قطع غيار سوبارو غاليه؟!! طيب شوف المقارنه دي

زي ما وعدتكم.. الموضوع ده فيه مقارنه بين اسعار قطع غيار سوبارو الاصليه في التوكيل و قطع غيار المنافسين ليها من نفس الفئه الاصليه في التوكيل.
http://dl102.herosh.com/163a6b9bac0e...comparison.jpg
http://www.herosh.com/download/24182...rison.jpg.html

http://www.herosh.com/download/24182...rison.jpg.html
http://www.nilemotors.net/Nile/%3Ca%...27/%3E%3C/a%3Ehttp://img638.imageshack.us/img638/7...comparison.pdf
يا ترى كده قطع غيار سوبارو غاليه؟

يا ريت اللي عنده اي عربيه من العربيات اللي في المقارنه و عنده ملاحظه على الاسعار يقول.

http://dl102.herosh.com/163a6b9bac0e...comparison.jpg

هو ليه الصوره مش بتبان ؟ ما ترفعها علي Image shake ولا حاجه ؟

اقتباس:

---

المشاركة الأصلية كتبت بواسطة ahmed hassan

زي ما وعدتكم.. الموضوع ده فيه مقارنه بين اسعار قطع غيار سوبارو الاصليه في التوكيل و قطع غيار المنافسين ليها من نفس الفئه الاصليه في التوكيل.
http://dl102.herosh.com/163a6b9bac0e...comparison.jpg
http://www.herosh.com/download/24182...rison.jpg.html

http://www.herosh.com/download/24182...rison.jpg.html
http://www.nilemotors.net/nile/%3ca%...27/%3e%3c/a%3ehttp://img638.imageshack.us/img638/7...comparison.pdf
يا ترى كده قطع غيار سوبارو غاليه؟

يا ريت اللي عنده اي عربيه من العربيات اللي في المقارنه و عنده ملاحظه على الاسعار يقول.

---

سيبك انت
المهم انت عملت و جمعت المعلومات و الأسعار اللى جبتها ديه ازاى؟؟
انت نجم!

تانى حاجة
ديه لانسر شارك و لا بومة؟؟

تالت حاجة
لو الأسعار ديه صح تبقى السوبارو هايلة طبعاً
ديه نصف أسعار ال Mazda 3 يا راجل

يا ريت لو حد يقدر يأكد ان الأسعار ديه صح (حتى لو فيها نسبة خطأ مش مشكلة)

اقتباس:

---

المشاركة الأصلية كتبت بواسطة rafeee2

تانى حاجة
ديه لانسر شارك و لا بومة؟؟

تالت حاجة
لو الأسعار ديه صح تبقى السوبارو هايلة طبعاً
ديه نصف أسعار ال Mazda 3 يا راجل

يا ريت لو حد يقدر يأكد ان الأسعار ديه صح (حتى لو فيها نسبة خطأ مش مشكلة)

---

مهو علشان موضوع تأكيد الاسعار ده انا طلبت من الاعضاء اللي يعرف سعر حاجه يأكدلناز بس فعلا لو الاسعار صح يبقى السوبارو قطع غيارها ارخص من بقية المنافسين.

اقتباس:

---

هو ليه الصوره مش بتبان ؟ ما ترفعها علي Image shake ولا حاجه ؟

---

انا لاعبتها كل الالعاب... بتظهر و بعدين تختفي تاني :majd(4):

http://img35.imageshack.us/img35/566...comparison.jpg

Thanks Rafeek

العفو يا باشا
ما تنقل الموضوع المنتدى العام علشان الناس تشارك؟

صح في الياباني العام

رجاء من المشرف نقل الموضوع للياباني العام

اية الموضوع الروعة دا ... !!

طب معلش بقى ... لية كل ما حد يتكلم يقولك السوبارو مولعة نار... ؟؟
مهو كله زي بعضه في رأيي .. لو اتكلمنا عن القطع الإستهلاكية

اقتباس:

---

المشاركة الأصلية كتبت بواسطة m.osman

اية الموضوع الروعة دا ... !!

طب معلش بقى ... لية كل ما حد يتكلم يقولك السوبارو مولعة نار... ؟؟
مهو كله زي بعضه في رأيي .. لو اتكلمنا عن القطع الإستهلاكية

---

مهو ده اللي بنقوله... ده حته بحسب المقارنه دي القطع الاستهلاكيه سعرها ٧٠٪ من متوسط الماركات التانيه اللي في المقارنه... يعني ٢٥٪ ارخص!!

مجهود رائع بجد يا احمد
وياريت الناس تجمع اسعار باقي السيارات علشان المقارنة تبقى لكل السيارات في نفس الفئة في السوق المصري كله

اقتباس:

---

المشاركة الأصلية كتبت بواسطة ahmed hassan

مهو ده اللي بنقوله... ده حته بحسب المقارنه دي القطع الاستهلاكيه سعرها ٧٠٪ من متوسط الماركات التانيه اللي في المقارنه... يعني ٢٥٪ ارخص!!

---

بالظبط

اعتقد هنا بقى دور الوكيل
لازم دعاية اكتر للعربية
مش كل الناس في مصر عارفة السوبارو
و اللي عارفها فاكر انها عربية مصاريفها غالية ... انا بالنسبة لي اللي لفت نظري بعض الحاجات اللي تعتبر ممكن متتغيرش طول عمر العربية (زي الإزاز و الفوانيس) غير كدا ..عادي.. كل العربيات الحديثة مش رخيصة اصلاً ...

المفروض الوكيل ينزل قائمة بالأسعار دي في الجرايد!!

اقتباس:

---

المشاركة الأصلية كتبت بواسطة أبو عبدالله

مجهود رائع بجد يا احمد
وياريت الناس تجمع اسعار باقي السيارات علشان المقارنة تبقى لكل السيارات في نفس الفئة في السوق المصري كله

---

بصراحه مش انا اللي مجمع الداتا بس لما شوفتها استأذنت و جبتهالكم.

أنا مش مصدق الاسعار فعلا , طيب ليه مش بتبيع كتير زي سيفك أو المازدا؟؟؟

اقتباس:

---

المشاركة الأصلية كتبت بواسطة slim_shika

أنا مش مصدق الاسعار فعلا , طيب ليه مش بتبيع كتير زي سيفك أو المازدا؟؟؟

---

علشان معظم الناس مش بتحاول تعرف و الاسهل بالنسبه ليها انها تخاف و تبعد و تشتري حاجه منتشره.

طيب يا احمد ماتعرفش تجيبلنا اسعار موديلاتنا ؟؟ او بلاش هل الاسعار الموجوده دي زي اسعار القديمه ؟

هتلاقي الاسعار لعربياتنا ارخص ما عدا فلتر البنزين مثلا.

شكرا جزيلا يا بشمهندس احمد

هو كلامك بالنسبه لاسعار التوكيل كلام جميل ومظبوط لكن الناس برضو مش بتحسبها كده ... بتقول هل حاجاتها موجوده بره التوكيل ولا لا ؟؟؟

يعني مثلا لانسر بومه حاجاتها في التوكيل غاليه زي اي عربيه ياباني وفيه حاجات اغلى من السوبارو لكن عندك بدائل كتير في السوق سواء اصلي او تقليد

اقتباس:

---

المشاركة الأصلية كتبت بواسطة dr_smart

شكرا جزيلا يا بشمهندس احمد

هو كلامك بالنسبه لاسعار التوكيل كلام جميل ومظبوط لكن الناس برضو مش بتحسبها كده ... بتقول هل حاجاتها موجوده بره التوكيل ولا لا ؟؟؟

يعني مثلا لانسر بومه حاجاتها في التوكيل غاليه زي اي عربيه ياباني وفيه حاجات اغلى من السوبارو لكن عندك بدائل كتير في السوق سواء اصلي او تقليد

---

مهو علشان كده انا قارنت توكيل بتوكيل.

بس اعتقد السوبارو بدات تنتشر في مصر بشكل ملحوظ و شويه كده بس و هاتبقي حاجتها موجوده عادي ..

يا مسهل. بس لو يجيبوا حاجة wrx يبقى عدينا

فعلا الاسعار كويسه جدا للموديل بتاعنا برده ... جبت امبارح سير دينامو ب 110 بالظبط بس بقي المصنعيه هي اللي كتير اوي 32 و مع الضرييبه قفلت 160 جنيه بالظبط ...

هو سير الدينامو ده بالمناسبه فايدته ايه ؟؟ انا اللي حسيته جامد التاكيف بقي جامد جدا ... هو ليه علاقه بالبطاريه ؟

اقتباس:

---

المشاركة الأصلية كتبت بواسطة kazzaz

فعلا الاسعار كويسه جدا للموديل بتاعنا برده ... جبت امبارح سير دينامو ب 110 بالظبط بس بقي المصنعيه هي اللي كتير اوي 32 و مع الضرييبه قفلت 160 جنيه بالظبط ...

هو سير الدينامو ده بالمناسبه فايدته ايه ؟؟ انا اللي حسيته جامد التاكيف بقي جامد جدا ... هو ليه علاقه بالبطاريه ؟

---

الدينامو هوه اللي بيشحن البطاريه. السير القديم بيبقى مرخي فشحن الدينامو بيكون اضعف.

دي اكيد مازدا 3 الشكل الجديد.....دي مش اسعار ال 2009 خااااااالص
تيل ب1000 جينيه:H_angry[1]:..عشان كده مفيش منها في الشارع

اقتباس:

---

المشاركة الأصلية كتبت بواسطة makavelimorsy

دي اكيد مازدا 3 الشكل الجديد.....دي مش اسعار ال 2009 خااااااالص
تيل ب1000 جينيه:h_angry[1]:..عشان كده مفيش منها في الشارع

---

مكتوب في الجدول ان الاسعار لمازدا ٢٠١٠

مجهوووووووووود رائع
ما شاء الله
هي المشكلة فعلا ان قطع غيارها مش موجودة برة التوكيل

بس فيه نقطة للامانة اصلا اسعار قطع غيار العربيات اللي انت جايبها كلها استهبال من الوكلاء
ده لو قارناها بعربيات الماني احسن منهم كلهم زي الكمبرسور c180 مثلا ارخص منهم وبتعمر اكتر منهم
الصراحة انا فوجئت لما سئلت مهندس في التوكيل هناك

اقتباس:

---

المشاركة الأصلية كتبت بواسطة vet mitcho

مجهوووووووووود رائع
ما شاء الله
هي المشكلة فعلا ان قطع غيارها مش موجودة برة التوكيل

بس فيه نقطة للامانة اصلا اسعار قطع غيار العربيات اللي انت جايبها كلها استهبال من الوكلاء
ده لو قارناها بعربيات الماني احسن منهم كلهم زي الكمبرسور c180 مثلا ارخص منهم وبتعمر اكتر منهم
الصراحة انا فوجئت لما سئلت مهندس في التوكيل هناك

---

احنا مش مختلفين ان التوكيلات عموما بتستهبل. بس مينفعش نخص سوبارو بالتحديد ان قطع غيارها غاليه مع ان دي مش حقيقه و ممكن كمان يكون العكس صحيح.

هو ينفع اجيب قطع الغيار من التوكيل و اركبها انا بمعرفتي ؟

اقتباس:

---

المشاركة الأصلية كتبت بواسطة kazzaz

هو ينفع اجيب قطع الغيار من التوكيل و اركبها انا بمعرفتي ؟

---

ينفع طبعا
اصلا فيه محل في روكسي تبع ابو غالي بيبيع قطع غيار بس (اصلية طبعا)

طيب ممكن عنوانه لانه كده اقرب لي ...

شارع ابراهيم - جنب سينما هليوبليس علي طول -الكوربة
هتلاقي مكتوب عليه ابو غالي