إلى كل من يملك نيو سيراتو
السلام عليكم
إلى كل من يملك نيو سيراتو .. و بها هذا العيب (الحدفة الشمال)
أنا عارف ان الموضوع قديم و لكن هدوء الموضوع كان أسبابه من وجهة نظري
1 - ان أغلب اللى اشتروا سيراتو كانو لسه متعلمين جديد
2 - و نوع تاني مش عاوز حد يشمت فيه .:POINTI~2[2]:
3- و نوع ثالث اتقاله ( يعني هو أنت الوحيد اللي بتفهم و كل اللي سايققين دول ... تييييت ) طيب لو هي فيها عيب هتبقى ليها أعلى ضمان في مصر ؟
و بعدين يا أخي دي متقفلة ف كوريا مش ف الحرفيين . و الكلام ده لو حضرتك كنت لسه بتشتري .
أما لو كنت خلاص لبست .. تبقى واحد من اتنيين
أولهم : يا باش مهندس اظبط بس انت الكاوتش و هتلاقيها بقت 100 100
ثانيهم : ودي المصيبة ( مركز الصيانة) هتقابل حد يقولك :dunno: احنا أول مرة نسمع الكلام ده على العموم تحت أمرك هنكشفلك عليها .
وبعدين .. كله تمام يا سعادة الباشا العربية 100 100
و طبعا ولا مية مية و لا نيلة و الحدفة هي هي .
اللي هيجنني اني طول مانا ماشي أوقّف الناس اللي معاهم سيراتو وأسألهم الأسئلة دي :
* حضرتك العربية دي خليجي و للا وكيل ؟
*عاملة كام كيلو ؟
* طيب عاملة معاك ايه ؟
* سافرت بيها مسافات طويلة .. و لو كانت الإجابة نعم طيب سبت الدريكسيون من ايدك وهي ماشية ؟ أغلبهم بيقول لأ و عشان كده لم يلاحظ .
أنا معايا 1.6 LX F/O M/T
و رايح أعمل صيانة الأسبوع القادم إن شاء الله
و لو مالقيتش حل مع الصيانة و الوكيل هاعمل حاجة من اثنين
يا اما هخاطب الشركة الأم في كوريا لأن ده يعتبر عيب تصنيع
أو اني هاطلع على جهاز حماية المستهلك .
بس سواء دي أو دي لازم تبقى أكثر من شكوى علشان الناس تتحرك
فبرجاء من يشتكي من نفس العيب يكلمني ضروري
و نجمع نفسنا و نروح ناخد خطوة قبل ما :funny34d: لاقدر الله
و ده تليفوني 0100622500
آسف على الإطالة
