عرض للطباعة
السلام عليكم
يا جماعه انا عندي مشكله عاوز حلها ضروري انا معايا 128 موديل 1984 المشكله
ان الكلاكس مش شغال من الدريكسون و من الزرار اللي في الجنب فقلت الكلاكس اتحرق
بعد كده صحيت تاني يوم لاقيت البواب بيقولي العربيه قعدت تزمر لمده ساعه و صحت
العماره كلها (ما عدا انا اللي مصحتش) :C_laugh[1]: بس اجي ادوس كلاكس متزمرش انا
اجننت من العربيه ديه خصوصا ان ده مش اول حوار تعمله معايا
عاوز الرد ضرووووووووري انا شاكك في كتاوت الكلاكس:U_thin1[1]: بس خايف انا اللي اغيرها
و مش فاضي اروح لكهربائي
قبل كدة حصلت بس مش معايا أنا كنت قاعد على كافيه فى الشارع و ضهرى لعربيه برضة 128 و مرة واحدة لقيت العربيه أديت كلاكس مستمر كدة طبعا أنا كنت قاعد على الطرابيزة من الخضه بس فى الأخر صاحبها بعد حوالى عشر دقايق رجعلها كدة و ضغط على الكلاكس راحت مبطلة مش عارف بقى ممكن يكون دا تعليق ولا أية معين ولا كتاوت زى مابتقول بس بإذن الله تطلع حاجة بسيطة لكنى معنديش خبرة فى الموضوع والله
فك الغطاء احتمال تلاقي الموصل النحاس مهزوز
شكرا لردك بس هو اصلا مابيشتغلش من الزرار الاساسي اللي في جنب
الكتااااوت بيكون معلق
شكرا ليك اخي magyver بس هو انا اقدر اغير الكتاوت بنفسي و لا
ممكن ابوز حاجة تانيه ؟ لأن الصراحه مبحبش اروح للصنايعيه
على فكره انا اكتشفت ان الاشارات كمان مش شغاله يا ريت الحل
حكاية الاشارات اما من الفيوز او من الفلاشر و دة بيكون العلبة اللي تحت عند الدواسات
اما الكلاكس فالاحتمال الاكبر انة كتاوت و سهل جدا تغيرة بس لازم تعرف كل طرف راكب فين في القديم و تركبة بنفس ترتيب الارقام في الجديد
طب معلش هتعبك معايا هو ايه الفلاشر ده ؟ وو مكانه فين ؟ ا
اصل انا كشفت على الفيوزات بسلك كهربا ووسلط كل طرف
+ و - في كل فيوز مع بعض و برده الاشارات مشتغلتش
انا صورت حاج بتهيألي ان هي الفلاشر اللي بتقول عليه
http://i40.tinypic.com/bgpy5w.jpg
و ديه كتاوت الكلاكس و لا ايه ؟
http://i44.tinypic.com/dmz60z.jpg
اه كمان حاجة لو حصل ووصلت سلك في الفلاشر او الكتاوت غلط هل
يأثر على البطاريه (اصلها لسه جديده و خايف عليها )
بصراحة انا عندي الفلاشر شكل تاني و متهيالي انة فية كذا نوع منة
اما الصورة التانية فهو فعلا كتاوت بس هل انت متاكد انة بتاع الكلاكس
لو وصلاتة واصلة للكلاكس كل اللي هتعملة انك تشتري كتاوت جديد و تقلب القديم حتلاقي كل ريشة من ريشة مكتوب تحتها رقم و هتلاقي نفس الارقام في الكتاوت الجديد توصل كل طرف مكانة بالضبط و ان شاء الله الموضوع يتم بدون مشاكل
بالنسبة للفلاشر جرب تاكد علي وصلاتة كويس
و ان شاء الله كل شئ يبقي تمااااام
شكرا على ردك الجميل و انا اتأكدت ان ديه كتاوت الكلاكس
بس بتهيألي ان مافيش حاجة تانيه تحت علبه الدريكسون بالنسبه
للفلاشر و ياريت سعر الكتاوت تبقى كام و الفلاشر يبقى بكام ؟
الفلاشر بيكون من 15 جنية و طالع
اما الكتاوت من 5 جنية و طالع برضة
حسب الصناعه و الجودة و سيادتك ممكن تشوف و تقارن
بس جرب التاكيد علي وصلات الفلاشر و لمبات الاشارات ممكن تكون محروقة
شكرا لردك و هجرب و اقولك على النتيجه
و هي دية جديدة ؟
إنها 128 يا ولدي
اشهر عربية في الحكاية دية ...... يا ما صحينا عليها زمان، بس لأن العربية بدأت في الإنقراض بدأنا نعرف ننام
الحمد لله حليت مشكله الكلاكس بتغيير الكتاوت و ان شاء الله
احل مشكله الاشارات بس المشكله الجديده ان النور الواطي
مش شغال فاحنمال تكون كتاوت النور شكرا لكل اللي ساعدني
و ان شاء الله احل المشكلتين دول و افتح محل والدي ورشه
كهربا هههههههههههه
الف مبروك و عقبال الاشارات
الله يبارك فيك و انا اتكدت من وصلات الفلاشر و الاشارات
ماشتغلتش بس لمبات الاشارات شغاله مع الانتظار فانا كمان
ساعه هنزل اجيب فلاشر جديد و اجرب و اقولك
و معلش تعبتكوا معايا بس انتوا بجد اجسن منتدى عربيات
مصري
ربنا معاك إن شاء الله و تحل المشكلة التانيه دىاقتباس:
المشاركة الأصلية كتبت بواسطة khaled_bibo
و دى شهادة كلنا نفخر بيها بصراحه منك و فعلا أنا بحس أن الموقع يستاهل فعلا لقب أسرة منتدى نايل موتورز
و أهلا للمرة التانيه بيك وسط أسرة نايل موتورز:satelite:
بس طالما الانتظار شغال يبقي الفلاش شغااال
ممكن يكون العيب في الذراع
طب و ايه الحل بالنسبه للدراع؟
سبحان الله انا كنت نزلت عشان اجيب واحد جديد بس لاقيت بتاع قطع
الغيار قافل :d
على فكره الحاجات ديه حصلت كلها بعد المطره الرهيبه اللي
نزلت بانتظار الرد بالنسبه للدراع
90% المشكله عندك فى البسكوته زى الصنايعيه بيقولو
اما الاسلاك الموصله للبسكوته ودى سهله بس حتفك الطاره وتنضف الريش وتشوف الاسلاك
والموضوع ان شاء الله بسيط جدا اى كهربائى يعمله ب 10 او 20 جنيه بالكتييييير اوى
انا حصلت معايا وانا واقف عند الكهربائى مره وظبطها وانا واقف
شكرا لردك الجميل و هاحاول اعملها انا او اوديها لكهربائي