ :)

استخير و شوف اللي هايرسي معاك ... بس مفيش قلق من ركنة 4 شهور .. و تقلق ليه اذا كان ضمانها 3 سنين ...؟؟؟

---

ماشي يا عم هيما
وجاي على نفسك كدة ليه

اقتباس:

---

المشاركة الأصلية كتبت بواسطة mmffor

اخلصها منك ب 180 الف؟

---

احنا هانقطع على بعض ولا أيه

اقتباس:

---

المشاركة الأصلية كتبت بواسطة ghost2

مفيش الكلام ده .. ده محافظ سابق بيطرح مجرد فكرة .. لكن مفيش قرار نافذ في الموضوع ده

---

يا رب يسمع منك ربنا

ازاي تراخيص الملاكي يتوقف ؟
انا سمعت الحوار ده علي الاجره
و مفيش حاجه حصلت

اقتباس:

---

المشاركة الأصلية كتبت بواسطة romeo_6887

ازاي تراخيص الملاكي يتوقف ؟
انا سمعت الحوار ده علي الاجره
و مفيش حاجه حصلت

---

لا يفندم بالنسبة للأجرة كان فعلا متوقف ترخيص السيارات الجديدة وكان مفتوح فقط لحالات الإحلال لفترة وبعد كدة وقفوا كمان الإحلال علشان كدة العربيات الأجرة غليت جدا ومع المشروع رجع تاني فتح الاحلال والناس دلوقتي بتبيع اللوحات الأجرة ب35 ألف و40 ألف كمان في القاهرة وسمعت أرقام أكبر من كدة في المحافظات (اللوحات فقط)

ده كلام فاضي .... وحجر على حقوق المواطن في الملكيه الشخصيه .... وحتى لو حصل ماتقلقوش .... كله بالفلوس بيتحل .

دى تأليفة من محافظ القاهرة زى موضوع إغلاق نفق الأزهر عدد ساعات أطول ! كأن الدنيا ناقصة زحمة وكنا بندفع فيه مليارات عشان نقفله ومانستفيدش بيه ! ، ماعتقدش إنه هيقدر يعمل وقف للتراخيص عشان صناعة السيارات فيها مصالح كتيرة وحيتان كبيرة وجمارك وضرائب داخلة خزينة الدولة ، الفلوس هى اللى هتتكلم فى الآخر ، خصوصاً إنه بيتكلم عن القاهرة يعنى آلاف السيارات قيمتها بالملايين كل سنة

ممكن مصدر الخبر .. لأنه غريب قوي .. وأعتقد أنه اشاعة .. بس اللي مخليني شبه مصدق أن ترخيص سيارات الأجرة موقوف .

لا طبعا مفيش الكلام ده
وبعدين لما يوقفوا الترخيص المصانع تعمل ايه
يجيبوا ضرفها

مصدر الخبر \اقتراح من المحافظ السابق
شحاتة على كونتاكت

ده مصدر الخبر
ContactCars | اقتراح بوقف تراخيص السيارات الجديدة لخفض الزحام

بالنسبة للاجرة ممكن لكن الملاكي مينفعش

عمره ما يحصل طبعا

ده لما حصلت الازمه والسوق وقف طالبوا مصانع السيارات بدعم من الحكومه والحكومه قدمت فعلا دعم بمشروع التاكسى والاحلال

تجى تقولى يلغوا الترخيص خالص هقولك ده غبور ومنصور يطلعوا الملفات القديمه ويفضحوا الحكومه

ده غير الضرايب والحاجات الحلوه اللى بتجى للحكومه

الحل هو العكس لو وقف ترخيص اى سيارة عمرها اكثر من 20 سنه بالاضافه توقيف اى سيارة متهالكه اى كان نوعها او موديلها وسحب الرخص والنمر ويعطى فرصه لانهاء تواجد اى مركبات قديمه او خربانه وعددها بالملايين فى الشوارع

ده خبر مش صحيح جملتا وتفصيلا

وبعدين الزحمه ليست مشكله سيارات فقط وانما هى مشكله نتيجه تراكم ونتائج سوء تخطيط بصراحه اوصلنا لهذا والاسوء قادم , يعنى الكثافه السكانيه بالمتر المربع وسوء توزيع السكان فى مصر وتركيزهم داخل المدن والعاصمه وهجرة الفلاحيين الى المدن ( من المسؤل عنها هل السيارات؟؟؟ . منع الزيادة الرآسيه ( عمارات 11 و10 ادوار ) وجعلها فقط من خمسه الى ست ادوار فقط لتخفيف الضغط السكانى فى المنطقه الواحدة ومايترتب عليه من تقليل السيارات والحركه والخدمات وهكذا والسماح للتوسع الافقى العمرانى فى مناطق الصحراء ولايسمح داخل القرى وتبوير الالاف الافدنه التى تقدم الغذاء ل 80 مليون واكثر