مشكلة الرجرجة بين الغيارات فى الاوبترا المانيوال
المشكلة دى كتير اكيد عارفنها بتحصل بين الاول و التانى و بين التانى و التالت و سعات تحصل بيت التالت و الرابع لكن مش بتحصل بين الرابع و الخامس
و المشكلة زى مهو واضح بتحصل عند سرعات موتور واطية و لما بتكون بتدوس على البنزين بالاراحة
المشكلة دي سببها و جود بوش فى دواسة البنزين و دا علاجه سهل جداً هتفك غطاء الموتو هتلاقى سلك البدالة واضح امامك - شبه سالك فرامل الموتوسكل و اخره راكب فى بكرة سوده و هى بكرة منظم الهواء - السلك بيكون متثبت بكلبس ابيض شد الكلبس و طلعه و رجع السلك شوية للشمال مع الملاحظة وجود بوش بسيط عشان يسمح لبكرة منظم الهواء انها ترجع لوضعها الاصلى بعد متشيل رجلك من على دواسة البنزين
كمان لازم تنظف طرف السلك من عند الموتو و من داخل السيارة و ياريت تديه حتة شحم و كمان نظف السوستة الراكبة على الدواسة وشحمها هى و الاكس المثبتها
و بكده هتكون حركة الدواسة تحت رجلك اكثر نعومة و هيبطل الموتور يترجرج اول متدوس عليها بين الغيرات
المشكله دى هايفة بس بتخلى بعض الناس تتخنق من العربية
البوش الفى الدواسة دا بيبان لما تشغل التكيف هتلاقى الدولسة زى متكون اتسحبت من تحت رجلك
انا عملت الموضوع دا فى عربيتى و الحمد لله الرجة بين الغيارات اختفت و يا ريت البيشتكى من الحكاية دى يجرب الوصفة و يقلنا النتيجة
