هل ممكن سوست المساعد يكون ليها عمر افتراضى؟
يعنى ممكن بعد فترة معينة المرونة بتاعتها تزيد او تقل؟
عرض للطباعة
هل ممكن سوست المساعد يكون ليها عمر افتراضى؟
يعنى ممكن بعد فترة معينة المرونة بتاعتها تزيد او تقل؟
بالطبع شريف باشا خصوصا اذا كانت حمولاتك تقيلة و مشيك في طرق وعرة و بيتم الكشف عليها مع الكشف علي المساعدين لان في احوال كتيرة قوي بتبقي محتاج تغيير المساعدين في حين ان السوست حالتها كويسة لكن هي مالهاش عمر افتراضي مثلا المفروض تغيرها فيه في جدول الصيانة انما ده بيعتمد علي اسلوب استعمالك للعربية
محمد فهمي
بتقيس ارتفاع السيارة وهي واقفة علي سطح مستوي .ولو لقيتة قل عن الي مكتوب في كتالوج السيارة يبقى تغير السوست
http://www3.0zz0.com/2008/01/01/14/16579792.jpg
يعنى المشكلة هتكون هوا انخفاض فى مقاس السوستة مش فى مستوى مرونة المعدن
اصل لما جيت سئلت كذا عفشجى عن كفائة السوست و المساعدين و انا بربط العفشة
اتحفونى بكم من الافتائات غير عادية
محدش بيعطل خالص :)
الى يقول السوست خفيفة و الى يقول لا السوست كويسة و الى يقول المسعدين خفيفة جدا (على الرغم انها Kyb من عدة شهور فقط) و الى يؤل المسعدين محجرة و السوست ناشفة (على الرغم انة مجربش العربية اصلا و انا محسيتش بكدة خالص )
والى يقول دا كلة زى الفل
هيا كانت محاولة للبحث عن عفشجى بيفهم بجد :)
بص يا شريف... اى صنايعى حديلة ايحاء بان عندك مشكلة حيقولك عندك مصيبة و لو مش فاضى او مش طالباك دلوقتى حيقلك الدنيا زى الفل
السوست بطبيعتها بتقصر و تقل مرونتها بالاستخدام و تقدر تحس بدة لو قست ارتفاع الرفرف عن منتصف صرة العجلة... انا عربية والدى ال99 اوطى من عربيتى ال2001 بس الوطو دة مدى العربية ثبات احسن و هى فيها مساعدين KYB فا ما شاء الله زى الفل
عموما متفتحش على نفسك فتحة دلوقتى و طالما العربية ثباتها كويس سيب السوست زى ما هى
MMamdouh
مع الستعمال المتكرر سبيكة المعدن بيحصلها اجهاد وتوطى العربيه
غير السوست لما العربيه توطى لمستوى يدايقك. يعنى لو الكاوتش الامامى يحك فى الرفرف فى الملفات او لو العربيه وطيت من ورا لدرجة انها بتحك فى مطبات واطيه
لو انت وصلت للمرحله دى و العفشجى اقترح عليك انك تركب كاوتش علايات بلاش تسمع كلامه لانك هتقلل مشوار السوسته وهتلاقى العربيه ناشفه و محجره فى المطبات فى الحاله دى يكون التغير مطلوب
وعلى فكره يقال ان المساعدين المونرو احسن مساعدين فى العالم و انا جربتهم فى عربيات تانيه قعدو شغالين 3 سنين بكفائة عاليه و برضو بتفرق حسب الاستخدام يعنى لو بتاكل مطبات كتير ممكن يبوظو خلال اسابيع وممكن مطب واحد يخلى المساعد يضرب زيت