محتاج نصيحتكم الغاليه يا روم البيجو
بسم الله الرحمن الرحيم..انا محتاج مشورتكم في شراء سياره وميزانيتي 25 ومحتار بين عدد من السيارات زي ال 128 والبيجو 305 وواللادا 2105
انا ظروفي هي اسره صغيره وبالنسبه للسفر ممكن مره اسبوعيا ولمسافه 150 كيلو ومحتاج سياره اقتصاديه لاني لسه ببدأ حياتي (عضمي طري اقتصاديا)
مشكله شاسيه ال 128 وشهرتها كصديقه للميكانيكيه مخوفني منها جدا رغم ان قطع غيارها اقتصاديه وكذلك ال 1300 منها كل الناس بتشكر فيه
اللادا ومشكله تمليص البيض فيها والسخونه وثقل الدركسيون فيها كذلك مخوفني وخصوصا ان صحتي ع قدي بالنسبه لقيادتها رغم انها سياره خدمه شاقه وتحمل رهيب
البيجو طبعا معروف لكن الناس بيرتابو في اداء ال 305 ومشاكل اصلاحها وبصراحه مليش واقع تجربه معاها والناس معاها وناس ضدها ومبفكرش في ال 504 بسبب ضريبتها وان موتورها كبير ومش اقتصادي من ناحيه الوقود
ناس اشارو عليا بالشاهين لكن اكتر منهم نبذوها بسبب تقفيلها وكرونتها الضعيفه ومشكله السخونه
انا طولت عليكم بس فعلا محتاج مشوره اصحاب التجارب منكم يا اصدقاء وانا كلي ثقه ان اخواني هنا مش هيبخلو عليا باي نصيحه