http://x20x.com/upfiles/Wam07230.jpg
عرض للطباعة
بالتوفيق فى البيع
بالتوفيق فى البيع بس صدقنى السعر عالى جدا لموديل 85 لان بالمنطق كدا اللى معاه 30 الف او اقل قليلاً هيجيب حاجة موديل تسعينات وانواع جيدة فعلا زى سيات ابيزا وتمبرا واسكودا وغيرها واكيد التويوتا ممتازة بس نزول اسعار العربيات اللى انا ذكرتها خفّض سعر الكورلا اللى موديلات تمانينات مهما كانت حالتهم ودى نصيحة لوجه الله ولكن فى واحد صاحبى عاوز تويوتا 84 او 85 زى بتاعتك ومعاه 24 الف لو يناسبك ابعت الرد
حضرتك انا عارف ان العربيات نزلت وهى جابت اكتر من السعر الى حضرتك قولت علية وبالنسبة للسعر انا بشوف عربيات ريجاتا نضيفة ومكيفة ومطلوب فيها 25 و26 وطبعا العربية بتاعتى افضل من الريجاتا بكتيير
هى فعلا الريجاتا عربية ممتازة وزى مانت بتقول النضيفة والمكيفة بيطلبوا فيها 25 و26 ولكن هل يتم بيعها بنفس التمن ؟ طبعاَ لا - يتم بيعها ب 22 او 23 و21 وكمان الناس دلوقتى عارفة سعر العربيات عشان كدا لما تلاقى واحد عارض ريجاتا ب 26 وكمان قابلة للتفاوض يظل مدة طويلة بدون بيع لها وتابع اعلانات النت وانت تشوف وطبعاَ لاحظ الفرق بين اسعار قطع غيار الريجاتا والكورلا وزى مانا قلتلك اللى معاه حتى 26 الف يفضّل يجيب حاجة تسعينات على الاقل الحكومة مش هتّرخم عليه لو حبوا يعملوا احلال بعد كده للقديم زى التمانينات وكمان حاجة مهمة جداَ لما اشترى كورلا 85 حتى ب 26 الف بعد كده لما احب اغير هبيعها بكام ؟واكيد طبعا هكون صرفت عليها حتى لو رفاهيات فبالتالى هخسر وكل واحد قبل ما يشترى اكيد بيفكر فى كده علشان ميخسرش-معلش انا طولّت عليك وفى الاول وفى الاخر دى سيارتك وممكن اقول لصاحبى يحاول يتصرف ويزود 500 جنيه كمان طبعاّ لو انت موافق وطبعا بعد المعاينة
اولا بسبب موضوع الاحلال مافيش نص صريح من الحكومة علية وحتى لو هيطبق هيكون اختيارى وموديلات تحت التمانينات
وعلى فكرة فى عربيات كتيير موديلات التمانينات ناس بتفضلها على التسعينات الناس بتبص لقوة العربية وتقفيلها وتوافر قطع غيارها وعلى فكرة السعر الى انت بتقول علية دة مايجبشى موديلات تسعينات غير اكسيل وسويفت وهما عربيات ضعيفة واسال اى ميكانيكى وقلة ايهما افضل
على فكرة الاحلال لازم يشمل موديلات التمانينات يعنى حتى موديل 80 او 85 ودا شئ معروف وتابع على النت المقالات الكتير اللى اكتبت فى الموضوع دا وهو فعلا اختيارى ولكن ستوجد عوائق تخترعها الدولة عند تجديد رخصة العربية القديمة لتجبرهم على الاحلال- وطبعاَ دا كلام مش اجتهادى وخلاص .....ثانياَ المبلغ 27 او 26 يجيب عربيات مش ضعيفة زى مانت قلت دا يجيب ابيزا ودى طبعا ملهاش حل ويجيب تمبرا وفورد فيستا وموديل تسعينات يعنى عربيات جامدة بس يظهر انت مش متابع الاسعار ودا مش محتاج نسأل ميكانيكى لان التجارب افضل بكثير
حضرتك انا متا بع الاسعار كويس جدا وعارف انا بقول اية ودة باين من مشاركاتى فى المنتدى