عرض للطباعة
يا جماعة عايز اعرف حساس الايدل ده فين في العربية !!
و انضفه ازاي و بايه ؟
و ياريت صور الله يكرمكم
و كمان لو في حساسات تانية بتتفك وتتنضف بالمرة يعني
ياريت حد يقولي مكانها فين و انضفها ازاي !!
وايه الاعراض اللي اعرف منها انه الحساس الفلاني فيه مشكلة !!
يعني انا مثلا عندي الار بي ام بيعلي ويوطى حاجة بسيطة اوي و العربية واقفة
ممكن متبقاش ملحوظة اوي في الار بي ام بس ملحوظة في صوت العربية و هزتها !!
وشكرا مقدما :shyy:
ولو في حاجة تانية ممكن تتنضف في البيت من غير الحاجة لزيارة المكيانيكي الكفتجي يبقى خير وبركه
ياريت تعرفوني علشان حاسس انه العربية سوري يعني مش نضيفة من جوا :(
يا جماعة عايز اعرف حساس الايدل ده فين في العربية !!
و انضفه ازاي و بايه ؟
و ياريت صور الله يكرمكم
و كمان لو في حساسات تانية بتتفك وتتنضف بالمرة يعني
ياريت حد يقولي مكانها فين و انضفها ازاي !!
وايه الاعراض اللي اعرف منها انه الحساس الفلاني فيه مشكلة !!
يعني انا مثلا عندي الار بي ام بيعلي ويوطى حاجة بسيطة اوي و العربية واقفة
ممكن متبقاش ملحوظة اوي في الار بي ام بس ملحوظة في صوت العربية و هزتها !!
أضم صوتي إلى صوتك.
تحياتي.
انا عندى فى الاسترا
عباره عن جزء لونه اسود وطالع منه زى مايكون سوسته صغيره
جنب سلانسيه فى الكبوت
يعنى فوق على وش الموتور
وياريت متنضفوش ولا تفكه الا لو كان بايظ
لو شغال سيبه فى حاله
انت فين ياريس من زمان الدنيا عامله معاك ايه؟اقتباس:
المشاركة الأصلية كتبت بواسطة SpiDerS
الايديال كونترول مكانه عندك تحت العمه السودا في وشك وانت واقف قدام العربيه هتلاقيه عباره عن فيشه سودا راكبه علي الحساس وطالع منها سلكتين .
فك الغفير (الكلبس) بتاع الفيشه وخرجها بالراحه وبعد كده فك مسماري الحساس بمفتاح الانكيه نجمه وتكون فارش تحت مكان الحساس بطانه علشان مفيش حاجه تقع منك وخلي بالك في جوان صغير اوعي يضيع .
هتلاقي الحساس عباره عن صوباع طويل كده وفي اخره زي طاقيه وهتلاقيه مهبب او عليه اوساخ نظفه بwd-40 او لو الاوساخ جامده نظفه علي الجلخ الناعم وركب تاني وماتنساش تحط الجوان وبكده كله تمام .فاضل تعمل حاجه اسمها ايديال ليرن علشان تعرف الكونترول بالحساس وده كالاتي؛
افتح الكونتاكت واقفله 3 مرات من غير ماتدور زمن كل مره 5 ثوان وبعد كده دور الموتور وبعد 3 دقايق شغل التكييف دقيقتين واخيرا اقفل التكييف ثم بطل العربيه .ان شاء الله انا بكره عندي اجازه لو اتيحت لي الفرصه هنزل افك الايديال عندي واعمل موضوع عنه بالصور ,احسن اللي يعتمد علي tamertamer ينام من غير عشاء:majd(4):
بالنسبه لاعراض تلف الايديال هو تخريف الار بي ام والعربيه واقفه
لو الار بي ام بيخرف وفي مدافع هوا من الشكمان يبقي حساس التي بي اس وده بيتغير ما بيتنظفش
لو في استهلاك بنزين زياده قوي ودخان مصانع خارج من الشكمان يبقي حساس الكولانت وبرده بيتغير فقط
غير كده مفيش غير حساس الهوا اللي ورا العمه وده اختلف عليه العلماء ماليكش دعوه بيه لانه مش ماف وحساس الكرنك وده بيحس باي فرق يحصل بين حركه عمود الكامات والكرنك (لما سير الكاتينه يقطع) علشان يفصل الكهربا عن البوبينه والعربيه تقف فورا وبيعتبر الحساس ده الدراع اليمين لليونت كونترول واي خدمه ياباشا.
يا نهار ازرق على الكلام يا عم الحج هههههههههههههههه
ازيك يا فادي باشا
انا مووجود اهه و الدنيا ماشية :)
الكلام ده كبير
ياريت تدلني بالصور اللي يكرمك علشان مبوظش الدنيا !!
على ما اعتقد كده المكان اللي انت بتقول عليه الميكانيكي منضفهولي قريب
اللي هوا فك العمة ونضف تحتها و طلع بتاع كده ركبه نضفه بره وركبه تاني بس انا سألته ايه ده قالي التي بي اس
هي الصور اللي هتخلص الموضوع !!
طيب مفيش حاجة تانية تتنضف !
انا مشكلتي كلها مع العربية دي استهلاك البنزين !
حاسس انه بيتنصب عليا لو العربية عملت 160 في الصفيحة يبقى خير وبركة ومحدش يقولي احسب على الطريق علشان هي هي برده وبجري زي ما مبجريش :(
شكرا ليك يا فادي ومستني الصور بكرة :)
يعني لو سير الكتينة اتقطع ليه حساس يفصل العربية على طول اصل انا اسمع ان سير الكتينة ده لو انقطع يكسر التروس بتاعة الموتور لو في حساس مسئول عن العملة ده يبقى كلام جميل يا ريت من حضرتك يا استاذ فادي توضح لنا الصورة اكثر .
ابحث فى منتدى الدايو عن الموضوع ده حتلاقيه بالصور .. جامد جدا .. مع مراعاة الختلاف فى اماكن بعض القطع بالنسبة لسيارتكاقتباس:
المشاركة الأصلية كتبت بواسطة spiders
عاوزين صور يارجاله لمكان الحساسات وشكلها
بص ياباشا ...علي حسب معلوماتي المحدوده .سير الكاتينه عامل زي بندول الساعه بالضبط لو باظ السعه تقف .فلو سير الكاتينه اتقطع ,حساس الكرنك بيفصل الكهربا عن الموبينه وبالتالي يوقف الموتور علشان يحافظ علي الصبابات والتروس - انما دي مش وظيفته الاساسيه .وظيفته هي تحديد وضع عامود الكرنك للكمبيوتر علشان يعرف اي بستم هو اللي عليه الدور في عمليه الحرق وبالتالي يدي الكمبيوتر اوامره بتوفير الشراره والبنزين في هذا البستم من البوبينه والانجكتور.اعراض تلف حساس الكرنك ان العربيه اساسا مش هتدور اساسا .يارب تكون الصوره وضحت شويه .اقتباس:
المشاركة الأصلية كتبت بواسطة hostook
ما ينفعش ينضف مكانه حساس الأيديل دا
سير الكاتينه لو انقطع لقد الله بيعوج الصبابات على طول من غير تفاهم
حصل كده معايا فى ال132 الله يرحمها
بس فى المواتير ال1600 تقريبا البساتم مصممة إنها ما تكسرش الصبابات
فعلا ياباشا ... راس البستم مفحور فيها اماكن الصبابات ( 2صباب لكل بستم) فلو الصباب سقط علي البستم مش هيتكسر :verygood:اقتباس:
المشاركة الأصلية كتبت بواسطة lancerevolution
اقتباس:
المشاركة الأصلية كتبت بواسطة hellboy
اقتباس:
المشاركة الأصلية كتبت بواسطة hellboy
كلام جميل كلام معقول مقدرش اقول حاجة عنةاقتباس:
المشاركة الأصلية كتبت بواسطة hellboy
انا فعلا عايز اعمل الموضوع بس مشغول جدا جدا بصراحة فعلا هتنام من غير عشاء :Zb_sor1[1]: انا عايز اعملة بس اصلى انا فكيتة من فترة وعملتة وللاسف نسيت اصورة خالص بس على العموم انت موجود وتسد انت الكبير بردو
بجد الله ينور عليك يا فادى يا كبير
بس حساس الكرنك مش هيحمى العربية لأن مواتير الفيكترا مواتير قابلة للتداخل العملية كلها ستر من ربنا
أنا فعلا عندى الار بى ام بيخرف فى السلنسيه يبقى كده الايديال لازم يتغير ولا ممكن يتنضف :ma(30):اقتباس:
المشاركة الأصلية كتبت بواسطة hellboy
نضف الأول اشتغل خير و بركه
ما كنش غيره
الف شكر يا طنطاوى باشااقتباس:
المشاركة الأصلية كتبت بواسطة tananybasha
هى طنانى
و العفو يا باشا
أسف يا باشا معلش نظرى خانىاقتباس:
المشاركة الأصلية كتبت بواسطة tananybasha
ولا يهمك يا كبير
بس تسدق طنطاوى حلوة بردو
الله ينور يا رجاله انا كنت باشتكي من الموضوع ده وهانزل بكرة اعمل الارشادات دي وان شاء الله ترجع زي ما كانت.. بس هو في سوال كده .. هو ايه اللي ممكن يبوظ الايدل كنترول ده علشان يعني اتفادا انه يبوظ يعني
بس يا ريت لو حد يوصفهالنا بالصور بس يحسن ماعكش في حاجه تانيه خالص :ma:
انا عملت موضوع منفصل فيه الصور وكل حاجه يسعدني مرورك الكريم .اقتباس:
المشاركة الأصلية كتبت بواسطة daaark
اعتقد عمر افتراضى مش اكتراقتباس:
المشاركة الأصلية كتبت بواسطة daaark