صيانة الالف - نيو اكسنت 2010 - حد عده نصائح

انا قربت على صيانة الالف كيلو - اللى اعرفوا ان شاء الله هروح ابو رواش لما اكمل الالف
ممكن حد يقولى ايه النظام و ايه اللى بيتعمل فى العربية و انا بدفع ايه و هم بيدفعوا ايه و ايه اللى بيحصل ؟؟؟؟؟؟؟؟

انا لحد دلوئقتى عندى 4 مشاكل - يا ترى ايه السيناريو بتعهم ؟
1- ريموت الانزار مش بيلقت الا من مسافة لا تزيد عن 20 سم تقريبا تحت الدريكسيون يعنى يعتبر مش شغال
2- الدرج اللى فى النصف تحت مبيقفلش للاخر فى حتة بسيطة كده هى مش باينة لاى حد الا اللى عارفها
3- مرة عديت ال 120 ... اللى اعرفه ان فى زمارة تشتغل؟؟
4-احيانا قليلة جدا السنتر مش بيفتح كل الابواب لما افتح باب السائق "هل السنتر لباب السائق فقط؟"

دى المشاكل حتى الان - رايكوا هيعملوا فيها ايه - و ايه تانى هيعملوا من تغيير زيوت و سوائل و سيور و هدفع كام و هل فى حجز؟؟

شكرا

لما عملت صيانة الالف كان عندى مشكلة فى المساعدين الامامى و هما عملوها ببلاش.
بالنسبة للمشاكل اللى عندك بلغ عليها كلها لما بتسلم العربية لمهندس الاستقبال.و شيك عليها لما تستلم العربية.
اتصل الاول احجز ميعاد صيانة.

لو مش هتغير زيت موتور 10000 يبقى مش هتدفع حاجة

أنا سمعت أن كل التغييرات فى الفلاتر والزيوت فقط وهما تقريبا 120 جنيه بس مش متأكد هل انك تستنى الألف كيلو ولا شهر أيهما أقرب تأكد لأنه لو عدا شهر خلاص توجه للصيانه وتحياتى

اقتباس:

---

المشاركة الأصلية كتبت بواسطة emo_ayman

لما عملت صيانة الالف كان عندى مشكلة فى المساعدين الامامى و هما عملوها ببلاش.
بالنسبة للمشاكل اللى عندك بلغ عليها كلها لما بتسلم العربية لمهندس الاستقبال.و شيك عليها لما تستلم العربية.
اتصل الاول احجز ميعاد صيانة.

لو مش هتغير زيت موتور 10000 يبقى مش هتدفع حاجة

---

هم الطبيعى بيغيروا زيت كام 1000؟
طب لو عملتوا 10000 هدفع كام؟

اقتباس:

---

المشاركة الأصلية كتبت بواسطة fars2000

أنا سمعت أن كل التغييرات فى الفلاتر والزيوت فقط وهما تقريبا 120 جنيه بس مش متأكد هل انك تستنى الألف كيلو ولا شهر أيهما أقرب تأكد لأنه لو عدا شهر خلاص توجه للصيانه وتحياتى

---

اول مرة بصراحة اسمع موضوع الشهر ده؟؟؟

الاكسنت مفيهاش زمارة بعد 120

اقتباس:

---

المشاركة الأصلية كتبت بواسطة mnbahr

الاكسنت مفيهاش زمارة بعد 120

---

متأكد ؟؟؟ انا معرفش ... بس ايه لزمة الشرطة الحمرا اللى عند ال 120

شكرا

اقتباس:

---

المشاركة الأصلية كتبت بواسطة bob_kozy2015

متأكد ؟؟؟ انا معرفش ... بس ايه لزمة الشرطة الحمرا اللى عند ال 120

شكرا

---

هي بتنزل بيها بره مصر لو ركزت شوية هتلاقي لمبة ABS we-AIR BAG لكن أنا متأكد دي عربيتي وانا حفظها :S_thum1[1]:

اقتباس:

---

المشاركة الأصلية كتبت بواسطة MNBahr

هي بتنزل بيها بره مصر لو ركزت شوية هتلاقي لمبة ABS we-AIR BAG لكن أنا متأكد دي عربيتي وانا حفظها :S_thum1[1]:

---

thanx

العربية مفهياش زمارة بعد ال120 و لا ال 140 حتى.الشرطة عشان لما تبص على العداد تعرف انك كدة فى الخطر.:wicked:

انا غيرت ال10000 كم بحوالى 160 جنيه مش فاكر بالظبط بس اعمل حسابك فى الفلوس برده

thanx ya man

ريموت الانذار: جرب الريموت التانى لو شغال يبقى عيب بطارية غالبا وهيغيروهلك فى الصيانة بس على الاقل تمشى بواحد شغال.
ال 120 مابتشغلش زمارة ولا حاجة.
السنتر ممكن يعلق على باب لو مش مغلق كويس (اتأكد لان لازم توريهم المشكلة بتحصل ازاى)
ومش لازم تروح ابو رواش ممكن اى مركز خدمة معتمد

اقتباس:

---

المشاركة الأصلية كتبت بواسطة amirelgohary

ريموت الانذار: جرب الريموت التانى لو شغال يبقى عيب بطارية غالبا وهيغيروهلك فى الصيانة بس على الاقل تمشى بواحد شغال.
ال 120 مابتشغلش زمارة ولا حاجة.
السنتر ممكن يعلق على باب لو مش مغلق كويس (اتأكد لان لازم توريهم المشكلة بتحصل ازاى)

---

بالنسبة للانذار .. الاتنين مش شغالين و حتى لما اقرب من المكان اللى بيلقط منه و اشغله اللمبى الزرقاء اللى فوق مش بتنور
اعتقد ان الاستقبال او الانذار فيه حاجة غلط

اقتباس:

---

المشاركة الأصلية كتبت بواسطة mnbahr

هي بتنزل بيها بره مصر لو ركزت شوية هتلاقي لمبة abs we-air bag لكن أنا متأكد دي عربيتي وانا حفظها :s_thum1[1]:

---

بما انك حافظ العربية ... بالنسبة للبنزين انا معايا بتستهلك 10 لتر 92 فى ال 80 كم ؟؟ هل كده صح و الا ايه؟

حضرتك لما تروح التوكيل اطلب منهم انهم يعملوا معايره لمعدل استهلاك البنزين علي الكومبيوتر

اقتباس:

---

المشاركة الأصلية كتبت بواسطة ramyar

حضرتك لما تروح التوكيل اطلب منهم انهم يعملوا معايره لمعدل استهلاك البنزين علي الكومبيوتر

---

طب فى حد حسب و عارف هى المفروض اد ايه؟؟

اقتباس:

---

المشاركة الأصلية كتبت بواسطة bob_kozy2015

طب فى حد حسب و عارف هى المفروض اد ايه؟؟

---

المفروض تعمل حوالي 115 او 120 في ل 10 لتر

هيا بتعمل معايا كده

على فكرة انا نيو اكسنت 2009 مانيوال

اقتباس:

---

المشاركة الأصلية كتبت بواسطة bassamhafez

المفروض تعمل حوالي 115 او 120 في ل 10 لتر

هيا بتعمل معايا كده

على فكرة انا نيو اكسنت 2009 مانيوال

---

طب انا نيو اكسنت 2010 اتوماتيك ؟؟؟؟؟

مش ممكن كل ةاحد يقارن البنزين باستعمال حد تانى.لان كل واحد ليه طريقة سواقة(جرى-قرص-اشارات كتير)
انا شخصيا بعد ما افول كل مرة بصفر عداد الرحلة و بحسب استخدامى-مشاويرى مع استهلاك البنزين
نصيحة بلاش التانك يفضى او يقرب على الe لانها انجكشن و محتاجة تحرق بنزين نضيف.

اقتباس:

---

المشاركة الأصلية كتبت بواسطة emo_ayman

مش ممكن كل ةاحد يقارن البنزين باستعمال حد تانى.لان كل واحد ليه طريقة سواقة(جرى-قرص-اشارات كتير)
انا شخصيا بعد ما افول كل مرة بصفر عداد الرحلة و بحسب استخدامى-مشاويرى مع استهلاك البنزين
نصيحة بلاش التانك يفضى او يقرب على الe لانها انجكشن و محتاجة تحرق بنزين نضيف.

---

بلاش نقار ن - بس انا بقول 80كم فى ال 10 لتر هل ده معقول ام سئ؟؟

بالنسبة ل10 لتر ل 80 كلم انا شايف انه قليل جدا بس المعدل حيتظبط بعد ال5000كلم.
الصيانة اول مرة 1000 كلم لازم تكون في التوكيل علشان تفعل الضمان.

ممكن حد يقولى ايه اللى هم هيعملوا غير المشاكل اللى عندى و ازاى اتاكد منه؟؟؟

التليفون كام عشان احجز؟؟

اقتباس:

---

المشاركة الأصلية كتبت بواسطة emo_ayman

لما عملت صيانة الالف كان عندى مشكلة فى المساعدين الامامى و هما عملوها ببلاش.
بالنسبة للمشاكل اللى عندك بلغ عليها كلها لما بتسلم العربية لمهندس الاستقبال.و شيك عليها لما تستلم العربية.
اتصل الاول احجز ميعاد صيانة.

لو مش هتغير زيت موتور 10000 يبقى مش هتدفع حاجة

---

ممكن حضرتك تقولى ايه اللى هم هيعملوا غير المشاكل اللى عندى و ازاى اتاكد منه؟؟؟

التليفون كام عشان احجز؟؟
هدفع كام و غيرت زيت 5000كم ؟
زيت الفتيس الاتوماتيك بيتغير كل اد ايه؟؟

شكرا

اقتباس:

---

المشاركة الأصلية كتبت بواسطة rzeiny

بالنسبة ل10 لتر ل 80 كلم انا شايف انه قليل جدا بس المعدل حيتظبط بعد ال5000كلم.
الصيانة اول مرة 1000 كلم لازم تكون في التوكيل علشان تفعل الضمان.

---

الصيانة ممكن تتعمل فى اى مركز خدمة معتمد حتى الالف الاولى بشرط ان يكون معاك كتيب الضمان انما لو مش معاك لازم تروح غبور (ابو رواش او قليوب). انا عملت الصبانة فى مركز خدمة فى الحى العاشر -مدينة نصر و اتأكدت من غبور بالتليفون (الكول سنتر 16101)

الصيانة المعتادة بيتم فيها الكشف على الاجزاء المختلفة فى السيارة. ويتم تربيط العفشة وحل اية مشاكل لاحظتها او يلاحظها الفنى اثناء عمل الصيانة.

اعتقد ان مراكز الخدمة المعتمدة افضل واسرع لان عدد العملاء يكون اقل من مركز الخدمة التابع للوكيل.