الموضوع: يا جماعة موضوع الماف والسخونة

المشاركة الأصلية كتبت بواسطة hostook

[justify][justify][justify]السلام عليكم
موضوع الماف ده شاغلني شوية انا شوفت عضو فاضل بيكلم عن الماف الي في الموتو وانه بيخنق العربية بس انا برده مش فاهم سمحوني لو انا دايس على البنزين ولقيت الاربي ام بينزل ويطلع واللمبة بتاعة الموتور منور مع اني دايس على نفس المستوى وكل لما ازود الدوسة يعلى ويوطى مش ثابت يعني من الاخر كده العربية مخنوقة طيب العيب ده يا ترى من الحساسات بتاعة ولا من الايدل كنترول كله عاوز يتغير ولا من الماف الي طلعلي جديد ده وكنت اول لمره اسمع عنه ولا من حساس t b s ولا من اه انا مش فاهم يا ريت تدلوني وتفهموني ده اولاً.

ثانيا موضع الحرارة ده الي اكلم عنه احد الاعضاء الافاض العربية عندي بتسخن طيب هل لو شلت الكوع ده الي بيقفل ويفتح انا شايف انه هيبقى احسن لان الميه هتقلب على طول دول عملنها علشان المانيا ودرجة البروده العالية الي هناك لكن احنا هنا جونا غير , ارجو الافادة من الاعضاء الجمدين قوي الي في المنتدي الجميل ده وشكراً للجميع .

السلام عليكم ...
-لو الار بي ام بيطلع وينزل والعربيه واقفه يبقي بلف الايديال كونترول ..فكه ونظفه ,لو العربيه ظبطت خير ولو لا قدر الله زي ماهي يبقي لازم يتغير ...
-انما لو نفس العرض اللي فات + مدافع هوا من الشكمان يبقي حساس التي بي اس وده بيتغير فقط
وممكن تقيسه بالافو ميتر علشان تتاكد .
-الترموستات مهمه جدا والموضوع مش موضوع فرق الجو بين مصر والمانيا او حتي اوروبا ,هي المانيا عامله عربيات ليها بس ومش عامله حساب التصدير لافريقيا او اسيا ؟طبعا لا ... في موضوع اسمه ترموستات الكوع مر عليه هتعرف اهميه الترموستات وربنا يوفقك ..

المشاركة الأصلية كتبت بواسطة hostook

فعلا انا اخر مرة كنت في التوكيل كشف بالكمبيوتر وقالي حساس التبي اس منخفض الجهاز كتب t b s low وفعلا بتضرب مدافع والكهرباء مش مظبوطة والكاسيت بيقطع ده كله منه ولا ده عيب تاني وشكرا يا باشا على الافادة .

طالما الاربي ام بيخرف وفي مدافع هوا من الشكمان يبقي تحليلنا مظبوط .والدليل انم حضرتك بتقول ان الاربي ام بيخرف اكتر كل ماتدوس بنزين اعلي , تمام لان التي بي اس وظيفته انه بيحس بمقدار الدوسه علشان يتحكم في كميه البنزين اللي داخله للسلندر اللي اللي عليه الدور في الحريق .

الماف بقى وظيفته ايه فى موضوع العربية ده
الماف او الماب او اى كان اسمه
مسئول مسئولية تامة عن احتساب كمية الهوا اللى داخلة للموتور لحساب الحريق الأمثل
المشكلة ان اعراضه كتيره و فيها حاجات مشتركه
بمعنى ان حرق البنزين و الدخنة السودا ماف او حساس كولنت
تنتيشة و تقطع فى المشى ماف او رشاشات او حساس كولنت و احتمال التى بى اس
العربية بتعلى و توطى سلانسية و من غير اللمبة ما تنور يبقى ماف او ايدل كنترول
رجة فى العربية و العربية واطية يبقى ماف او رشاشات ضعيفه او ايدل كنترول مهيس
العربية بتعلى و توطى و اللمبة بتنور يبقى ماف او تى بى اس
الأعراض المشتركة مصيبة فى اى عربية بس استناداً بمبدأ فى المنطق يسمى موسى اوكام ان ابسط الحلول و ابسطها قد يكون الحل المنطقى بمعنى شوف الأسهل و جرب مطلعش فالأصعب فالأصعب
و الله الموفق لما فيه خير الجميع