تحزير من التعامل مع هذا المعرض صاحبة نصاب
اسم المعرض القاضى للسيارات
العنوان الاسكندرية ميامى شارع خالد ابن الوليد بجوار بنك الاهلى او بنك مصر
اسم صاحب المعرض احمد حلمى القاضى
نصاب نصاب نصاب
حسبى الله ونعم الوكيل
عرض للطباعة
تحزير من التعامل مع هذا المعرض صاحبة نصاب
اسم المعرض القاضى للسيارات
العنوان الاسكندرية ميامى شارع خالد ابن الوليد بجوار بنك الاهلى او بنك مصر
اسم صاحب المعرض احمد حلمى القاضى
نصاب نصاب نصاب
حسبى الله ونعم الوكيل
اخى الكريم
مع احترامي ليك
مينفعش الكلام دا خالص
حضرتك عملت موضوع
وغرضه هو التحذير
ومش من موبيل ولا موتوسكل
لا من عربية
فلازم علشان كلام حضرتك يبقى فيه مصداقية
انك تقول المشكلة اللى حصلت معاك
وعلى الاساس دا نقول انه فعلا نصاب
مش حضرتك كاتب ف الموضوع تحذير
تحذير من ايه وليييييه؟
انا اشتريت منة عربية لانسر كاش ب85 الف جنية وبعدها مفيش اسبوع حسيت ان العربية بتشد شمال قولت اكيد محتاجة ضبط زويا رحت اضبط الزويا فؤجئت ان الراجل بيقولى فى عوجة جامدة فى الشاسية بتاع السيارة والعربية دى عامل حادثة جامدة روحت على التوكيل بتاع مجدى شاهين اكد لى ان العربية عاملة حادثة وان السقف كمان مرشوش .. رحت لصاحب المعرض قال انة ميعرفش حاجة اكيد انا اللى خبطها ..
يا أخى الحبيب معارض السيارات وتجار السيارات وسماسرة السيارات كلهم نصابين الا فئة قليلة جدا لايمكن رؤيتهم بالعين المجردة
ازاي متكشفش علي عربيه شاريها بالمبلغ ده حضرتك للاسف اللي غلطان
لا حول ولا قوة إلا بالله
ربنا يعوض عليك وشكرا علي التحذير
جزاك الله خيرا على التحذير.
و عوضك افضل و خيرا منها.
و متزعلش نفسك والفلوس بتروح وتيجى.
قدر الله وماشاء فعل
سواء كان عارف و بيكدب أو مكانش عارف و رغم تعاطفي معاك و على حرقة دمك على شقاك بس للأسف حضرتك غلطان....يعني ما كشفتش عليها ليه قبل ما تدفع
لأن نفس الموقف ده حصل مع قريبي اشترى لانوس 2 و طلعت قالبة عداد و عاملة حادثة اتقلبت فيها و هوه باشا راح دور العربية اتفرج عجبته راح دافع ما كلفش خاطره ياخد معاه سمكري و لا ميكانيكي حتى ولا انشالله يخدها يكشف في بنزينة بلاش مش هأقولك حتى يروح التوكيل و يتعب نفسه............
ربنا يعوض عليك و لا يلدغ المؤمن من جحر مرتين و التاجر ملوش دعوة هوه باعلك بالتراضي و انته دفعت و روحت برضاك........الا اذا كان عارف و كذب عليك أو حلفلك و لو اننا في زمن اللي بيحلف فيه بيكون غالبا (كذاب)............
ربنا يعوض عليك.........
ربنا يعوض عليك.........
بصراحة من نفسي اسمع عن تاجر امين !!!!!!!!!!!!!!!
علشان كده الرسول عليه الصلاة والسلام بشر التاجر الامين بمكانه في الجنة مع الانبياء
أكيد مش كتير اللي ينالو الشرف ده
الله يعوض غبيك
ربنا يعوض عليك. وشكرا على التحذير.
اشكركم اخوانى الاعزاء .. ويعلم الله ان كل جنية شقيت بيه .. واعترف باننى غلطت لما مروحتش اكشف على العربية فى التوكيل وغلطت لما فكرت ان الناس فيها خير .. الا اننى فوضت امرى الى الله وقد عوضنى الله خير .. بقى ان اقول كلمة اننى احيننا اصحى من النوم لاقول حسبى الله ونعم الوكيل
تأكد أن الله سيقتص منه
كل مال حرام اكتسبه سيعود عليه وبالا و سيندم يوم لا ينفع الندم ..
و أخيرا من غشنا فليس منا
ربنا يحفظنا وشكرا على التحذير
اخى العزيز الكلام مش هينفع دلوقتى .. لازم تبلغ عنه جهاز حماية المستهلك و الضرايب و تعمل له شوشره لو هتتكلف ألف جنيه حتى لكن ماتسيبوش كده ينصب و يقول انا ماليش دعوة لانى متاكد انه نصاب و بايعها لشركة تأجير سيارات او التامين لانهم شغالين مع التامين و تاجير السيارات !!
انا كنت هشترى عربيه من واحد فى خالد بن الوليد شغال مدرس (اسمه الاستاذ) جولف 94 و شفتها عجبتنى لانها فول اوبشن و بـ44 الف و عامله 80 الف كيلو وارد المانيا و شكيت فى حالتها لانها بحالة الزيرو و اخدتمعايا واحد صاحبى و اكتشفنا انها مخبوطه من عند القايم بتاع السائق و هو قال لى مش ممكن دى عربيه فبريقه ..!!! دوول اهم حاجه يبيعوا و يقلبوا و ربنا يعوض عليك و حاول تعالجها فى الحرفيين و مش عاوز اقول لك تبيعها !
منه لله لن يبارك الله فى ماله
يا استاذ ده لما حد بيشترى 127 بيروح يكشف عليها ويرفعها ويجيب بتاع عفشا وافلام وسيادتك دافع 85000 وفى عربيه لبها توكيل ومفكرتش تكشف عليها انت كده غلطان بس متسبوش اعملو ومحضر وارفع قضيه وروح لحماية المستهلك وافتكر دايما لا يضيع حق وراه موطالب وربنا معاك
[QUOTE=Eng.M Mahran;3872429668]معلش مع احترامى لحضرتك انت الغلطان
عربية جديدة و بالسعر ده لازم تكشف عليها فى التوكيل و تبص عليها و تفحصها الف مرة علشان اليومين دول مفيش امان لحد
وربنا يعوض عليك[/QUOTE
+11111111111
قول حسبى الله ونعم الوكيل
وروح صلحها وهتتظبط معاك ان شاء الله
والله ربنا ما بيباركش بس لازم اي واحد بيشتري عربيه لازم يفحصها كويس والستر من عند ربنا بعد كده واحب اطمنك بترجع زي الاول تمام بس اكيد شوية مصاريف\.ربنا يعوض عليك
ماتزعلش ربنا يعوض عليك
عسى ان تكرهو شيئا وهو خير لكم
حدث لى مثلك منذ 7 سنوات وتعلمت بعدها كيف افحص السيارة التى سوف اشتريها بنفسى
وجعل الله لى فى ذلك الخير
حاول تصلحها كويس واركبها وان بعتها بين عيبها للى حيشترى وربنا حيعوضك بالخير
كان الله بعونك يا اخي و يعوضك بخير انشاء الله
حسبي الله و نعمة الوكيل معظم العربيت بحس انها ملعوب فيها اليومين دول و تجار ملهمش ضمير و يقولك فابريكا يا باشا
ممكن حضرتك لو معاك عقد ومذكور به ان السيارة فبريكة ممكن تقاضيه علي اساس ان ( المبيع ) السيارة بها عيب خفي وتأخذ حقك بالقانون
لا حول و لا قوة الا بالله. عسى الله أن يرفع عنك من السوء مثلها و أهون حاجة خسارة الفلوس متزعلش نفسك ان شاء الله ربنا يعوض عليك :)
فعلا المفروض الواحد فى التعاملات التجارية ينسى موضوع الثقة و حسن الظن و الكلام ده و يكون الموضوع 200% رسمى..أنا برضه رحت شفت عربية مستعمل و انا حاطط ايدي على قلبى من المستعمل و مبفهمش فى العربيات أوي و أخدت معايا أخويا و 2 بيشتغلوا فى المجال ده و فحصوها و برضه ناوي أوديها للتوكيل للكشف ان شاء الله و حتى لو قال تمام مش هكون مطمن 100% ! توقع أي حاجة طالما انت مش أول يد
ربنا يعوضك خير ،،، ويسترها مع المسلمين كلهم