العربية بتفصل لوحدها - شوف الحل
السلام عليكم
معايا لانوس 99 وكانت ظهرت معايا مشكله من فتره ان العربية بتفصل لوحدها وانا ماشي وتفضل فاصله 10 دقايق او نص ساعه بمزاجها وتشتغل تاني بمزاجها برضه
وممكن تفضل يومين شغاله وبعدين تفصل بدون اي مقدمات
المهم طبعا حسب فتاوي الميكانيكيه ان الكهرباء واصله عادي وفلتر البنزين واصله بنزين المهم غيرت بوجيهات وفلاتر وطرمبه بنزين وحاجات تانيه كتير وفضلت مفس المشكله موجوده
لغايه لما مره فصلت خالص وفضل المكانيكي يجري ورا السبب لغايه لما طلع فيشه الموبينه بتغش
راح مغيرهالي بفيشه تانيه ب 5 جنيه وكله بقه تمام
انا قلت انقلكوا المشكله والحل يمكن حد يكون بيواجه نفس المشكله