ما هو سير الكاتينه وماهى اعراض قطعه
عرض للطباعة
ما هو سير الكاتينه وماهى اعراض قطعه
ده بيبقي سير متوصل بالكرنك علشان يدور عمود الكامات
علشان بقي تعرف ايه هو الكرنك و عمود الكامات
في مواضيع كتييييييييير جدا بتشرح الموضوع ده وممكن تريح نفسك و تدخل عل اليو تيوب في برده فيديوهات كتير جدا بتشرح حركة الماتور
معروف ان سير الكاتينة لو اتقطع لا قدر الله يجيب علي طوول صبابات ومعني انك تفك الموتور الله اعلم هتصلح ايه تاني
عشان كده سير الكاتينة بيتغير حسب كتالوج العربية في عربيات بتغير علي 60000 الف وفي مثلا زي لانسر البومة بيغير علي 80000 كيلو
معروف ان اي سير تاني لو اتقطع مش هتحصل مشكلة تأثر علي حاجة تاااني يعني مثلا لو اتقطع سير الباور الردكسيون هيكون تقيل لكن ما فيش حاجة هتبوظ طالما هتصلح السير بعد كده
ولو سير التكييف اتقطع التكييف مش هيشتغل
لكن سير الكاتينة لو مش اتغير في الميعاد ده غلط علي العربية
يا تري سيادتك تعرف سعر سير الكاتيينة للانسر بومة؟؟اقتباس:
المشاركة الأصلية كتبت بواسطة m_waheed
محمد فهمي
شكرا على الردود
انا قصدى هل لو اتقطع مثلا العربيه مش هتدور ولا ايه اللى هيحصل
ولا ممكن يتقطع والعربيه تمشى ويجيب صبابات
سعر سير الكاتينة اصلي من التوكيل ( الرواس ) 200 جنية + 10% ضريبة مبيعاتاقتباس:
المشاركة الأصلية كتبت بواسطة borgelharm
سعر سير الكاتينة ياباني لكن مش اصلي يعمل حوالي 85 جنية
لكن انصحك في سير الكاتينة بالذات تجيب الاصلي
في حاجات ممكن اجيبها مش اصلي زي الفانوس لكن الاساسيات جيبها اصلي
انصحك برده تغير بلية الشداد مع سير الكاتينة والعملية دي بتعملها كل 80000 كيلو
العربية مش هتمشي وهتسمع صوت خبط وانصحك انك تقف فورااقتباس:
المشاركة الأصلية كتبت بواسطة juba8
عشان باقي اجزاء الموتور مش تحصل فيه مشكلة
شكرا على المعلومات المفيدة ... طب يا جماغة انا عندى هيونداى أتوس اللى فى توقيعى حد يعرف اغيرلها سير الكاتينة كل اد ايه لان ما عنديش كتالوج ليها انا شاريها مستعملة وهى موديل 98 .. شكرا
أغلب المصنعين بيعملوا موعد تغيير سير الكاتينة 60 الف كم لو كان كاوتش ,, لو حضرتك مش عارف حاول تتصل بصاحب العربية الاصلي هل غيره ولا لأ او تريح دماغك وتغيره هو والبلية طبعاً ( الشداد )
وللعلم اسمه بالانجليزى timing belt وفي الخليج ايضا اسمه تايم بلت
وفيه عربيات بيكون جنزير والأغلب كاوتش
آدي السير وهو راكب
http://i50.tinypic.com/2a0n511.jpg
هذا السير
http://i46.tinypic.com/211w2a9.jpg
وهذه البلية الشداد
http://i46.tinypic.com/2w1ti06.jpg
شكرا يا باشا علي الافادة لكن انا بسأل من باب العلم بالشيء انا لسه قدامي 30000 عقبال ما اغيره ان شاء اللهاقتباس:
المشاركة الأصلية كتبت بواسطة m_waheed
محمد فهمي
مجهود رائع فعلا في الشرح
شكرا دكتور محمود شرح ممتازاقتباس:
المشاركة الأصلية كتبت بواسطة د.محمود صلاح
طيب لو سير الكاتينه جنزير يتغير كل اد ايه ويتعرف منيين انه عاوز يتغير لانى لسه شارى العربيه ومش عارف عامل كم كيلو
جنزير الكاتينة بيبقي من عمر المكنة وممكن تطمئن عليه كل 150 الف كيلو وبيتغير معاه الترسين بتوعه ولو عاوز تعرف العربيه كاتينة جنزير ولا كاوتش بص علي الغطاء بتاع المجموعة دي التوقيت يعني لو معدن الومنيوم يبقي معدن جنزير ولو بلاستك يبقي كاوتش rubber وعيب المعدن الصوت بيبقي اعلي شويه لكن أأمن بكتييييييير
فين الغطا ء دهاقتباس:
المشاركة الأصلية كتبت بواسطة waelfarid
ولو سير الكاتينه اتقطع ؟؟؟ايه اعراضه ؟؟عشان كل الناس تستفيد
بيبقي خلف سير الدينامو- السير الرئيسي للمكنة-في مقدمة المكنة
مش شرط انقطاع السير يسبب تلف للصبابات... دة بيعتمد على تصميم المحركاقتباس:
المشاركة الأصلية كتبت بواسطة m_waheed
لو المحرك interference engine يعنى لو الصباب مفتوح على الاخر والبستم فى النقطة الميتة العلية و مفيش خلوص بينهم يبقى المكنة دى لو قطعت كاتينة حتجيب صبابات
لو المحرك non interference engine يعنى لو الصباب مفتوح على الاخر والبستم فى النقطة الميتة العلية و فيه خلوص بينهم يبقى المكنة دى لو قطعت كاتينة مش حتجيب صبابات و غالبا دى بتبقى غالبا تصميمات قديمة زى اللادا و كدة
MMamdouh
دايما بتضيف لينا جديد يا استاذ محمد ممدوح والاهم انك بتتكلم بأسس علميةاقتباس:
المشاركة الأصلية كتبت بواسطة mmamdouh
ربنا يخلليك يا باشا
MMamdouh
مجهود رائع فى الشرح وممتاذ
ارجو الافاده بالنسبه لهيونداى اكسنت 2003 اللى موجوده فى التوقيع
مشيي بيها خفيف جداً موديل 2003 زيرو و ماشيه 57000 ومغيرتوش لحد الان و التوكيل بيقول كل 50 الف يتغير
هل فى خطر و انا من نحيتى ناوى اغيره ان شاء الله فى خلال 15 يوم من الان
اود معرفه هل تركيبه لابد على يد متخصص بمعنى اصح يعنى اى حد ممكن يركبه ولا فى ناس ممكن تركبه ويكلع فيه مشاكل تركيب وهل هو مطاط ولا جنزير بالنسبه للاكسنت 2003
وتقريباً كم سعره
مشكورين على الردود الرائع تانى مره ومنتظر الرد
متابع
مشكوور على المعلومات القيمة
الافضل يكون حد بيفهم طبعااقتباس:
المشاركة الأصلية كتبت بواسطة astrologer
اقتباس:
المشاركة الأصلية كتبت بواسطة a.saad
جزاك الله خيراً ومنتظر ردود باقى الاعضاء
يفضل تغيير سير الكاتينه بعد شراء شياره مستعمله حتى لو كان مالكها القديم لسه مغيرهاقتباس:
المشاركة الأصلية كتبت بواسطة kingmony
بعد أذنكم يا جماعة عندي سؤال لا أجد اجابته في الكتالوج . أنا استخدامي للعربيه خفيف يعني سير الكاتينة شغال من 4 سنين ولسه العداد 30000 .هل سير الكاتينه له مدة زمنيه لازم يتغير عندها بصرف النظر عن عدد الكيلو مترات؟ شكرا
ههو مافيش مده زمنيه بتحدد وقت تغيره لكن بالكيلومترات المقطوعه
هى الاول الكاتينه جنزير ولا كاوتش
لو جنزير يكفى بس فحصها من حيث لو فيه تأكل فاتبقى فيها بوش يعنى
لكن لو كاوتش فى رأى 4 سنين اكيد المطاط عمره الافتراضى قرب ينتهى ان مكانش انتهى اصلا
بس بردو مافيش حاجه تحدد مده تغيره بعد فتره من الزمن