الموضوع: لو هتجوز تعمل فرح ولا لا

المشاركة الأصلية كتبت بواسطة rockana9112007

على فكرة نوع الافراح دى بدأ ينتشر فى مصر بس طبعااا بيتعمل فى الشتا عشان الناس متتشويش فى الشمس وتخيل ان تكلفتة فى الاوتيلات بتكون اكبر من اللى بيتعمل فى قاعة مغلقة
والفرح بتكون مدتة طويلة فعلااا اكتر من الفرح التقليدى بس اعتقد ان الناس بتنبسط اكتر لانها بتقعد مع بعض اكتر

عندك حق
:)

فعلا ياجماعة انا زهقت من الروتين بتاع الأفراح أفراح عاملة زى المصالح الحكومية زفة وبعدين دخول القاعة ورقص وتنطيط وبعدين تقطيع التورتة وبعدين البوفيه وبعدين رقص وتنطيط تانى وبعدين الدى جى يشغل أغنية شوقنا أكتر شوقنا بتاعت عمرو دياب ويقول للمعازيم مع السلامة كل الافراح اللى بروحها نفس الروتين بالظبط عشان كده انا عايز ان شاء الله أعمل حاجة مختلفة بعيد عن الروتين ده والأغانى الشعبية اللى بكرهها وبكره الرقص والحمدلله ان الواحد مالوش فى الرقص أصلا .

المشاركة الأصلية كتبت بواسطة BASKOTA

اهم حاجة فى الجواز الفرح
ممكن التنازل عن اى حاجة الا الفستان الابيض والفرح
اى حاجة تانية ممكن تجيبها بعد كده
لكن الفرح هتعمله تانى ازاى حتى لو بقيت مليونير بعد كده؟؟؟؟؟؟؟؟؟

اكيد طبعا دا راى كل البنات انا بهزر طبعا
بس الصراحة الى ناوى اعمله اعمل فرح على الضيق واخد المدام بعديها واقعد اسبوعين عسل فى تركيا ونتفسح وادلع نفسي بس لازم هى تكون مقطنعة بالموضوع ده عشان هى حاجة من التنين يافرح كبير ياتركيا وكمان الافراح دلوقتى بدخل فى متهات صيف ولاشتاء فستان مفتوح ولا مقفول حجاب ولا من غير هنرقص ولا مش هنرقص والمشكلة الكلام والمشاكل بتيجى من المعازيم وكله بيعيب فى الاخر ابقى اوجع دماغى ليه مع ناس مش هيعجبها حاجة وجاية تاكل وتمشى ابقى ادلع نفسي بره احسن ولا ايه رايكم؟؟