ياجماعة
ايه رايكم لو هتجوز تعمل فرح وتكلفه كتير وتدفع قد كده فى ليلة واحدة ولا توفر احسن
خصوصا لو انت شاب فى بداية حياتك
عرض للطباعة
ياجماعة
ايه رايكم لو هتجوز تعمل فرح وتكلفه كتير وتدفع قد كده فى ليلة واحدة ولا توفر احسن
خصوصا لو انت شاب فى بداية حياتك
قبل اى حاجة دى اتفاقات وحسب ظروف كل واحد
وبعدين القرار مش ليك لوحدك بردو خلى بالك من النقطة دى
اهم حاجة فى الجواز الفرح
ممكن التنازل عن اى حاجة الا الفستان الابيض والفرح
اى حاجة تانية ممكن تجيبها بعد كده
لكن الفرح هتعمله تانى ازاى حتى لو بقيت مليونير بعد كده؟؟؟؟؟؟؟؟؟
انت ممكن تستغنى عن الفرح فى الخطوبه والشبكه
ويبقى فرح واحد فى الدخله
الكلام مظبوط جدااا ان فعلا الموضوع ده مش خيارك لوحدك
ثانيا الكل دلوقتى مش بيعملوا خطوبة والفرح بيكون النص بالنص ده لو مش تكاليف كل حاجه تكون النص بالنص حسب الاتفاق
وانا من راى الفرح مش حيتعوض وديه ليله العمر واى حد بيحلم بيها :)
وربنا يكملك على خير ان شاء الله
لا انا رائ بدل الفرح وافيد مليون مرة هو ان الواحد با فلوس الفرح يعمل عمرة و الثواب هيبقى احسن بكتيرر
بصراحة انا برضة بفكر اسافر تركيا بدل فلوس الفرح
لان بصراحة محدش عمل فرح والناس شكرت فية لازم الناس تقعد تنتقد
والفرح الكويس فعلااا تكاليفة مش اقل من 40 الف جنية لانى كنت شغال زمان فى اوتيل وفعلااا الفرح السكة اللى اقل من كدة كانو بيسموة فرح ام منة (محدش يقولى مين منة دى )
وليا قرايب افراحهم اتكلفت الافات ودة بسبب المغالاة والاسعار الوهمية للاوتيلات والنوادى والدور بتاعت الشرطة والقوات المسلحة
لازم الفرح لو معملتوش هاتندم
الفرح فى المستقبل هيكون احلى زكريات حياتك و يا سلام بقى لما تقعد كده انت و المدام إن شاء الله وتتفرجوا على شريط الفرح قصدى سى دى الفرح :shine[1]:
انا في فرح أختي عملنا فرع على الديق في العدد على سفينه النهر الخالد فمكلفش كتير ولي حوشوه من الفرح سافروا بيه فرنسا إسبوعين
هعمل فرح اسلامي ومش هغضب ربنا في اليوم ده
ان شاء الله
عشان ربنا يباركلنا في اليلة بتاعتنا ان شاء الله
راى مش مهم بالنسبه ليا على الاقل
المشكله انك بتعزم ناس وفى الاخر مهما لو كانت عامل ايه برضوا هيتكلموا عليك ويقولك شوفت الاكل كان عامل ازاى شوفت العروسه فستنها كان ازاى شوف شوف
والاخر دفعت فلوس واتريق عليك
انا راى اخد الفلوس واسفر شهر واعيش وانبسط انا
لاااااازم تعمل فرح ....علشان اعملك الكوشه و ديكور الفرح
المشكلة انه لازم يتعمل علشان الكلمتين الى ملهومش لازمة الى هتسمعهم من اهلك و اهلها
-انت هتتجوز كام مرة
-احنا عاوزين نفرح ببنتنا
-الفرح ده علشان الاشهار وسط الناس
-لازم نشوفكم بفستان وبدلة الفرح
بس انا عن نفسى شايف انه ملوش اى لازمة و بفلوسه اسافر برة احسن
وبعدين فى الفرح هتلاقى الناس قاعدين طول الفرح يبصو على العروسة و انا بصراحة مبحبش البص علشان اليوم ده بيكون ساعة ضيقة و مش عاوزين اى قر
ممكن يبقى على الديق (باخرة- مطعم كويس) وده برده هيبقى فيه ذكريات حلوه وجميلة وتصوير وكل حاجة...
ليه بقى أعمل فرح وأدفع فيه كل إلي معايا وأستلف والكلام ده علشان 3 ساعات الناس تتفرج فيه علينا وإحنا بنهز وسطنا أدام الناس... يعني مجرد وجهة نظر:rfds:
على العموم مش عاوز أقاطع
بيتهيالي الموضوع مختلف من المدن والريف
يعني انا مثلا بما اني كنت عايش في الريف لما اتجوزت بنعمل الفرح كذا يوم ونور متعلق وناس تيجي تسهر كل ليله ويوم الفرح ندبح العجل ونعمل الوليمه والناس كلها تاكل وتتبسط والعصر يكون الموضوع كله خلص ومفيش غير ان العريس يجيب عروسته وهنا بقي يعتبر الفرح خلص علي الأقل بالنسبه ليا لاني مش بحب الحاجات اللي بعد كده كلها
انا مجرد ان رجت جبت مراتي واهلي زفوني زفه حلوه ودخلت علي طووووووول
باختصار مش لازم مصاريف كتير وزيطه وزمبليطه عشان يبقي في ذكريات حلوه
بس انا كان في قاعده ماشي عليها انا ومراتي اننا مش هنعمل حاجه تغضب ربنا
وخلو بالكو ان التكلفه الكتيره دي تعتبر تبذير
يعني 40000 مبلغ يشتري عربيه ياجماعه حرام اضيعه في ساعتين حتي لو كانت ليلة العمر
طيب فيه حاجة تانية
الا ملوش فى الرقص والتنطيط يعمل ايه
هيحس انه دمه تقيل والناس هتقول عليه عريس رخم ودمه تقيل
تعمل ايه لو انت كده
موضوع الفرح بيكون فيه إعتبارات كثيرة و منغيرة وفقا لظروف الطرفين، و تختلف من مكان لآخر و من وقت لآخر.
على سبيل المثال لا الحصر: بالنسبة للعريس الذي يسكن القاهرة و أهله من إحدى المحافظات بيكون عايز يعزمهم على فرحه و طبعا عيب قوي إن أهله يسافروا عشان يباركوا له و لا يقوم معهم بالواجب.
و في هذه الحالة كثيرا ما يكون الفرح - بصرف النظر عن شكله - هو الحل الأفضل من حيث المكان و الوقت و تقديم واجب الضيافة و ما إلى ذلك
انا نفسى لو ربنا شاء واتجوزت انى اعمل فرح زى الافراح اللى بتتعمل بره
الفرح بيبقى فى النهار وفى فيلا كده((اكيد ايجار)),,ووموسيقى هاديه ورقص وجو لذيذ
مش موسيقى شعبى وهاتك يا دوشه وخبط وتنطيط على الفاضى
:)
على فكرة نوع الافراح دى بدأ ينتشر فى مصر بس طبعااا بيتعمل فى الشتا عشان الناس متتشويش فى الشمس وتخيل ان تكلفتة فى الاوتيلات بتكون اكبر من اللى بيتعمل فى قاعة مغلقة
والفرح بتكون مدتة طويلة فعلااا اكتر من الفرح التقليدى بس اعتقد ان الناس بتنبسط اكتر لانها بتقعد مع بعض اكتر
فعلا ياجماعة انا زهقت من الروتين بتاع الأفراح أفراح عاملة زى المصالح الحكومية زفة وبعدين دخول القاعة ورقص وتنطيط وبعدين تقطيع التورتة وبعدين البوفيه وبعدين رقص وتنطيط تانى وبعدين الدى جى يشغل أغنية شوقنا أكتر شوقنا بتاعت عمرو دياب ويقول للمعازيم مع السلامة كل الافراح اللى بروحها نفس الروتين بالظبط عشان كده انا عايز ان شاء الله أعمل حاجة مختلفة بعيد عن الروتين ده والأغانى الشعبية اللى بكرهها وبكره الرقص والحمدلله ان الواحد مالوش فى الرقص أصلا .
اكيد طبعا دا راى كل البنات :makeup: انا بهزر طبعا
بس الصراحة الى ناوى اعمله اعمل فرح على الضيق واخد المدام بعديها واقعد اسبوعين عسل فى تركيا ونتفسح وادلع نفسي بس لازم هى تكون مقطنعة بالموضوع ده عشان هى حاجة من التنين يافرح كبير ياتركيا وكمان الافراح دلوقتى بدخل فى متهات صيف ولاشتاء فستان مفتوح ولا مقفول حجاب ولا من غير هنرقص ولا مش هنرقص والمشكلة الكلام والمشاكل بتيجى من المعازيم وكله بيعيب فى الاخر ابقى اوجع دماغى ليه مع ناس مش هيعجبها حاجة وجاية تاكل وتمشى ابقى ادلع نفسي بره احسن ولا ايه رايكم؟؟ :shine[1]:
انا لما اتجوزت من ست سنين كنت انا وزوجى مش عايزين نعمل فرح والفلوس نسافر بيها فى اى حته
لكن تحت ضغط الاهل من النحيتين عملنا الفرح وسافرنا برده والحمدلله:ma(36):
انا الحمد لله لسه بدرى على الموضوع ده
بس انا من خلال كل الأفراح اللى دخلتها بداية من أرخصهم لأغلاهم ( أعتقد فوق 20 الف جنيه)
أقدر أقول إن كله زى بعضه
و زى ما شريف قال بقوا عاملين زى الروتين
اما بالنسبة للأحاديث الجانبية و التريقة على كل حاجة
فدى حاجة اساسية فى اى تجمع ... يعنى مش حاجة غريبة
انا والله مش بتريق ولا أقصد حاجة وحشة
بس إيه إحساس العريس و العروسة بعد الجواز بكام شهر لما يفكروا فى ال25 الف جنيه (متوسط الأسعار) اللى إتصرفوا فى 3 ساعات؟؟
في السنة النبوية الشريفة الفرح عبارة عن وليمة وهذا مأخوذ من حديث رسول الله صلى الله عليه وسلم لعبد الرحمن بن عوف عندما تزوج "أولم ولو بشاة"
وإذا طبقنا السنة فإن الفرح بمقاييس هذا العصر من الفترض فيه أن يكون عبارة عن وليمة يجتمع عليها الأهل والأقارب والأصدقاء ومعها الموسيقى أو الألحان الهادئة دون فعل ما يغضب الله من رقص على الملأ أو غيره
ومن الممكن تأجير ذات القاعات الفخمة التي تؤجر للأفراح المعتادة وإحاطتها بكل الأجواء الزاهية واللامعة التي من الممكن أن تضفي سحرا خاصا بالمناسبة الخاصة ... ولكن دون تنظيم فقرات الدي جي العنيفة والتي تصحبها الفقرات الراقصة سواء من المغنيين أو الراقصات المحترفات أو حتى أهل الفرح أنفسهم
وبالمناسبة أيضا .. فإن الزفة التي يتم عملها في الطرقات بواسطة السيارات وما يصحبها من غلق الطرقات على السيارات المارة الأخرى والتضييق عليهم وإستخدام آلات التنبيه بغزارة فكل هذه الأفعال ليست من الإسلام في شيئ لأن الطريق له حق وحقه إعطاء المارة فرصة المرور دون التضييق عليهم ورد السلام عليهم ... ومن الممكن أن تسير السيارات بلطف في طريقها دون إستخدام آلات التنبيه أو اللعب بها في الطرقات مما يسبب ضررا للآخرين
والحمدلله إستطعت فعل ما يشابه هذا الوصف في زواجي بموافقة زوجتي ومعارضة كل من عدا ذلك ... بالرغم من حدوث الكثير مما ضايقني شخصيا ولم أحسب حسابه
انا بيتهيألي ان كل الرجالة شايفين الفرح ملوش لازمة و كل الستات حيموتوا و يعملوا فرح. أنا لما جيت اتجوز أصريت أعمل فرح مع ان الظروف مكنتش أوي و جوزي وافقني عشان يرضيني. من وجهة نظري ان أي حاجة في الدنيا سفر خروج مصاريف ممكن تتعوض و تعملها في أي وقت في حياتك الا الفرح بيبقى مرة واحدة في العمر و بجد فرحته مالهاش وصف.
طبعا اللي يقول مش عايز فرح عشان ماخدش ذنوب ده انا باحييه من كل قلبي بس للأسف مكنش عندي نفس قوة الاراده بتاعته.