عندى طقطقه فى الدراكسيون فى الملفات...اعمل ايه لو سمحتم
عرض للطباعة
عندى طقطقه فى الدراكسيون فى الملفات...اعمل ايه لو سمحتم
دى ممكن يكون سببها صليبة الدركسيون أو بلى تحميل محور الدركسيون
والمفروض عرض الحاله فى أسرع وقت على متخصص
لأن عملية التوجيه حساسه جدا مثلها مثل الفرامل
وقانا الله وأياك الزرجنه الطارئه لمحور الدركسيون
وبكده الأسراع على وجه الفور بالعلاج مطلوب معاك حاليا
حتى ياريت متسوقش العربيه الا أما تعالج المشكله دى
أهم شىء تكون متأكد أن الطقطقه مش من الكبالن
علشان منظلمش الدركسيون ومحور تشغيله
بيتهيألي الشك فى الكبالن اقوي لازم تكشف عليهم الاول
الطقه دى اثناء لف الدركسيون ؟ ولا لمل العربيه بتتحرك و الدركسيون ملفوف ؟
يعنى جرب و العربيه واقفه ... لو الطقطقه موجوده ممكن تكون البطاحات عاوزه تتشحم او تتغير ...
لو مفيش صوت و العربيه واقفه .... جرب تمشى و لاحظ الصوت و انت بتلف يمين و شمال ... لو الطقطقه اثناء الحركه غالبا كبالن ...
اعتقد والله اعلم ان المشكلة كبالن
وديها عند عفشجي كويس وطمنا
كتر خيركم يا رجاله على النصيحة...انا كنت فاكرها بسيطة و مطنش
لكن اروح التوكيل بقى انا كنت مستنى ميعاد الصيانة الدورية ...لكن ما بديهاش
اعتقد انت تروح عند عفشجى كويس وتربط العفشة كويس ويبص لك على البطاحات ويفحصها جيدا
مع تحياتى:satelite:
الحمد لله رحت التوكيل و عملوا كل حاجة ولما سألتهم على الطقطقه دى كانت ايه قالو و لا حاجة ما كانشى فيه حاجة