تقرير في الجون اهنئك عليه
رقم العضوية : 64290
تاريخ التسجيل : 06Mar2010
المشاركات : 73
النوع : ذكر
الاقامة : Cairo
السيارة: Skoda Octavia A4
السيارة[2]: Skoda Felicia
دراجة بخارية: No
الحالة :
السلام عليكم ورحمة الله و بركاته
بصوا انا عارف ان اي حد عايز يشتري عربية و حاطط عينه على نوع معين هايتجنن و يعرف قراره صح و لا غلطة هايندم عليها طول عمره
انا قولت اعمل ثواب و اقول خبرتي عن الاسكودا فيليشيا و اجري على الله .
الاسكودا اتعملت من سنة 1995 الى 2001 ووش الاوكتافيا بادئة من 1998 الى 2001 ودة بخصوص الشكل , و على فكره العربيه دي من مصانع فولكس فاجن او على الاقل خالص تحت اشراف فولكس الالمانية بس هي طبعا عربيه تشيكي و التشيك من الدول المتقدمة في صناعة السيارات و يكفيها فخرا انتاجها لافضل السيارات الاوروبية و هي الاوكتافيا و كمان هي بلد قوية في صناعة الموتسيكلات و متقدمه فيها و اسئلوا اصحاب الموتسيكلات القديمة
العربية تعد من السيارات الحديثة لان التابلو بتاعها فيبر و حته واحدة و متماسك جدا و شكله انسيابي و كمان شيك و الكراسي مريحه الى حد كبير و متفنشه كويس اوي و الابواب جميله يعني مش زي عربيات زمان
العربية تقيله اوي على الطريق و مش قصدي تقيله يعني بطيئة اقصد انها ثابته و مش بتعوم بسهولة الا طبعا لو السرعة زادت عن 140 كيلو و بالنسبه لحجم العربيه دي فهي سرعه كويسة ( هو في طريق في مصر يخليك تجيب اعلى من كدة ؟؟ ) اول مطب هوائي ممكن يقلب البي ام نفسها هههههههه
ماعلينا
بالنسبه لصاج العربيه فهو قوي و العربيه حديدها حلو و محمل و انا مجربها شخصيا في كذا حادثه هههههههههه و الحمد لله جت سليمة بس بجد لو عربيه تانيه كان زمان الموتور جه قعد على الكرسي اللي جنبي ههههههههههه
بالنسبه للكبوت بمحتوياته فدة الاهم , بصو مش هاكدب عليكم العربيه بتولع و بتسخن اوي بس ممكن تتجنب العيب دة لو غيرت الرادياتير و حطيت واحد نحاس 3 ماسوورة لان الرادياتير اللي فيها 2 ماسورة , عموما لو جيت تغير الرادياتير لاي سبب ابقى هاته نحاس 3 ماسورة احسن , اما المروحه فممكن تجيب اتنين مروحه جنب بعض و بلاش مروحه الشاهين لانها شديده اوي اه بس بتبوظ بسرعه انا بتكلم عن الناس اللي ناوية تغير في سيستم التبريد , عموما العربيه دي بيركب لها مروحتين واحدة اماميه قدام الرادياتير و دي بتكون مروحه المرسيدس الالماني و المروحه الداخليه الخاصه بتبريد الموتور بتكون بتاعة بلادها الاصليه التشيكي و في ناس بيغيروها لمروحه الشاهين عشان اقوى بس في الصيف من شدتها كهربائيا بتسيح السلوك و ممكن تعمل قفله فبلاش منها احسن دة غير انها بتعمل صوت عالي شوية
السخونة بسبب انه وش السلندر معمول من مادة بتسخن بسرعه و دة العيب الوحيد اللي في الاسكودا بس نفس العيب دة سهل التغلب عليه لو عملت نظام تبريد زي ماقولت سابقا لان التشيكيين مع الاسف ماعملوش حسابهم ان عربيتهم اللي بتمشي في الجليد في اوروبا انها في يوم تروح جهنم هههههههه . . . ماتفهمونيش غلط . . . الجو هنا اصله بيكون نار في الصيف اعذروني
عشان كدة العربيه دي مش موجودة في دول الخليج
نرجع لقوة الموتور و بصراحه فهو قوي مع انه 1300 سي سي , بس هي عربيه مش سريعه اوي بس مش بطيئة برضه يعني السرعه القصوى زي افي الكتالوج 145 كيلو في الساعه , و على فكره الفيرنا مثلا مكتوب في الكتالوج ان السرعه القصوى حوالي 165 كيلو و الفيرنا 1600 سي سي يعني برضه الاسكودا مش في الضياع يعني
اما عن العفشه فهي قوية اوي و بصراحه العربيه مش ناعمة زي الهيونداي مثلا بس برضه مش خشنه زي الفيات او العربيات القديمة مثلا بس عفشتها قوية و تستحمل بس اغلس عيب في العفشه علبه الدركسيون , لو اصلي بتقعد مثلا في متوسط 4 سنين تمام و بعد كدة تطبل و لو صيني تقعد سنتين و للعلم فان معظم العفشه بتكون الماني
بالنسبة لقطع الغيار فهي معمرة بصراحه لانك اكيد هاتجيبها اصلي (و لا انت ليك رأي تاني ؟؟ ) و هاقول امثله للاسعار عشان الناس تستفيد
الموتور استيراد 2000 لو حالته كويسة و دي اسعار المتوسط على فكره
الفتيس 1500
طقم الدبرياج الاصلي 420
الفانوس 100 جنيه
الاشاره 20
المساعد طقم امامي 400 و الخلفي نفس السعر تقريبا ودة سعر الألماني
اعتقد اني قولت اهم الاسعار لقطع الغيار اللي الناس بتقلق على اسعارها
فادي الاسعار و انت قرر
العربيه مطلوبة اوي اوي اوي اوي في السوق و اكبر دليل اني لما بمشي بعربيتي في مدينة نصر في العاشر بلاقي الناس توقفني غصب عني و يترجوني ابيع مع اني ممكن اكون رايح لأخويا و مش عايز ابيع اصلا ههههههههههههه و دة حصل فعلا كتير معايا لان حظي ان اخويا ساكن هناك . . . هابقى اطلب منه يعزل هههههههههههههه
اخيرا سعر العربيه تقريبا بيتراوح من 26 الف لغااااااااااااااااااايه 34000 طبعا حسب الحاله و الموديل
شكرا جزيلا و انا مع الاسف مش بدخل كتير بس لو حد ساب سؤال يعذرني لو اتأخرت في الرد
شكرا ليكم جدا و اتمنى اكون افدتكم و انا عارف ان العربيه دي ليها راغبين كتير اوي لان سعرها في الجووووووول و بصراحه هي عربيه كويسة و انا مستريح معاها طالما قدرت اني اعرف عيوبها و اعالجها و اعتقد اني قولت طريقه العلاج فيما سبق
شكرا و السلام عليكم و رحمه الله و بركاته
رقم العضوية : 4959
تاريخ التسجيل : 27Jan2008
المشاركات : 3,051
النوع : ذكر
الاقامة : Zagazig
السيارة: Skoda Octavia A5 2007
السيارة[2]: Fiat Evo Punto 2011
الحالة :
رقم العضوية : 14494
تاريخ التسجيل : 10Jul2008
المشاركات : 1,075
النوع : ذكر
الاقامة : اسكندرية
السيارة: لا يوجد
السيارة[2]: سكودا فيليشيا
دراجة بخارية: لا يوجد
الحالة :
ما شاء الله على الاسلوب الجميل بتاع حضرتك بجد فعلا اعدت ليا ثقتى فى عربيتى بعد ان اهتزت شوية بسبب موضوع السخونة اللى غايظنى ده ووش السلندر
بس هى لما بتبقى فايقة بتكون اجمل عربية ومصاريفها مش كتير لكن لما تفتح فى السخونة بتبقى مزعلانى منها ونفسى الاقى حل للموضوع ده ياريت حضرتك تفيدنا بتفصيل اكتر فى موضوع السخونة
وجزاك الله خيرا
مصر تستحق الخير
رقم العضوية : 50214
تاريخ التسجيل : 17Oct2009
المشاركات : 836
النوع : ذكر
الاقامة : المقطم
السيارة: صني 2011 ex
السيارة[2]: صني 2013 ex
دراجة بخارية: لا يوجد
الحالة :
شكرا على التقرير احناا معان الفورمان من 94 ووالدي متمسك بيها جدا
رقم العضوية : 33348
تاريخ التسجيل : 18Feb2009
المشاركات : 1,869
النوع : ذكر
الاقامة : alexandria
السيارة: ........
السيارة[2]: bmw 318I e46
دراجة بخارية: ........
الحالة :
مشكوووووووووووووووووووووو وووووووور
http://store2.up-00.com/2015-11/1448722430351.jpeg
my new car
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
شكراً للتقرير وازيد : -
وزن العربية 1420 كيلو فارغة ,, وده أكبر من وزن أي عربية حديثة في الوقت الحالي الا فيما ندر
رقم العضوية : 64290
تاريخ التسجيل : 06Mar2010
المشاركات : 73
النوع : ذكر
الاقامة : Cairo
السيارة: Skoda Octavia A4
السيارة[2]: Skoda Felicia
دراجة بخارية: No
الحالة :
شكرا يا جماعة على الردود و شكرا للاضافه د. محمود و بالنسبة للأخ زياد فزي ماقولت في التقرير ان تصميم وش السلندر اصلا مش مصمم لمصر او الدول الحاره فمعلش اعصر على نفسك و حاول تعدل في نظام التبريد و بجد حتشوف الفرق ( بس خلي بالك ان الفرق مش هايكون رهيب يعني هههههه ) بس بدل ماهي درجه الحراره مثلا 100 او تحتها بشوية بعد التعديل هاتلاقي الحراره مثلا 90 او تحتها بشوية و خلي بالك اصلا ان دة في حاله انك تكون مظبط الماكينه و يكون وش السلندر عندك تمام , بص لو وش السلندر عايز يتكشط او عايز يتقرط عليه او مش تمام يعني فا والله لو حطيت تلاجه بدل المروحه مش هايحوأ لان العبره بوش السلندر . . . فباختصار :
كيفيه تظبيط السخونة في فليشيا : -
1- وش السلندر يكون تمام و لو محتاج تغيره يبقى احسن حتى لو جبت صيني برضه كويس و لو محتاج كشط هاتحط اتنين جوان وش سلندر (و ياريت تغير الشنابر بالمره لو عربيتك داخله على تغيير شنابر) تمام ؟
2- بعد ماتظبط وش السلندر لو محتاج تظبيط يبقى هاتدخل على تظبيط نظام التبريد و اتصرف و حط مروحه كبيره بس تكون ياباني او كوري او الماني او حط مروحتين و بلاش تحط مروحه الشاهين عشان شديده و بتسحب كهربا كتير اوي
طبعا كدة كدة في مروحه قبل الرادياتير و دي بتبرد الرادياتير و مروحه بعد الرادياتير اللي بتبرد الموتور و دي اللي انت بتشوفها في الكبوت و ياريت تحطوا مروحه تانيه جنبها لو قدرت و طبعا هاتحتاج بطاريه 70 ( لما تيجي تغير بطاريه هاتها 70 احسن عشان تستحمل الهلك )
3 - اهم شىء بأه هو تغيير الرادياتير نفسه و دة طبعا هايكون نحاس او الومنيوم بس 3 ماسورة , اهم حاجه يكون 3 ماسورة
بصوا يا جماعه طبعا انا بتكلم و الكلام سهل بس بجد الموضوع دة مش هايكلف اكتر من 1000 جنيه
تظبيط وش السلندر 400 جنيه لو كشط و تغيير جوانات بس اما لو هاتغير وش السندر فدي قصه تانيه ممكن تكلفك 1200 جنيه تمن وش السلندر و بالمصنعيه يبقى كله 1400 تقريبا و انت و شطارتك
وتمن الرادياتير حوالي 350 جنيه و تمن المروحة او المروحتين تقريبا 300 جنيه
طبعا المبلغ كبير نوعا ما بس مش معقول يعني هاتغير التلات حاجات اكيد في حاجه في عربيتك هاتنفع
اتمنى اكون أوفيت و قولت حاجه مفيده و ربنا يوفقكم
رقم العضوية : 14494
تاريخ التسجيل : 10Jul2008
المشاركات : 1,075
النوع : ذكر
الاقامة : اسكندرية
السيارة: لا يوجد
السيارة[2]: سكودا فيليشيا
دراجة بخارية: لا يوجد
الحالة :
جزاك الله خير وفعلا انا داخل على عمرة كبيرة فيها بعد شهر تقريبا لان وش السلندر فى الضياع عندى... و مكشوط ...
والموتور متعمر من المالك السابق للعربية والجوان دوبل لكن انا محتار ما بين حاجتين اما شراء موتور جديد كامل او وش السلندر بس
وراصد ميزانية 4 الاف تقريبا خايف لو جيبت الموتور العملية تزيد وتفتح عن كده....
وبرضو خايف وش السلندر يكلف 2000 مثلا بمشتملاته ويكون غير عملى وأرجع اندم انى ما جبتش موتور كامل
ياريت حضرتك او اى حد من الاخوة ملاك الاسكودا السابقين والحاليين عنده فكرة يفيدنا برأيه ونبقى افدنا ناس كتير زى حالاتى خصوصا فى اسكندرية اللى الفيليشيا فيها بقت اكتر من 128 فى عز مجدها
وشاكر جدا لحضرتك وبأحيك على معلوماتك الغزيرة .
مصر تستحق الخير
رقم العضوية : 1435
تاريخ التسجيل : 14Jul2007
المشاركات : 14,773
النوع : ذكر
الاقامة : مصر
السيارة: لا
السيارة[2]: اوبترا
الحالة :
انا الجوان ضرب عندي مرتين وغيرته مرتين بدون كشط لأن الوش ماكانش اتفقع
رقم العضوية : 64290
تاريخ التسجيل : 06Mar2010
المشاركات : 73
النوع : ذكر
الاقامة : Cairo
السيارة: Skoda Octavia A4
السيارة[2]: Skoda Felicia
دراجة بخارية: No
الحالة :
انا شايف انه لو الموتور ماعملش عمره قبل كدة يبقى الافضل تعمل عمره احسن و تبقى انت اول واحد يعمل عمره للعربيه و طبعا هاتغير وش السلندر و دة اساسي و هاتغير شنابر و جوان وش السلندر و هاتغير بساتم و هاتكشط و حوار بس لو عملت عمره الموتور هايعيش اكتر من لو غيرت موتور لانك هاتكون عارف ايه اللي حصل في موتور عربيتك لكن لو انت جبت موتور جديد فا بختك يا ابو بخيت و يمكن تغير موتور و تلاقيه عايز عمره فتكلفك كتير
عموما ربنا يوفقك و على فكره فعلا انا استغربت من الاسكودا في اسكندريه كتيييييييييير اوي
فعلا اكتر من 128 هههههههههههه
المفضلات