انا كنت في السوق امبارح فعلا و للاسف كلاك مظبوط و كان معايا اوبل اونها احمر
طيب يعني انتو شايفين اني اصرف نظر تماما عن الاوبل
و انوي علي الاوكتافيا ولا فيه مقتراحات تانيه
عرض للطباعة
ما انا بقولك السوق بقى مستفز
امبارح واحد قاللى العربية دى مطلوبة اوى فى اسيوط كنا رايحين نشوف عربية لأخو مراتى فى بولاق
المهم مطولش عليك قول طول
قللى عايز كام قلتله 60000 قاللى قدامى اختها بس افتك و افرس منها و على 30000 قلتله و انا اشتريت قاللى هاتعمل بيها ايه قلتله اصلى هاجمع اللى فى مصر وو افتح توكيل خصوصى ملكش فيها
ورانى العربية قسماً بالله الشاسية ملوح و مفيش قايم مفيهوش شروخات و العربية مغيرة وش سلندر بس عايزة طقم شنبر بس و التكييف زى الفل عايز يتشحن و الباور انعم من اليابانى بس عايز زيت نضيف و العفشة عايزة عفشة و تبقى عربية و التابلوه عايز لمض و الفرش عايز كسوه و السقف عايز فرش و انت فاكه ابقى خد بالك من البارومه اللى فى القايم و دق الخبطتين تلاته اللى فى السقف و عايز طقمين فوانيس ورا و قدام فوانيس الجناب سليمه و عايزة فردتين كاوتش قدام و استنضف من اللى هيفضل فردتين لورا و طبعاً تاخدها تعملها سرفيس لأن طلمبة المية بعافية و الكاتينه بتاعت بلادها ( العربية عاملة 120000 كم ) و شوية جوانات و تلحم الشكمان عشان فيه خرم و العلبة اللى ورا دايبة و قفل الشنطة بيعلق و اظبط الأبواب
والله عربية الماظ اهه عايز ايه تانى ( بارومة بلادها ) اه ازاز ورا مكسور و ازاز قدام فيه شرخ واحد بس بطول الأزاز و مفيهاش مرايات لا جوه و لا بره
بس العربية فابريكا جوه و بره
قولتله اللى فيه القسمه عشان لسانى طويل و تفيت فى وشة و مشيت
دور على كسر زيرو و يبقى المالك الأول خد البمبة الكبيرة و هتلاقى حالات تفرح لو دورت بهدوء انت اولى ب 20 - 25 الف جنيه
تماااام انا مع تاااامر
عشان الوكيل الوحش دااا
انما العربيه نفسها انا اللى اعرفه انها حلوه
لا في مكله بنتشه الفتيس ولا الطلعه ضعيفه ولا حاجه بس نقول ايه منصور مبهدلها خخاالص
تصدقو يا جماعه طبعا كلامي لملاك الفكترا 2008 لو انا انزل فكترا 2008 من الوكيل بتاع الاردن واجي عندكو واديكو لفه بيها ح تلاقو فرق شاسع ما بينهم مع انهم نفس اموديل ودا ح يوريكو انه منصور عاكك بلعربيه دي اوي
فا نصيحه عشان متتعبش نفسك مع الحكايه دي ابعد عن حاجه اسمها اوبل ف مصر
يا باشا لا تعب ولا حاجه ..
هتكلم عن نقاط تفوق الاوكتافيا الاول :
1-شنطه اوسع و صالون اوسع
2-صوت موتور اكثر هدوء
3-حركه العفشه فى المطبات قليله جدا بس فى المقابل عفشه انشف من الاوبل بس اريح ..
4-الفتيس بتاعها يمتيز انه سلس اكتر من الاوبل فقط ..
5-سعر اعاده بيع احسن من الاوبل
6-قطع غيار ارخص ..
7-توكيل احسن
نقاط تفوق الاوبل
1-عزل العفشه افضل
2-سحب احسن
3-اثبت فى الملفات
4-خامات افضل بس بنسبه قليله
5-باور اخف (و انت ماشى)
6-تكييف افضل
7-ارتفاعها اكتر من الاوكتافيا
8-فرمله اقوى من الاوكتافيا بس مش بفرق كبير ...
دى مقارنه سريعه كده ..
اى حاجه انا تحت امرك
توكل على الله و هات أوكتافيا بس ماتنساش الإستخارة و ربنا يوفقك :shine[1]:
استفت قلبك
و استخير و الله المستعان
ربنا يوفقك ف الاختيار الصح
الف شكر يا جماعه ليكو كلكو بجد مش مقصرين بس الفكر اختلف بقي دلوقتي .. انا صرفت نظر عن الاوبل خلاص بلاش منها الفكر دلوقتي بقي رايح لاوكتافيا 2007 مثلا a5 او جيتا 2007 مثلا بردو فهل انا كده بفكر صح ولا ايه و ياريت لو حد يعرف رنج اسعارهم ايه في الموديلات دي
معلش بدون تدخل فى امور شخصيه ..
حضرتك كنت بتفكر فى فيكترا زيرو ..
يبقى لما تصرف نظر عنها ..
فكر فى حاجه زيرو بردو ...
بس قبل ما تعمل حاجه ...
انزل اى معرض اتفرج على الفلوانس الجديده ...
و قولى رأيك فيها ...
:verygood:
انا لحد دلوقتى اتفرجت عليها 3 مرات ........:majd(4):