لوحابب تغير يبقا نيو سيراتو
الكارينز مش بحبها خالص
لوحابب تغير يبقا نيو سيراتو
الكارينز مش بحبها خالص
هو كسبان وخسران فى نفس الوقت , كسبان ان العربيه الجديده هتبقى اريح وامتع واسرع وبالتالى هحبها اكتر من القديمه لأن حكايه انك تنقل لعربيه فى نفس الفئه او اقل بتخليك دايما تقول العربيه القديمه كان فيها كذا حلو ومش فى دى وتفضل تترحم عليها وبالتالى احتمال كبير تكره العربيه الجديده وده اللى خلانى قولت لأستاذ احمد بلاش السيراتو الجديد لحسن لو وصل فى يوم لمرحله ان القديمه كانت اريح وحاجتها ارخص وانا ايه اللى خلانى غيرت هيبقى الموقف صعب والخساره كبيره والفلوس راحت فى الهوا
و خسران ان الفئه الاعلى دى هتتطلب مصاريف اكتر ده غير فرق السعر اللى هدفعه فيها من بعد بيع القديمه علشان كدا انا مش هغير كمان سنتين , انا مستنى بس لمبورجينى يبقا لها توكيل فى مصر وان شاء الله ان شاء الله ابقا اول عضو هنا اتصور قصاد المعرض بتاعهم
مفيش فايده :majd(4):
انا من فتره وصلت لمرحله ان طول اليوم بفكر فى مواضيع تريقه عن البومه :) , نزلت ركبت فرش لقيت الدنيا رجعت حلوه وقريب ان شاء الله هجنطها علشان يعنى احس انى راكب عربيه مش زى كل الناس , بومه بجنط ومش معقول فى كتير بومه بنفس الجنط
والله شوف انت بتهتم بأيه اكتر , انا بسوق وبسافر كتير وبالتالى الراحه من جوا بتشدنى اكتر من اى حاجه تانيه وده اللى خلانى بدأت بالفرش , طبعا عندك انت الثبات مهم قوى فممكن تبدأ بجنط
مع إنى صوت فى إستطلاع الرأى اللى أنت عامله بإختيار النيو سيراتو لعشقى لها
وأنا معايا نفس موديل عربيتك لكن لو كنت مكانك أرفض التغيير لعدة أسباب
- العربية بتاعتك عاملة حوالى 20000 ك فحرام تبيعها وهى مكملتش معاك سنتين
غير أن هناك فرق سعر هتدفعه لا يقل عن 35000 جنيه أنت أولى بيه
وحتى لو فكرت تغير العربية قدام شوية هات حاجة أعلى من الكيا
غير كدة العربية مريحاك والواحد لسه مبدأش يشتكى منها
وعلى فكرة حصلى نفس الموقف اللى انت فيه انى اغير العربية بتاعتى وأجيب نيو سيراتو
بس كانت كسر الزيرو لكنى رفضت
وفى الأول والاخر القرار لك
بشمهندس احمد كبير السيراتويه :)
انا رأيى لو عايز تغير لسيراتو يبقى مش دلوقتى لانك هاتدفع مبلغ مش هاتحس بفرق كبير بيه لان عربيتك تعتبر لسه جديده
فممكن تنتظر سنه كمان ولا حاجه , وجايز برضه عربيه جديده تنزل تغير حساباتك
لو عايز تغير وتحس فعلا بفرق يبقى هات الكارينز لانها فئه مختلفه عن السيدان
غير كدا ماتغيرش
وبالتوفيق ان شاء الله
أنا صوتت لأنه لا دي ولا دي و فكك من الكيا....
لأن التغيير لازم يكون تغيير بجد و خصوصا انك مستعد تدفع...يعني اتجه للألماني للأوكتافيا للجيتا للجولف أو حتى للياباني سيفيك مثلا قصدي يعني انه من سيراتو قديمه لسه بحالتها لسيراتو برضه جديدة مش هتفرق كتير قوي زي ما انته متخيل رغم الفرق الكبير في الشكل و الكماليات و كل شيء ................
عالعموم لو قررت تبيع أنا شاري..............بجد
انت مش شايف انه حرام عليك تبيع عربيه عامله 20000كم بس ومفيهاش اى عيوب الحمد لله و تعتبر لسه جديده (على كلامك)
لا متغيرش مع انى صوت نيو سيراتو بس مكنتش قريت الموضوع كويس و تصويتى هو خليك على عربيتك
هتسبني وتخلع يا هندسة ؟؟؟؟؟؟؟؟؟؟؟
ده انا جبت الشكل القديم ده بناء على تقرير معالييك الجامد فيها .........
على العموم ربنا يوفقك بس عربيتك لسه بخيرها وفي نفس الوقت السعر المقدم من صديقك مغري فليس علييك الا الاستخارة .....بس انا هه انا لومكانك هجيب الكوبيه دي اللي مجنيناني .........وربنا معاك
أنا بصراحة مش شايف حاجة اضيفها بعد ماكل الأعضاء قالوه بس أنا رأيي إنها فرصة فعلن بس فرصة لو معاك فعلا الفرق ومش حيأثر معاك في حاجات تانية مع إني مستخسر عربيتك بصراحة والمثل بيقولك إن سرقت اسراء جمل يعني يتجيب مثلا حاجة أعلى من عربيتك ومن فئة السيراتو مع احترامي الشديد ليها وحبي ليها ياما خليك فعربيتك اللي مريحاك
طبعا إنت مجربهم وعامل تقريرهم اللي كلنا بنرجعلاها فنتى برده صاحب قرارك وصلي استخارة وإن شاء الله ربنا وافاق للي فيه الخير
اشكر كل الاصدقاء الاعزاء لمشاركتهم وابداء رأيهم
جزاكم الله خيرا
انا فعلا ياباشا مع معظم الاعضاء اللى قالوا انك تحافظ على السيراتو القديمة وربنا يوفقك لما فية خير لك