باشتري ميجان ii ورايح أكشف عليها - عايز نصائح

وحوش ميجان...ادعولي بالتوفيق
نويت خلاص ان شاء الله وعلى وشك الانتقال من نادي ملاك الكليوII إلى نادي وحوش الميجان II

العربية موديل 2007
يا النهارده يا بكره ان شاء الله هاروح اكشف عليها، غالبا في الميكانيكيون العرب. الناس هناك باثق فيهم (كل شغلي في الكليو كان عندهم) ده غير ان الكشف الكامل عندهم بـ 300 مش 550 زي المقطم او العبور:36_7_4[1]:

العيب الوحيد اللي مقلقني ان العربية عدا عليها الثلاث سنين بتوع الضمان. وقلقان من مواضيع الجير بوكس وعلبة الدركسيون والكلام ده....ربنا يستر:funny34d:

أي نصائح يا جماعة؟

بالتوفيق إن شاء الله

اقتباس:

---

المشاركة الأصلية كتبت بواسطة paradox

العربية موديل 2007

العيب الوحيد اللي مقلقني ان العربية عدا عليها الثلاث سنين بتوع الضمان. وقلقان من مواضيع الجير بوكس وعلبة الدركسيون والكلام ده....ربنا يستر:funny34d:

أي نصائح يا جماعة؟

---

أعتقد إن مواضيع الجيربوكس و علبة الدركسيون و الكلام ده كان ظاهر أكتر فى موديلات 2005 أما من أواخر 2006 و أنت طالع الشكاوى قليلة من الجيربوكس . الإسكترا و المساعدين بقوا خدمة شاقة للطرق الصعبة و التكييف بقى مناطق حارة يعنى أسرع من الأول فى التبريد.
متنساش إن الجيربوكس عليه 100000 ضمان دون حد أقصى للسنين.
أعتقد الموديلات دى بقت more stable عن الموديلات الأولى.
ربنا يوفقك المهم العربية تبقى بحالة نظيفة و مش ملعوب فيها بره التوكيل.

10000 مبروك مقدما....وان شاء الله هتكون عربية كويسة وصاحبها القديم محافظ عليها
ابقى طمنى بعد الكشف
صحيح.....خلصتها على كام وعاملة كام كم؟

اكشف في التوكيل انضف من الميكانيكيون بكتير و ما تستخسرش ال 250 جنيه فرق بدل ما تدفع 25 الف جنيه بعد كده !!!